Exposición " A lírica galego-portuguesa medieval"

3 de outubro de 2022

EXPOSICIÓN “A LÍRICA GALEGO-PORTUGUESA MEDIEVAL”. CÓDICES MEDIEVAIS, FACSÍMILES E LIBROS ANTIGOS.

O Departamento de Lingua Galega e Literatura organiza a exposición “A Lírica Galego- portuguesa medieval”. Códices medievais, facsímiles e libros antigos.

Expóñense os facsímiles dos tres Cancineiros da Lírica Galego-portuguesa: o Cancioneiro de Ajuda, o Cancioneiro da Vaticana e o Cancioneiro Colocci-Bracutti, ademais do Códice do Escorial das Cantigas de Santa María de Afonso X o Sabio.. Acompañando os facsímiles aparecen unhas láminas explicativas da Lírica trobadoresca conxuntamente con outras de imaxes medievais. Completan a exposición diferentes publicacións sobre esta etapa fundamental da nosa literatura así como outros facsímiles como o Breviario de Amor escrito primitivamente en occitano e do que presentamos o manuscrito valenciano do S.XV, a Biblia Pauperum do ano 1.360; o Libro dos Animais de 1.460, o Libro de Horas de fins do S.XV, o Códice Tudela de 1.553, o Libro dos Torneos dos Cabaleiros do Kraichgau de 1.616,Ttratados de Anatomía: un do ano 1.560, outro de 1.800 e un terceiro de 1.831. Completan a exposición libros antigos como A vida de Fray Luís de Granada do Licenciado Luís Muñoz, de 1.639, O Teatro crítico universal do P. Feijoo de 1.758 ou Psicología, Lógica y Ética de D. Bartolomé Beato de 1.884.

Obxectivo: Que o alumnado de Lingua Galega e Literatura (sobre todo 1ºde Bacharelato) coñeza de primeira man o que supuxo a Escola Galego-portuguesa e a cultura trobadoresca na história da Literatura Galega así como aprezar o mundo dos códices, manuscritos, facsímiles e demais publicacións que se expoñen..

A exposición permanecerá o mes de outubro no primeiro andar do instituto.

Para acceder ás fotos da exposición pinchar na imaxe