3º ESO

Visita ao centro penitenciario de Teixeiro

Este martes 6 de marzo unha trintena de alumnos de 3º da ESO, en compaña de tres profesores do centro, foi ao centro penitenciario de Teixeiro devolvendo así a visita que un grupo de internos e educadores da UTE (Unidade Terapéutica Educativa) ‘Concepción Arenal’ realizara ao noso instituto. A experiencia podemos cualificala de profundamente humana e educativa. Participamos nunha especie de comuñón das súas vivencias. O traballo destes internos e destes funcionarios permeables á esperanza, abre un espazo novo, rico, un espazo que debe ser coñecido e socialmente estimado.

Teñen un blog: “di-k-non.blogspot.com”, e contan coa inestimable cooperación económica da coruñesa Fundación Barrié.

Desde aquí, desde o instituto, valoramos a iniciativa e mandamos un saúdo fraternal e estes homes, educadores e mais internos, que están vivindo unha experiencia de futuro.

(Este texto foi elaborado polos profesores acompañantes)

blogue de

Intercambio A Coruña - Stamford

Coma outros anos será no vindeiro mes de febreiro, dos días 9 ata o 16. Hai once alumnos de 3º e 4º da ESO e 1º Bach que participarán no intercambio. Durante estes días os alumnos británicos asistirán a clases no noso centro, compartindo logo outras actividades e visitas á cidade cos anfitrións. Do 24 de febreiro ata o 2 de marzo devolverán a visita aos seus colegas da Gran Bretaña.

O intercambio está coordinado polo profesor Carlos V. Furelos.

Esperamos que o tempo sexa ventureiro cos visitantes. O resto xa o poñerán eles!