FONDO SOLIDARIO LIBROS DE TEXTO PARA O CURSO 2022-2023
Enviado por admin o Dom, 22/05/2022 - 13:01Convocatoria do fondo solidario de libros de texto e axudas para adquirir libros de texto e material escolar destinadas ao alumnado matriculado en educación primaria, ESO e educación especial para o curso escolar 2022/23.
Orde do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23 (códigos de procedemento ED330B, ED330G e ED330H)
O prazo para presentar solicitudes iniciarase o día seguinte ao da publicación desta orde no Diario Oficial de Galicia e rematará o día 22 de xuño de 2022 (este incluído).
PRESENTACIÓN DE SOLICITUDES PARA O FONDO SOLIDARIO DE LIBROS DE TEXTO PARA O CURSO 2022-2023
Non acuda ao centro a buscar a solicitude. Utilice os enlaces que aquí se mostran.
Se vai presentar a documentación persoalmente no propio centro, acuda ao mesmo só cando teña cuberta toda a documentación solicitada (ANEXOS debidamente cubertos, fotocopias requeridas, e calquera outra documentación) O centro non fai fotocopias.
Enlace á aplicación Fondolibros https://www.edu.xunta.gal/fondolibros/
MODOS DE PRESENTACIÓN DE SOLICITUDES
1. Se dispón de DNI electrónico, certificado dixital ou CHAVE365, pode tramitar a súa solicitude en liña desde este enlace
2. Se non dispón de ningún medio electrónico para a tramitación da solicitude online, pode facelo de maneira presencial no propio instituto. Neste caso imprimirán a solicitude e o anexo II e presentaranos no centro debidamente asinados, xunto coa documentación necesaria. Para a comprobación dos datos presentados, é imprescindible a documentación orixinal (libro de familia, DNI), xa que o centro deberá comprobar e completar os datos da solicitude e a documentación presentada. Descargue desde aquí o formulario de solicitude. É un arquivo en formato PDF.
3. Tamén pode presentar a súa solicitude nas oficinas de rexistro da Xunta.
Coñece o IES Ferro Couselo
Enviado por admin o Mar, 03/05/2022 - 11:35Paseo virtual polo instituto. Preme no enlace
DIA DO LIBRO: 23 DE ABRIL 2022
Enviado por admin o Mér, 27/04/2022 - 10:28Que mellor maneira de render homenaxe aos libros e á lectura que a través dun BOOKFACE feito por alumnado e profesorado do noso centro educativo?
O equipo da biblioteca.
Preme no enlace BOOKFACE IES Ferro Couselo
Nova normativa de avaliación para o curso 2021-2022
Enviado por admin o Ven, 22/04/2022 - 12:43Orde do 25 de xaneiro de 2022, pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato no sistema educativo de Galicia.
Os aspectos máis destacados da orde son:
- Os criterios de promoción e titulación modifícanse, sendo de aplicación os que figuran no arquivo adxunto.
- Desaparece a convocatoria extraordinaria na ESO. O alumnado terá 3 avaliacións e unha avaliación final. Tanto a 3º avaliación como a avaliación final serán no mes de xuño.
- No BAC conservase a proba extraordinaria que será no mes de xuño.
No período que vai desde a terceira avaliación ou a avaliación ordinaria de BAC ata o fin de curso desenvolveranse actividades de recuperación, reforzo e ampliación para todo o alumnado. O período lectivo remata o 22 de xuño.
Os documentos de centro que recollen estas modificacións curriculares son:
Criterios de promoción e titulación do centro (no arquivo adxunto)
Adendas nas programacións didácticas dos distintos departamentos onde se recollen as novidades sobre a avaliación (no apartado de departamentos da páxina web)
ADMISIÓN ALUMNADO PARA O CURSO 2022-2023
Enviado por admin o Xov, 24/02/2022 - 11:03Todas as solicitudes de reserva presentadas para 1º ESO ou 1º Bacharelato foron admitidas.
VACANTES PARA O CURSO 2022-2023
ESO |
BACHARELATO |
||
1º |
2 |
1ºBCH-CCSS |
5 |
2º |
- |
1ºBCH-C |
2 |
3º |
- |
2ºBCH-CCSS |
3 |
4º |
1 |
2ºBCH-C |
6 |
CALENDARIO ADMISIÓN 22-23
Presentación da solicitude de admisión: 1-21 de marzo. Rematado o proceso de admisión, todo o alumnado que presentou a solicitude está admitido e non foi necesario baremar.
Presentación da documentación acreditativa dos criterios de baremo: 10 días hábiles contados a partir dos 2 días seguintes ao remate do prazo para presentar as solicitudes de admisión.
Publicación das listaxes provisionais de persoas admitidas e non admitidas: antes do 25 de abril.
Publicación das listaxes definitivas de persoas admitidas e non admitidas: antes do 15 de maio.
Formalización da matrícula en ESO e bacharelato: 25 de xuño-10 de xullo.
Mais información no seguinte enlace
Todas as solicitudes de admisión presentadas foron admitidas.
21 de Febreiro: Día da Lingua Materna
Enviado por admin o Lun, 21/02/2022 - 13:53Enlace ao video feito polo equipo de Dinamización para celebrar o día da Lingua Materna.
23 de Febreiro: Día de Rosalía de Castro
Enviado por admin o Sáb, 05/02/2022 - 11:13A colaboración interdisciplinar de distintos departamentos fixo posible este pequeno proxecto no que podemos ver ao alumnado recitando a Rosalía de Castro nas distintas linguas que se falan no IES Xesús Ferro Couselo.
Ao profesor de música que fixo o traballo mais difícil, darlle forma e montar o vídeo.
Aos seus alumnos de 4º ESO.
A Dinamización Lingüística polo seu ánimo entusiasta.
A vicedirección polo seu apoio loxístico.
E, por suposto, ao alumnado participante e as súas familias.
Grazas
O equipo de biblioteca
Rosalía en distintas linguas: enlace ao video aquí
Exposición sobre Rosalía; enlace ao video aquí
Auxiliar de conversa
Enviado por admin o Ven, 04/02/2022 - 22:13AUXILIAR DE CONVERSA NO IES XESÚS FERRO COUSELO
O programa complementario de apoio e colaboración de profesorado nativo proporciona un Auxiliar de Conversa ao IES Xesús Ferro Couselo.
Dende o martes, 2 de febreiro e deica o martes 31 de maio, por segundo ano consecutivo, o alumnado que cursa francés segunda lingua estranxeira conta coa presenza na aula dunha persoa Auxiliar de Conversa. Durante este período Natisse Chevalier posibilitará a práctica de conversa oral, reforzando as destrezas orais, ao mesmo tempo que achega o alumnado e o profesorado á cultura do seu país.
Reserva de praza para o curso 2022-2023
Enviado por admin o Mar, 11/01/2022 - 12:00PUBLICADA A ORDE POLA QUE SE REGULA O PROCEDEMENTO DE RESERVA DE PRAZA PARA ALUMNADO PROCEDENTE DE CENTROS ADSCRITOS PARA O CURSO 22/23.
Prazo: do 11 de xaneiro ao 8 de febreiro
Enlace para cubrir a solicitude: https://www.edu.xunta.gal/admisionalumnado/
NOTA; Esta solicitude deberase presentar no centro educativo de orixe ou en calquera dos lugares que establece a Lei 39/2015, do 1 de outubro, do Procedemento Administrativo Común, incluída a SEDE ELECTRÓNICA, para o que se precisará de Chave365 ou certificado dixital, sendo esta a canle preferible de presentación.
Felicitación de Nadal 2021
Enviado por admin o Mér, 29/12/2021 - 11:37Preme no enlace para ver a felicitación de Nadal do profesorado e o alumnado do instituto.
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »