4º ESO
Conferencias no mes da Ciencia en Galego (II)
A Institución Galega de Ciencia ofrece unha serie de charlas sobre temas científicas.
A segunda charla desenvolverase no Salón de Actos o martes 23 ás 12 horas e versará sobre o COVID. O título da conferencia é Química e vida.
A conferencia será impartida por Maria Del Pilar Bermejo Barrera, Decana da Fac. de Quimica da USC
Traballos sobre sociolingüística galega de 4º de ESO (IV)
Rematamos cun par de traballos máis de Sociolingüística. En primeiro lugar, o traballo de Ángela Vila, Nerea Viqueira e Ían Sánchez, que indagaron nas Redes Sociais e móstrannos as reflexións sobre a lingua dos influencers Ángela Pego, Raúl Ben e Alba, quen fala orgullosa o seu fermoso galego occidental da Costa da Morte.
O grupo formado por Laura, Teresa e Sara Vázquez demostraron co seu traballo que o galego non é un impedimento para triunfar fóra: Sabela, Sadanza, Media Punta e Helena Lourenzo son artistas que luciron orgullosos lingua e cultura en diferentes concursos.
Traballos sobre sociolingüística galega de 4º de ESO (III)
Os seguintes traballos sobre Sociolingüística galega son, en primeiro lugar, o realizado por Javier Sánchez, Sofía Dos Santos e Sara Varela, que se informaron sobre o audiovisual galego e descubriron que incluso a plataforma Filmin ten un curruncho para o coñecido como “Novo cinema galego”.
E en segundo lugar, presentamos aquí o traballo feito por Iván Sanjurjo, Nerea Sandá e Yago Muíño, quen montaron este vídeo con grupos de música que lles gustaron e que inclúe tamén unha entrevista á artista Guadi Galego (ver foto), que reflexiona con eles sobre a delicada situación do galego no momento actual.
A táboa periódica
Temos instalada no vestíbulo unha táboa periódica interactiva, realizada polo alumnado de 4º de ESO, no marco da materia de Física e Química.
A foto desde logo non lle fai xustiza; hai que vela in situ. O resultado sorprende pola súa potencia didáctica e visual.
Traballos sobre sociolingüística galega de 4º de ESO (II)
Seguimos coa publicación na nosa páxina dos traballos de Sociolingüística realizados por alumnado de 4º da profesora Carmen Suárez.
O grupo formado por Roberto Gestal, Inés Ulloa e Patricia Mato, tamén de 4ºA, fixeron unha viaxe polo pop e o indi e falaron con Xiao Berlai.
No caso do grupo formado por Teo Feijoo e Antón Doporto, o seu traballo serviu para nos descubrir grupos de Rock, clásico e moderno, que quixeron compartir connosco. Os integrantes de Ruxe Ruxe explica por que cantan en galego.
Práctica deportiva. Paddle surf en Mera
O vindeiro 4 de xuño o alumnado de 4º C sairá a practicar Paddle Surf nas augas do Seixo Branco e Praia de Mera, nunha actividade organizada polo Departamento de Educación Física.
O alumnado poderá relacionar as actividades físicas na natureza coa saúde e a calidade de vida, así como demostrar hábitos e actitudes de conservación ambiental.
Orientación Académica para 4º ESO
O vindeiro 3 de maio, ás 8:45, os catro grupos de 4º de ESO participarán nunha actividade de orientación ás 8:45, acompañados polos seus e súas titoras.
A actividade consistirá nunha conferencia telemática impartida polo Equipo de Orientación Específica da Consellaría de Educación.
Obradoiro de intervención socioeducativa nas aulas (VI)
Obradoiro de intervención socioeducativa, enfocado na cocaína, a cargo de Juan Carlos Prados, psicólogo da Unidade de Prevención de Condutas Aditivas do Concello de Betanzos.
- 4º B, de 9:35 a 10:25
- 4ºC, de 10:25 a 11:15
- 4ºD de 12:35 ás 13:25
Obradoiro sobre afectividade sexual (Sexpoint Casco)
O vindeiro 25 de marzo, das 08:45 ás 10:25, a asociación Sexpoint Casco, da Coruña, impartirá a segunda sesión do seu obradoiro sobre afectividade e doenzas de transmisión sexual.
Obradoiro sobre afectividade sexual (Sexpoint Casco)
O vindeiro 15 de marzo, das 12:35 ás 14:15, a associación Sexpoint Casco, da Coruña, impartirá a primeira sesión do seu obradoiro sobre afectividade e doenzas de transmisión sexual.
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »