Comezamos este curso co programa radio  na  biblio, do que publicamos aquí o noso primeiro episodio con motivo do Día das Letras Galegas 2020. 

Gracias a todo o alumnado e profesorado participante, polo voso esforzo e colaboración á hora de dar visibilidade e promoción ao día das nosas letras. Grazas polo sentir e polo amor pola lingua que transmitides en todos e cada un dos máis de 111 audios. Agardamos que toda a comunidade educativa nos axude a darlles difusión e vida escoitándoos e compartíndoos cos seus achegados.

Tamén presentámos o  logotipo da nosa radio, deseñado por un Pablo 4ºESO TIC, e o nome da mesma, froito da creatividade de Yago de 4º ESO TIC 

Esperamos as vosas subscricións á nosa canle de  iVoox. Saúdos

Dentro dos Plan Proxecta que temos no noso IES, hai un que lles encanta a todo o voluntariado que se apunta nel. É o plan dos correspondentes xuvenís 3.0, que coordinado pola nosa orientadora Amparo Mejuto e o profesor de XHª Julián Ferrer, promove que o alumnado informe aos seus compañeiros, tanto no centro coma por redes sociais, de todas aquelas novas que poden ser do seu interese. 

O alumnado de 4º ESO saíu hoxe polas rúas de Betanzos repartindo de balde caraveis e poemas ás persoas que atopaban no seu camiño. Esta iniciativa xurdiu das mentes dos de 4º B que, acompañados da súa titora Carmen Suárez, materializaron esta singular iniciativa. 

Compartimos con vós un pequeno álbum con instantáneas na galería fotográfica e un vídeo elaborado por un pequeno grupo de alumnas/os.

 Premede nas frechas para navegar polas fotografías ou visitade o álbum da actividade na galería fotográfica do centro.

Álbum: Actividades 2019-2020 -> Saída poética por Betanzos 4ºB ESO Día de Rosalía

Continuamos o capítulo de videocríticas de literatura en galego que o alumnado de 4º da ESO está a facer ca súa profesora Carmen Suárez. Hoxe tócalle o turno  a Eva que nos recomenda a lectura de 'Palabras envelenadas' de Maite Carranza.

O departamento de Lingua Galega e Literatura, da man de Carmen Suárez, sorpréndenos este curso coa realización de videocríticas co alumnado. Os alumnos/as recomendan aos seus amigos e ao público en xeral, lecturas que eles mesmos desfrutaron.

Hoxe queremos facer público o traballo de Misma que, con moita naturalidade e soltura, comparte con nós a súa impresión acerca de 'Kafka e a boneca viaxeira' de Jordi Sierra i Fabra

Continuación dos proxectos de colaboración co espazo +60 de Afundación en Betanzos. Os maiores terán un encontro co alumnado de 4º A e B para contarlles as súas experiencias nunha escola que sen dúbida era moi diferente da época dos ordenadores e os móviles, aínda que igual de enriquecedora e formativa. 

Para observar críticamente e pensar acerca da sociedade que foi e a que nos toca vivir. 

Horarios da actividade:

O alumnado de Educación Plástica e Visual co profesor José Manuel Rey Bao á fronte, dentro do Proxecto Terra do COAG (Colexio Oficial de Arquitectos de Galicia), no apartado 'Dereito ao hábitat', volve a sorprendernos cun artístico mural. Instalado no corredor dos laboratorios de Física e Química mostra a refracción dun feixe de luz branca separándose nas cores do espectro visible. Ao mesmo tempo, fai unha homenaxe á icónica portada do disco do grupo de rock sinfónico Pink Floyd no que moitos califican coma a súa obra máis representativa 'Dark side of tht moon'.

Lembramos tamén nesta entrada, intervencións pasadas feitas tamén polo alumnado de Rey Bao coma o mural 'Evolución', o mural da 'Táboa Periódica',  e os pintaportas dos baños do alumnado do edificio principal (1º andar e 2º andar), entre outras....