Chegou aos nosos oídos... que a escritora e ex profesora do "Aguiar, Olga Patiño Nogueira , presenta novo poemario baixo o título "Silencio Habitado",  que edita Pigmalión Edypro

Lodo de dalo a coñecer en novembro en Madrid e, máis tarde, na librería Arenas da Coruña, Olga non podía deixar de presentarnos a súa creación en Betanzos. Será na tarde do xoves 20 de febreiro na libraría Biblos.

Unha nova ocasión para disfrutar da calidez humana de Olga e da súa palabra poética .

San Valentín no "Aguiar"  ou, de como o Equipo da Biblioteca soubo  transformar unha festa máis ou menos comercial  nunha auténtica exaltación da lectura e escritura............de textos de amor, por suposto

Hoxe 13 de febreiro no IES Francisco Aguiar cumplíronse todas as expectativas depositadas no encontro de Paco Roca e David Rubín  co alumnado do 1º ciclo da ESO .

O presentador do acto e Dinamiz(t)ador da Biblioteca non só fixo unha brillante presentación dos poñentes senón que amosou unha lixeireza de reflexos encomiable.

David Rubín e Paco Roca amosaron ao noso alumnado o que debe ser un gran profesional no eido que a cada quen lle toca : Unha sabia mestura de talento nunha porcentaxe non necesariamente elevadísima e, sobre todo,  unha dose importante de traballo. As horas que confesaron adicar diariamente ao seu traballo ou o tempo que tardan en concluir cada un dos seus proxectos  son boa mostra disto. Soubemos que o "uniforme" de traballo de Paco Roca é o pixama ou que David Rubín comezou a pensar seriemente adicarse a este traballo ao coñecer a Miguel Anxo Prado, ou que a obra que máis queren de todas as súas... é a que aínda non fixeron.

Por último e non menos importante cumplíronse as expectativas con respecto ao alumnado  que , unha vez máis deixou moi alto o nivel do noso IES. Seguiron moi atentos a explicación e logo foron q uen de facer preguntas realmente interesantes  a Paco e David.

O resumo fixoo un compañeiro ao dicir que "este encontro vai ser moi importante para o Instituto e para o alumnado do primeiro ciclo". Nós engadimos que foi todo un luxo.

Grazas Francisco. Grazas Paco e David. Grazas rapaces, rapazas e compañeiros todos.

O pasado 28 de febreiro no programa "Versión Española" que presenta cayetana Guillen Cuervo , emitíase en toda España a película "Arrugas" dirixida por Ignacio  Ferreras e baseada no comic do mesmo título de Paco Roca. Como é habitual neste programa, de seguido da proxección veu un coloquio  que resultou moi interesante.

O que non podiamos imaxinar é que tan só dúas semanas máis tarde Paco Roca estaría no Aguiar presentando a película e o seu comic aos rapaces de 1º e 2º da ESO ( que por eses días tamén puideron disfrutar nas aulas Abalar da película "Arrugas")

Pois así é, grazas ás xestións do Equipo de Biblioteca ,  o xoves 13 de febreiro ás 10.30 Paco Roca e David Rubín visitarán o "Aguiar" para ter un encontro, seguro que moi interesante, con todo o alumnado do primeiro ciclo da ESO

Volvemos ao título musical desta entrada. ¿Que fan dous autores tan coñecidos de banda deseñada nun Instituto como o Aguiar de Betanzos?.  A explicación é doada. Xa dende hai varios anos o noso instituto trabala coa banda deseñada:

.Temos unha sección na Biblioteca adicada ao cómic

.Publicamos anualmente unha  revista escolar de banda deseñada "BDban-de"

.As materias de Lingua Castelá e Lingua Galega  utilizan asiduamente nas súas aulas albums ilustrados e obras de banda deseñada como parta da súa programación de traballo e lecturas.

Para completar a oferta a Biblioteca acaba de mercar dúas obras destes autores

 -"Beowulf" de Santiago García e David Rubín  sobre o poema épico anglosaxón que tanto influíu en Tolkein

. "Los Surcos del Azar" de Paco Roca, sobre combatentes republicanos na Guerra Civil e na II Guerra Mundial 

Chegou ata os nosos oídos ... que o xoves 6 de febreiro á 20,30h. na Sala Azul do Edificio Liceo, estamos  convidados polo Alcalde-Presidente do Excmo. Concello de Betanzos, Dn. José Ramón García Vázquez á presentación do libro titulado, "Los cuentos de Sebas", que presenta a nosa compañeira de Inglés  Mª José Pardo Fandiño.Actuará como presentadora,  a profesora de Lingua Castela do "Aguiar" Elvira Castro Otero.

Logo de presentar o pasado ano o seu primeiro libro "El País de los Cuentos. With Bilingual Tales", Mª José volve cun novo libro de contos para nenos, cheo de suxestivas actividades e co elemento distintivo de volver a ser bilingüe.

Neste enlace a reseña de prensa de la Opinión ou de La Voz de Galicia.

¡Desexámoslle éxito a esta compañeira, gran  traballadora no Insti' e, ben se pode ver,  fora del!

• un relato de Rafael Dieste, e
• unha antoloxía de poemas de Raúl Vacas.  

Nota: A Salinger espéralle unha boa reprimenda na Xefatura de Estudos.