Instantáneas da viaxe multiaventura organizada por Leonardo Piñeiro do departamento de Educación Física para alumnado de 1º de BAC. Kayak, orientacion, sendeirismo, e praia aderezado cun turístico desprazamento en tren e a visita ao museo etnográfico de As Pontes, todo en dúas intensas xornadas. 

Álbum: Departamento de Educación Física 2018-2019 -> Ortigueira multiaventura 1ºBAC

Organizadas por Leo Piñeiro do departamento de Educación Física en colaboración co Club de Piraguïsmo Ría de Betanzos.

Os vindeiros 14 e 21 de maio os alumnos de 1º de Bacharelato viaxarán na procura das pegadas de "A Esmorga", obra de Eduardo Blanco Amor, na cidade na que se desenvolve a novela, Ourense.

Descubrir eses espazos, as rúas, tabernas, fontes... como un xeito de achegarse a esta obra é unha proposta do Departamento de Lingua e Literatura Galega  que completa perfectamente o traballo nas aulas sobre esta obra cumio da literatura galega.

A viaxe desenvolverase en dúas quendas:

Ninguén podía imaxinar a principio do pasado curso, 2017-2018, a onde chegaría a iniciativa que partía do noso compañeiro de Pedagoxía Terapéutica, Ramón Ferreño.  Animado polos encontros interxeracionais para falar da emigración Ramón propuxo  introducir nesa "conversa" un novo tema: a escola dos nosos maiores. Ofertaba, tamén, a súa propia explendida colección de materiais escolares doutras época para ilustrar o traballo.

Puxémonos en contacto con Afundación para presentar a proposta a Ana Doval e X. Lois Liñares, e a cousa pùxose a andar. O curso pasado experimentamos, como pilotos, os materiais no noso instituto. O traballo de Delfina Roibal, Julián Ferrer e Ramón Ferreño deu bos resultados aplicado ao alumnado de 2º ESO.

Este ano , volvemos a traballar coa  proposta,  pero dista volta con alumnado de 1º BAC. Había que perfeccionar porque queríase presentar en sociedade, convidar a outros centros a traballar con ela...

O video que presentamos recolle esta presentación no Instituto coruñés de Monte das Moas  co padriñado doutra colega historiadora, Ana Brea, e a presencia no acto de Delfina Ruibal.

Un paso máis na presenza da escola pública no noso entorno social,

unha ocasión máis dun Aguiar atento a cantas oportunidades xurdan de dignificar e mellorar o ensino público.

^{venres 10 de maio 2019}

Durante toda a mañá. Tras unha charla xeral, o alumnado escolle a rama de coñecemento á que quere acudir na visita.

Organizada por Amparo Mejuto do departamento de Orientación e vicedirección.

O pasado martes, 30 de abril, os alumnos de Linguaxe e práctica musical de 1ºBac, acompañados das da súa profesoras Beatriz García e Blanca Bello, praticiparon no VIII Encontro de alumnos de Música de Secundaria e Bacharelato de Galicia en Santiago de Compostela, organizado por ASOMUSICA, que é asociación de profesores de Música de Secundaria e Bacharelato de Galicia, da cal Blanca é a presidenta.

Os rapaces viviron unha experiencia inolvidable participando no macroconcerto de 4 horas e nos obradoiros de Hip hop e Batucada que se impartiron simultáneamente.

Aqui vos deixamos a mostra das súas actuacións e fragmentos da reportaxe que A Revista da TVG fixo sobre o evento.

Enlace á reportaxe da TVG de 'A revista' onde entrevistan a Blanca Bello Sobral, profesora de música no noso centro e organizadora do evento coma presidenta de ASOMÚSICA.

Enlace á reportaxe da TVG sobre o evento.

Noraboa ao alumnado participante e a profesora Blanca Bello polo seu traballo á hora de educar en algo tan importante e indispensábel como é a Música. 

A nosa compañeira Beatriz Muíño, do departamento de francés, compañeira de departamento e co-promotora xunto a Beatriz Vázquez desta viaxe, achéganos un video da súa autoría resumindo a  estancia en Bélxica.

Agradecer ás dúas Beatrices todo o seu bó facer durante esta viaxe de tanto proveito para o alumnado.

Convócase aos pais/nais/titores/titoras do alumnado participante na 'Viaxe a Grecia 2019' a unha reunión informativa o vindeiro xoves 2 de maio 2019 ás 17:00 horas no Aula de Idiomas do IES Francisco Aguiar