Novas
Que estudar na USC?
Enviado por anabelenfernand... o Mér, 17/05/2023 - 14:47Como todos os anos, participamos no programa A ponte entre o ensino medio e a USC, e dende esta universidade achégannos información sobre os graos que se poden estudar nos seus campus de Santiago e Lugo, clasificados segundo as distintas ramas de coñecemento.
Podes acceder ao díptico e tríptico que nos envían dende a USC, nos que podes consultar os distintos estudos de grao que podes realizar nesta universidade.
E ti...que queres ser?
Premios extraordinarios da ESO e o Bacharelato
Enviado por anabelenfernand... o Mar, 25/04/2023 - 18:04Consulta neste apartado a información relativa aos premios extraordinarios da ESO e do Bacharelato, polos que se recoñece o mérito excepcional baseado no esforzo e traballo do alumnado que cursou con un excelente rendemento académico.
En cada unha das convocatorias concédense ata 20 premios con unha contía de 1000 € cada un deles. O alumnado participante deberá realizar unha proba presencial, segundo as caracteristicas indicadas na correspondente convocatoria.
Convocatoria premios extraordinarios da ESO (ligazón):
- Destinatarios: alumnado que titula en 4º ESO no curso 22/23, con nota media igual ou superior a 9 puntos.
- Prazo de presentación de solicitudes: do 31 de maio ao 30 de xuño de 2023.
- Data da proba: 6 de setembro de 2023.
Convocatoria premios extraordinarios do Bacharelato (ligazón):
- Destinatarios: alumnado que finalice Bacharelato no curso actual, con nota media igual ou superior a 8,75 puntos.
- Prazo de presentación de solicitudes: do 26 de abril ao 25 de maio.
- Data da proba: 14 de xuño de 2023.
O alumnado interesado en participar debe cumprir os requisitos fixados na convocatoria.
A solicitude de participación presentarase preferiblemente de forma telemática a través do formulario normalizado (Anexo I) dispoñible na aplicación informática PremiosEdu (https://edu.xunta.gal/premiosedu/) accesible dende a sede electrónica da Xunta de Galicia (https://sede.xunta.gal) ou directamente dende a aplicación PremiosEdu. Opcionalmente, poderanse presentar presencialmente en calquera dos lugares e rexistros establecidos na normativa reguladora do procedemento administrativo común.
Becas para estudos no curso 2023-2024
Enviado por anabelenfernand... o Lun, 20/03/2023 - 20:12ABAU 2023. Toda a información
Enviado por admin o Mér, 01/03/2023 - 20:14Publicada a Resolución do 13 de febreiro de 2023, pola que se ditan instrucións para a realización no curso 2022/23, da avaliación do bacharelato para acceso á Universidade (ABAU) para o curso 2023/24.
Consulta a información relevante na presentación que se xunta e/ou na páxina web da CIUG.
Actualizado 17/05/2023
Axudas para un curso intensivo de inmersión lingüística en Inglés
Enviado por anabelenfernand... o Lun, 13/02/2023 - 19:57O Ministerio de Educación e Formación Profesional convoca 2400 axudas para participar nun programa intensivo de inmersión lingüística en inglés en España, destinadas a estudantes de Bacharelato, de Grao Medio de FP, de Artes Plásticas e Deseño, de Ensinanzas Deportivas, de Ensinanzas Profesionais de Música e Danza e de Idiomas de Nivel Intermedio e Avanzado, durante o mes de xullo de 2023.
REQUISITOS:
- Ter nacido entre o 1 de xaneiro de 2003 e o 31 de decembro de 2006
- Ter obtido no curso 2022-23 a condición de becario do Mº de Educación e Formación Profesional nalgún dos estudos indicados no punto seguinte, conforme á Resolución do 10 de marzo de 2022, da Secretaría de Estado de Educación, pola que se convocan becas de carácter xeral, para o curso académico 2022-23, para estudantes que cursen estudos postobrigatorios.
- Estar matriculado no curso 2022-23 en: Bacharelato, Ensinanzas profesionais de música e danza, grao medio de FP, grao medio de artes plásticas e deseño, grao medio de ensinanzas deportivas ou ensinanzas de idiomas de nivel intermedio e avanzado.
- Ter aprobadas todas as asignaturas do curso 2021-22 a data da finalización do curso con unha nota final mínima de 9 na materia de inglés.
- Terán preferencia as persoas solicitantes que obtiveran unha puntuación superior na materia de inglés. A esa nota sumaránselle 1,5 puntos aos solicitantes de nova adxudicación.
DOTACIÓN:
A axuda cubre todos os gastos de ensinanza, material, manutención e aloxamento. O transporte ata as instalacións corre por conta do alumnado, que tamén debe abonar 100 euros á empresa.
PRAZO DE SOLICITUDE:
Dende o 01 de febreiro ata o 03 de abril de 2023
Probas para a obtención do título da ESO para maiores de 18 anos. Convocatoria 2023
Enviado por anabelenfernand... o Lun, 13/02/2023 - 19:31A Consellería de Educación ven de publicar a Resolución do 27 de xaneiro de 2023, da Dirección Xeral de FP, pola que se convocan as probas para a obtención do título de graduado en educación secundaria obrigatoria para maiores de 18 anos nas convocatorias de maio e setembro, e se ditan instrucións para a súa realización.
Prazos de matrícula:
- Convocatoria de maio: do 6 de marzo ao 16 de marzo de 2023, ambos incluídos
- Convocatoria de setembro: do 3 de xullo ao 10 de xullo de 2023, ambos incluídos
Máis información na ligazón.
Admisión en centros públicos para o curso 2023-24
Enviado por anabelenfernand... o Lun, 13/02/2023 - 19:21Iniciado o procedemento de admisión en centros sostidos con fondos públicos para o curso 2023-24. Prazos salientables do procedemento, referidos ao ano natural:
- Reserva de praza no centro de orixe: do 15 de xaneiro ao 4 de febreiro.
- Publicación da listaxe de alumnado con posto reservado: 22 de febreiro.
- Sorteo público da letra a efectos de desempate: última semana de febreiro
- Publicación de postos escolares vacantes: antes do 1 de marzo.
- Presentación da solicitude de admisión (para alumnado que cambie de centro para cursar a mesma ensinanza ou para estudos superiores en centros non adscritos): do 1 ao 20 de marzo.
- Presentación da documentación acreditativa dos criterios de baremo: 10 días hábiles contados a partir dos dous días seguintes ao remate do prazo para presentar as solicitudes de admisión.
- Publicación das listaxes provisionais de persoas admitidas e non admitidas: 25 de abril.
- Reclamacións: prazo máximo de 5 días hábiles a partir do día seguinte á súa publicación).
- Publicación das listaxes definitivas de persoas admitidas e non admitidas: 15 de maio.
- Formalización da matrícula en educación infantil e primaria: 20 a 30 xuño.
- Formalización da matrícula en ESO e bacharelato: 23 de xuño a 7 de xullo
Toda a información na ligazón.
Probas de acceso a ciclos de grao medio e superior. Convocatoria 2023
Enviado por anabelenfernand... o Dom, 22/01/2023 - 18:37Publicada a Orde do 5 de decembro de 2022 pola que se regulan as probas de acceso a ciclos formativos de grao medio e superior de formación profesional.
PRAZOS DE INSCRICIÓN:
- CICLOS MEDIOS: Entre o 27 de febreiro e o 10 de marzo de 2023, ambos os dous incluídos
- CICLOS SUPERIORES: Entre o 23 de xaneiro e o 3 de febreiro de 2023, ambos os dous incluídos.
DATAS DOS EXAMES:
- PROBAS CICLOS MEDIOS: 25 de maio de 2023
- PROBAS CICLOS SUPERIORES: 20 de abril de 2023
REQUISITOS DE INSCRICIÓN:
- CICLOS MEDIOS: Non cumprir requisitos de acceso directo e ter alomenos 17 anos no 2023
- CICLOS SUPERIORES: Non cumprir requisitos de acceso directo e ter alomenos 19 anos no 2023.
EXENCIÓNS E DOCUMENTACIÓN: Consultar a Orde do 5 de decembro de 2022 (adxunta)
Datas ABAU 2023
Enviado por anabelenfernand... o Mar, 15/11/2022 - 05:41A CIUGA ven de publicar as datas de realización dos exames da ABAU para o 2023.
- Convocatoria ordinaria: 6, 7 e 8 de xuño
- Convocatoria extraordinaria: 11, 12 e 13 de xullo
Nesta ligazón pódense consultar as notas de corte das titulacións do Sistema Universitario de Galicia (SUG)
Becas da Fundación Amancio Ortega para estudar 1º BAC en Canadá ou EE.UU
Enviado por anabelenfernand... o Mér, 21/09/2022 - 15:17A Fundación Amancio Ortega convoca unha nova edición de becas para estudar 1º de Bacharelato en Canadá ou en Estados Unidos durante o curso académico 2023/24.
Convócanse 400 becas dirixidas a alumnado de 4º da ESO, que lles permitirán convivir con unha familia durante o curso escolar no país de destino. Das becas convocadas, resérvanse 70 para estudantes galegos.
A beca inclúe o 100% do custo dos servizos necesarios para cursar un ano académico no país de destino: viaxe de ida e volta á localidade estranxeira, taxas de escolarización e matrícula nun instituto público, aloxamento e manutención nunha familia de acollida, seguro médico e de accidentes, convalidación do curso académico e unha pequena asignación mensual para gastos menores. Tamén inclúe unha serie de actividades dirixidas á formación dos becarios seleccionados e á tramitación dos seus expedientes, antes da saída ao país de destino.
REQUISITOS:
- Estar inscrito como estudante en 4º da ESO nun centro de ensino do territorio español no momento de presentar a solicitude de participación, excepto centros docentes privados estranxeiros en España.
- Ter realizado os cursos de 1º, 2º e 3º da ESO conforme ao sistema educativo español.
- Non ter desfrutado dunha experiencia académica igual ou superior a 4 meses como estudante internacional nun pais estranxeiro, durante os cursos de 1º, 2º, 3º e/ou 4º ESO.
- Ter unha nota media mínima de 7 puntos en 3º ESO.
- Ter obtido unha nota mínima de 7 puntos na materia de Inglés (ou a súa alternativa como primeiro idioma estranxeiro) nas notas finais de 3º ESO.
- Ter DNI ou NIE e pasaporte español.
- Información tributaria da unidade familiar (non se require un nivel mínimo nin máximo de renda familiar)
PRAZO DE INSCRICIÓN: do 12 de setembro ao 11 de outubro de 2022 ás 13:00 horas.
Información e solicitudes na LIGAZÓN.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »