Novas
Probas para a obtención do título de Bacharel para maiores de 20 anos. Convocatoria 2022
Enviado por anabelenfernand... o Sáb, 26/02/2022 - 08:46Publicada a Resolución do 17 de febreiro de 2022, da Secretaría Xeral de Educación e Formación Profesional, pola que se convoca a proba para a obtención do título de bacharel para maiores de vinte anos e se ditan instrucións para a súa realización.
O periodo de inscrición na proba estará comprendido entre o 7 e o 16 de marzo de 2022.
Xúntase a resolución e o formulario de inscrición na proba.
ABAU 2022
Enviado por anabelenfernand... o Mar, 22/02/2022 - 18:54Publicada a Resolución do 11 de febreiro de 2022 pola que se ditan instrucións para realizar, dentro do curso 2021/2022, a avaliación de bacharelato para o acceso á universidade (ABAU) no curso 2022/2023. Pódese consultar dita resolución no documento adxunto.
Novos graos no Sistema Universitario Galego no curso 2022-2023
Enviado por anabelenfernand... o Ven, 18/02/2022 - 18:53As tres universidades de Galicia teñen proxectado implantar novos títulos universitarios para o próximo curso 2022-2023. Estes son os novos graos para o próximo curso:
Universidade de Vigo:
- Grao en Deseño: terá dúas mencións, unha en Deseño de moda e outra en Deseño Gráfico e Dixital.
- Grao Dual en Enxeñaría da Automoción, con alternancia no centro de estudos e na empresa.
Universidade de Santiago de Compostela:
- Grao en Innovación Gastronómica e Xestión Hoteleira (Centro Superior de Hostalaría de Galicia). Será un grao dual, alternando formación no centro de estudos e a empresa. Este título supón a extinción do título propio da USC Diploma Superior en Xestión Hoteleira.
Novos graos conxuntos entre varias universidades:
- Grao en Relacións Internacionais (grao interuniversitario entre a UVigo e UDC). Terá dúas mencións, unha en Cooperación para o desenvolvemento e outra en Xestión de proxectos e negocios internacionais.
- Grao en Intelixencia Artificial (grao interuniversitario entre a UVigo, UDC e USC).
Suspendidas as probas de aptitudes para o acceso ao Grao en Ciencias da Actividade Física e do Deporte para o curso 22-23
Enviado por anabelenfernand... o Ven, 18/02/2022 - 18:35As universidades de Vigo e A Coruña publican unha resolución rectoral na que informan da suspensión das probas de aptitudes para o acceso ao Grao en Ciencias da Actividade Física e do Deporte, a efectos de admisión no curso 2022-2023, a causa da situación excepcional que estamos a vivir pola COVID.
Así, o acceso ao grao basarase unicamente na nota de admisión dos solicitantes, e segundo as normas xerais de acceso á universidade informadas pola CIUG.
Esta medida é excepcional e só sera vixente para o acceso ao grado durante o próximo curso 2022-2023.
Probas para a obtención do título de ESO para maiores de 18 anos. Convocatoria 2022
Enviado por anabelenfernand... o Ven, 18/02/2022 - 18:08Publicada a Resolución do 4 de febreiro de 2022, da Secretaría Xeral de Educación e Formación Profesional, pola que se convocan as probas para a obtención do título de graduado en ESO para maiores de 18 anos e se ditan instrucións para a súa realización.
Prazos de matrícula:
- Convocatoria de maio: do 7 de marzo ao 17 de marzo de 2022, ambos incluídos.
- Convocatoria de setembro: do 1 de xullo ao 8 de xullo de 2022, ambos incluídos.
Xúntase resolución e formulario de inscrición.
Carnés e habilitacións profesionais. Convocatoria 2022
Enviado por anabelenfernand... o Ven, 18/02/2022 - 18:00Publicada a Orde do 7 de febreiro de 2022 pola que se convocan probas para a obtención de determinados carnés e habilitacións profesionais no presente ano.
Prazo de presentación de solicitudes:
- Primeira convocatoria: do 21 de febreiro ao 8 de marzo de 2022, ambos incluídos.
- Segunda convocatoria: do 20 de xuño ao 4 de xullo de 2022, ambos os dous incluídos.
Xúntase orde da convocatoria.
Acceso a toda a información, listaxes e calendario das probas na nesta ligazón.
Docencia de Formación Profesional para o emprego
Enviado por anabelenfernand... o Xov, 03/02/2022 - 18:38Proximamente dará comezo en Lalín o itinerario formativo “Docencia da formación profesional para o emprego”, dentro da programación do proxecto LABORA 2020 cofinanciado polo FSE e a Deputación de Pontevedra.
Data de inicio: 9 de marzo de 2022
Horario: 09:00 – 14:00 horas
Destinatarios: persoas desempregadas da provincia de Pontevedra, con titulación de bacharelato e que se atopen incluídas nalgún dos seguintes colectivos:
- Persoas desempregadas de longa duración (PLD)
- Mozas e mozos menores de 30 anos non atendidos no Programa Operativo de Emprego Xuvenil (POEX)
- Persoas maiores de 55 anos
- Persoas con discapacidade
- Inmigrantes
- Minorías étnicas e comunidades marxinadas
- Outros colectivos desfavorecidos
- Outras persoas en situación de vulnerabilidade acreditada por un informe dos servizos sociais
Para participar no proceso de selección é necesario facer a preinscrición na sede electrónica da Deputación de Pontevedra.
Máis información no teléfono 986804100 ou no e-mail labora2020@depo.es
Probas de acceso a ciclos de formación profesional. Convocatoria 2022
Enviado por anabelenfernand... o Lun, 31/01/2022 - 15:11Publicada a Orde do 17 de decembro de 2021 pola que se convocan as probas de acceso a ciclos formativos de grado medio e superior de formación profesional no ano 2022. Máis información na presentación:
Procedemento de admisión para o curso 2022-2023
Enviado por anabelenfernand... o Mar, 18/01/2022 - 16:04Iniciado o procedemento de admisión para o próximo curso 2022-2023. Prazos salientables do procedemento, referidos ao ano natural:
- Reserva de praza no centro de orixe: do 11 de xaneiro ao 8 de febreiro.
- Sorteo público para efectos de desempate: última semana de febreiro, en todo caso, antes do 1 de marzo.
- Publicación de postos escolares vacantes: antes do 1 de marzo.
- Presentación da solicitude de admisión: do 1 ao 20 de marzo.
- Presentación da documentación acreditativa dos criterios de baremo: 10 días hábiles contados a partir dos 2 días seguintes ao remate do prazo para presentar as solicitudes de admisión.
- Publicación das listaxes provisionais de persoas admitidas e non admitidas: antes do 25 de abril.
- Publicación das listaxes definitivas de persoas admitidas e non admitidas: antes do 15 de maio.
- Formalización da matrícula en educación infantil e primaria: 20-30 xuño.
- Formalización da matrícula en ESO e bacharelato: 25 de xuño a 10 de xullo.
- Prazo extraordinario de formalización de matrícula en ESO e bacharelato: 1-10 setembro.
Máis información na ligazón.
Unitour Vigo - Orientación universitaria para alumnado e familias
Enviado por anabelenfernand... o Dom, 28/11/2021 - 09:34UNITOUR convida a estudantes de Bacharelato e familias a visitar o Salón de Orientación Universitaria en Vigo, para coñecer a oferta de Graos dispoñible (www.unitour.es)
O evento terá lugar o mércores 15 de decembro de 2021 no Palacio de Congresos Mar de Vigo (Avda. da beiramar, 59), en horario de 16:00 a 17:30 horas con entrada gratuita.
Os interesados/as poderán anotarse na web https://www.unitour.es/inscripcion-online/vigo
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »