IES de Melide

A acreditación do nivel de competencia dixital é unha iniciativa da Xunta de Galiza dentro do Marco galego de competencias dixitais. 

QUE NIVEIS SE PODEN ACREDITAR?

Nivel iniciación

Nivel intermedio

COMO SE ACREDITA?

Nivel iniciación: 

• Ao rematar o Ciclo Básico de calquera perfil profesional
• Ao rematar o módulo IV da Educación Secundaria para Adultos ESA

Nivel Intermedio:

• Ao rematar un Ciclo Superior de calquera perfil profesional
• Mediante unha proba voluntaria se remato un Ciclo Básico ou o módulo IV de ensinanzas de Adultos
• Acredítase parcialmente ao rematar un Ciclo Medio de calquera perfil profesional. Facendo unha proba específica dunha parte pódese obter a certificación completa.

CANDO E ÓNDE?

No mes de xuño, no IES de Melide

Podes ter máis información premendo Aquí.

E podes acceder a unha demo da proba premendo aqui.

Se tés máis dun 8.75 de media no bacharelato podes optar a un dos 20 premios de 1000 € da convocatoria 23-24. Preme na imaxe para ter máis información

Publicadas as listas provisionais de admitidos para o programa de axudas para actividades de formación en linguas estranxeiras no exterior, para alumnado de 1º e 2º de Bacharelato. 

Pincha na imaxe para obter máis información.

MÉRCORES 10 e XOVES 11

de 08:40 a 12:35

 O próximo mércores 10 e xoves 11 terán lugar as probas de avaliación de diagnóstico de 2º de ESO.

Que é a avaliación de diagnóstico?

É un procedemento de avaliación do sistema educativo que valora o nivel de todo o alumnado galego de 2º de ESO e 4º de primaria nas diferentes competencias e sirve para establecer propostas de mellora para o centro educativo

Cales e como son as probas?

No curso 2023-24 avalianse as competencias Matemática e Lingüísitica. Polo tanto todo o alumnado galego realizará na mesma data as mesmas probas. Proba matemática, Proba de Lingua Galega, Proba de Lingua Castelá e Proba de Lingua Inglesa.

Podes ver algún exemplo de proba premendo nos seguintes enlaces.

Cando se realizan as probas?

Cada día o alumnado realizará dúas probas para as que disporá de ata 70 minutos. Polo tanto o horario do alumnado verase modificado entre a 1ª e a 4ª hora e a partir da 5ªh terán clase normal.

Polo tanto o horario verase modificado durante o mércores e o xoves.

Que pasa cos resultados?

As probas son anónimas pero o alumnado será identificado cun código numérico. Todas as probas serán corrixidas no centro e unha selección serán sometidas a unha segunda corrección externa. 

Os resultados serán globais e serán comunidados ás familias, de maneira que teremos coñecemento do nivel medio do centro en cada unha das competencias. Os resultados individuais non poderán ser feitos públicos e non terán efectos académicos para o alumnado.

E que temos que facer as familias?

Para completar a avaliación ás familias solicitaráselles que cubran un cuestionario que se facilitará no seu momento unha vez realizadas as probas. 

Queres saber máis?

Se aínda tés dúbidas podes premer no seguinte enlace.

E se queres acceder a toda a información legal e ormativa sobre as probas pincha aquí.

O próximo día 08 de abril de 2024, ás 12:35 h, terá lugar a proba voluntaria de Acreditación de Competencia Dixital para alumnado de 2º de Bacharelato.

O alumnado que titule en 4º ESO recibirá automáticamente unha certificación de Competencia Dixital COMDIX nivel Iniciación.

O alumnado que titule en 2º BAC recibirá automáticamente unha certificación de Competencia Dixital parcial COMDIX nivel Intermedio.

Para completar esta certificación, o alumnado de 2º BAC poderá presentarse a unha proba voluntaria complementaria.

Premendo no seguinte enlace poderás acceder a unha demo da proba voluntaria para que te fagas unha idea de en que consiste.

A Xunta acaba de publicar a convocatoria das axudas para a formación en linguas estranxeiras para este verán 2024. Estas estadías terán unha duración de 3 semanas en diferentes países como Canadá, Reino Unido, Francia ou Portugal. 

Na axuda está incluído o seguinte: 

- As actividades, o monitorado acompañante, os gastos de docencia e material escolar, as actividades culturais e deportivas realizadas durante o periodo da formación, os gastos de mantemento e aloxamento e o seguro de accidentes e de responsabilidade civil. 

As persoas destinatarias son os alumnos e alumnas de 1º e 2º de bacharelato que cumpran os seguintes requisitos:

- Ter aprobado todas as materias do curso 22-23 e ter unha nota de mínimo 6 na materia de lingua estranxeira que queren perfeccionar. 

Para obter máis información ou facer a solicitude consulta esta ligazón ou consulta co departamento de orientación. 

O próximo luns 29 de xaneiro, de 16h a 17:30 na bliblioteca do IES de Medlie, segunda reunión de ENAPAS, vencella ao programa Quérote+

Se tés interese en como crear espazos seguros para poder falar de dúbidas e preocupacións sobre a crianza e a sexualidade, como traballar a educación emocional e sexual ou coñecer ferramentas para a xestión diaria deste tipo de situacións, podes pasarte para falar con nós.

Estades convidados/as. Podedes confirmar a vosa asistencia facéndonos chegar a parte recortable do tríptico informativo ou escribindo ao correo ies.melide@edu.xunta.gal

O festival de rock en Galego EU PRESUMO DE GALEGO, chega á súa oitava edición este venres 16.

12:35 faladoiro con Fernando Casal (Pub Gatos) Carlota Casal (membro do ENL e exalumna do centro), Aida López (vocalista de Cuarta Xusta) Iván e Mateo (membros de K7) moderado por Paco Veiga.

Xantar con artistas, convidados, organización alumnado e profesorado.

17:30 pasarrúas con Herbagrileira

18:00 Concerto AMOEBO e VERDINI

Podes conseguir a túa camisola e chapa festivaleira nos corredores do IES durante os recreos.

O próximo martes 23 de xaneiro, ás 18.00 na bliblioteca do IES de Medlie, primeira reunión de ENAPAS.

Virginia Castro, terapeuta familiar especializada en transtornos de conduta infantís e xuvenís falará de como xestionar a frustración, poñer límites, educar en tolerancia, comunicarnos con respecto e resolución de conflitos, entre outras cousas.

Estades convidados/as. Podedes confirmar a vosa asistencia facéndonos chegar a parte recortable do tríptico informativo ou escribindo ao correo ies.melide@edu.xunta.gal