Infórmase da publicación da listaxe de adxudicación definitiva de alumnado seleccionado e suplente en relación ás Axudas para a realización de actividades de formación en linguas estranxeiras no ano 2022 (AXUDASLE 2022).

Pódese consultar toda a información na ligazón: https://www.edu.xunta.gal/axudasle/

O alumnado que o vindeiro curso estea matriculado en 3º ESO en francés poderá optar en 4º ESO ás prazas de inmersión linguística que ofertará o Concello de Vigo.

Así, o alumnado poderá optar a unha estadía de tres semanas en Francia, unha grande oportunidade para profundizar no coñecemento da lingua e a cultura francesas.

No arquivo adxunto tedes datas de interese cara ao final de curso.

No arquivo adxunto tedes o calendario de exames correspondente á convocaoria extraordinaria de primeiro e segundo de bacharelato. Moita sorte!

Os que ides presentarvos aos premios extraordinarios de bacharelato correspondentes ao curso 2021-20022 tedes a información relativa aos lugares de realización da proba no seguinte enlace....

Boa sorte!

Un ano máis, Cruz Vermella continúa ofrecendo apoio ás familias daqueles nenos e nenas que teñan dificultades para adquirir o material escolar ou inclusive os libros de texto, complementando a bolsa da Xunta de Galicia, solicitude imprescindible para optar a esta campaña. As solicitudes recolleranse na Asemblea da Cruz Vermella de Vigo do 20 ó 30 de xuño (non se recollen no instituto).

A documentaciónimprescindible a presentar para facer a solicitude é a seguinte: volante de empadronamento conxunto, Libro de familia, fotocopia do DNI-NIE-PASAPORTE dos adultos, última nómina, certificados de ingresos de tódolos adultos (Seguridade Social, SEPE e Xunta), copia da solicitude de beca e contrato de aluger.

Cruz Vermella só facilitará axudas de carácter material e non terá en conta as marcas específicas.

Está aberta a convocaoria para solicitar axudas do Ministerio de Educación e Formación Profesional para alumnado con necesidades específicas de apio educativo (discapacidade, trastorno grave da conduta ou da comunicación e a linguaxe, trastorno do espectro autista e altas capacidades).

Se facedes clic na imaxe poderedes acceder a toda a información necesaria.

Ven de ser publicada a convocatoria dos premios extraordinarios de educación secundaria obrigatoria ao rendemento académico correspondentes ao cuso 2021/22. Nos arquivos adxuntos tedes a convocatoria da orde e o extracto da mesma.

Podedes acceder ás listaxes de axudicación provisional das axudas para a realización de actividades de formación en linguas estranxeiras no ano 2022 facendo clic no seguinte enlace.

Está aberta a convocatoria da solicitude de axudas para a adquisición de libros de texto e material escolar para o vindeiro curso 2022/23.

Podedes acceder á información se facedes clic no seguinte enlace.

Se tedes calquera dúbida podedes acercarvos á secretaría do instituto.