Animámosvos a participar nos pasatempos que nos propoñen:

Encrucillado: https://puzzel.org/es/crossword/play?p=-NwLViW4RT2PzFG6MtGL

Sopa de letras: https://www.educima.com/wordsearches/sopa_de_letras_con_arte-abd5fde6836dcd480222fc4a9494ca9e

Aquí tedes un pequeno vídeo dos traballos realizados como proxecto do primeiro trimestre para as aulas materia do centro, elaborados polo alumnado de Expresión Artística de cuarto de ESO e coordinados polo Xefe de Departamento de Debuxo Pablo J. Martínez.

Estimada Comunidade Educativa. Dende o IES ROU queremos agradecervos a tod@s, pais, nais, alumnado, profesorado e persoal non docente, a vosa aportación á iniciativa solidaria na adquisición con aportación voluntaria do libro BORIS E COMPAÑIA, ilustrado polo noso profesor do Departamento de Debuxo Pablo Martínez. Todo o recadado, case 600 €, irá destinado a Rede de Mulleres Veciñais contra os Malos Tratos de Vigo. Este inicitativa non sería posible sen a aportación da propia Editorial Galaxía que donou estes exemplares ao centro .

Agradecer tamén aos diferentes medios de comunicación que fixeron a cobertura informativa e mediática desta labor solidaria e educativa.

Co gallo da conmemoración do día internacional pola eliminación da violencia contra as mulleres, no IES República Oriental do Uruguai de Vigo ( Teis ), o ilustrador Orballo, profesor de debuxo do centro, fará unha sinatura multitudinaria do seu libro da Editorial Galaxia "BORIS E COMPAÑIA". Cada persoa interesada poderá adquirir un ou varios exemplares do mesmo, donados pola propia editorial, e facer unha achega económica VOLUNTARIA, destinada a Asociación REDE DE MULLERES VECIÑAIS CONTRA OS MALOS TRATOS DE VIGO.

Este acto comezará ás 11:20 h e rematará ás 14:00 h.

Ademáis o centro expón RED FLAGS con consellos para previr conductas sexistas, inaugura o Punto de Igualdade na Ágora do centro, fai homenaxe ás victimas de violencia de xénero do 2023 na camelia da entrada ao instituto e expón iniciativas feitas por mulleres contra a violencia de xénero.

O pasado venres 27 de outubro, o noso alumnado de EXPRESIÓN ARTÍSTICA de 4º de ESO scudiu a unah expesición interactiva no MARCO ( Museo de Arte Contemporánea de Vigo ), sobre a figura de JOSÉ GIL, fotógrafo e pioneiro do cinema galego e que tiña o seu estudo fotográfica na mesma rúa do Príncipe hai máis dun século.

O noso alumnado, xunto con outro alumnado do IES Politécnico, IES da Guía e IES San Tomé, tiveron unha experiencia de cine de hai 100 anos, visionando pezas de cine mudo de Charles Chaplin, Harold LLoyd e do mesmo Jose Gil, onde puideron apreciar a antiga figura do "explicador" de películas e do Vigo de 1914.

O IES ROU estrea Grafitti e da por concluido o mural da CONVIVENCIA e IGUALDADE, todo da man do alumnado de Expresión Artística de 4º de ESO .

Debemos dar unha mención especial ao noso artista particular Lucas Ruzo, de 4º ESO A, que co seu bo facer na arte da caligrafía graffiteira foi quen de dinamizar a conclusión deste proxecto comezado o curso pasado.

Ao mesmo tempo, na Ágora do centro estreamos o punto de Convivencia e Benestar cun tótem identificativo,  onde todos os primeiros recreos, coa axuda mediadora do coordinador de convivencia, Pablo Martínez, poderemos resolver con diálogo e de xeito pacífico, todos aqueles conflitos e roces que poidan xurdir na convivencia entre iguais no día a día.

Dentro das diferentes actividades que levamos a cabo no noso centro para celebrar o Día das Letras Galegas están a realización de marcapáxinas e a realización dun mural levado a cabo polo alumnado de 1º ESO.

Xuntamos taḿén un arquivo sobre a exposición que se leva a cabo na pinacoteca Fernández del Riego.

Co gallo da celebración do 8M, convén lembrar que a historia da arte está chea de mulleres artistas esquecidas, pouco valoradas e mal consideradas por desempeñar esta profesión nunha época onde a supremacía masculina era aplastante. Por todas elas e polo seumagnífico traballo vai esta exposición no IES ROU.

Nos arquivos adxuntos tedes uns estupendos catálogos creados pola Asociación A Roldana, un colectivo que loita pola inclusión das artistas no currículo educativo.

Queda pouco para a celebración do Entroido no IES ROU. Seguindo o espirito de sostenblidade e reciclaxe propio da axenda europea 2030, cos seus 17 obxectivos de desenvolvemento sostible, o alumnado do IES ROU está a confeccionar con materiais de reciclaxe procedentes do centro as pantallas do Entroido deste ano. Son tres e a partir do luns 13 de febreiro darán instruccións ao alumnado para ir preparando a festa do vindeiro venres 17 de febreiro.

O noso alumnado da ESO,dende as materias de Educación Plástica e visual e Proxecto Competencial, crean un "FLOWER POWER" de materiais de reciclaxe para conmemorar o día internaciónal da PAZ e NON violencia. A elección do símbolo hippie da Paz serve para dar un toque de cor a toda a situación de conflicto internacional.

Loitando pola Igualdade e a Convivencia pacífica e a non discriminación, dende o IES ROU berramos forte ¡NON AOS CONFLICTOS ARMADOS ¡¡VIVA A PAZ!!

Ademais, o alumnado de 1º ESO B (supervisado pola profesora Lorena Torrón) redactou un manifesto pola paz.