Bioloxía-Xeoloxía
Consumo insostíbel
O alumnado de 1º de Bacharelato, na materia de Bioloxía e Xeoloxía e coordinados polo profesor Rubén Borrajo do Departamento de Bioloxía, realizou unha análise da problemática medioambiental relacionada co consumo. Estudou como o actual modelo de comercio global e produción capitalista causa o deterioro do medio ambiente. Analizáronse os modos de produción, a produción alimentaria, o transporte, a deslocalización e o estilo de vida consumista propio das sociedades do primeiro mundo e o impacto ambiental derivado. Relacionáronse todos estes aspectos co incremento do cambio climático. Analizáronse 10 documentais e unha curtametraxe e realizáronse pósters explicativos deles.
Nos arquivos adxuntos tedes un resumo deste traballo.
Programacións
No arquivo adxunto tedes as programacións do departamento correspondentes ao curso 22-23.
"Lapbooks" hidrosfera
O alumnado de 1º da ESO da materia Bioloxía e Xeoloxía fixo uns "lapbooks" sobre a hidrosfera. Despois eles mesmos gravaron un vídeo ensinandonos o traballo realizado. Aquí tedes o resultado.
Os fósiles no noso instituto
O venres día 17, tivo lugar unha charla sobre paleontoloxía impartida por Ricardo Olabegoya e organizada polo Departamento de Bioloxía e Xeoloxía, na que participou alumnado de primeiro e segundo de bacharelato.
Se lle botades unha ollada ás seguintes fotos podedes observar o interesante que resultou.
Colleita
Coa fin do curso chegou o momento de recoller, tamén, os froitos do traballo na horta. Aquí tendes parte da recolleita do alumnado de 1º de ESO:
As pandemias nos séculos XX e XXI
No arquivo adxunto tedes o póster que fixo o alumnado de 4º ESO de Cultura Científica, coordinados pola profesora Marta Álvarez, sobre as pandemias nos séculos XX e XXI.
Parabéns, campiona!
Queremos felicitar a Sabela González Alcántara, alumna de 2º de bacharelato, por acadar o primeiro posto na fase final galega da Olimpíada de Bioloxía, celebrada hoxe, 19 de febreiro, na falcultade de Ciencias da Universidade de Vigo e que lle da acceso á fase nacional.
Á proba acudiron os vinte alumnos que conseguiron a mellor puntuación nunha fase previa eliminatoria.
Lembramos que Sabela xa demostrou ser unha científica nata os cursos anteriores, nos que logrou excelentes relultados e o pase á fase nacional de Olimpíada de Xeoloxía.
Podedes ver a noticia no Faro de Vigo se facedes clic no seguinte enlace.
E tamén a entrevista en Radiovoz no seguinte enlace.
|
Charla do investigador Carlos Spuch
O martes 15 de decembro tivemos dous Charlas do investigador e biólogo Carlos Spuch (ao que lle agradecemos enormemente a súa presenza) sobre a prevención e protección ante a Pandemia do COVID-19. Aquí tedes unhas imaxes da interesante e instructiva conferencia dirixida aos alumnos de 1º e 2º bacharelato.
A volta de MeteoROU
Xa botámos de menos os datos meteorolóxicos que nos trae todos os días o equipo de MeteoROU. Miden a velocidade do vento, a cantidade de chuvia, a porcentaxe de humidade, a temperatura e a presión atmosférica. Este ano o equipo está composto por alumnado de Ciencias da Terra e o Medio Ambiente de 2º BAC.
Aquí tedes unhas fotos do equipo e das súas medicións.
Fotos dun cometa
Aquí tedes unhas fotos do cometa C/2020 Neowise feitas polo profe do noso instituto Javier López Bermúdez
Por se precisades máis información:
- Foi descuberto este mesmo ano, en marzo.
- Non voltará pasar ata dentro de 6 800 anos.
- Estivo a 103 millóns de quilómetros (a distancia Sol-Terra é duns 150 millóns).
- Pode verse ao noroeste, unha hora despois do solpor (sobre as 00 horas), agora por baixo da Osa Maior.
- Co paso dos días (o resto do mes de xullo) irá subindo pola esquerda da constelación.