na ABAU 
Ciencias Naturais
O Proxecto Rebinxe do IES San Rosendo gañador dos III Premios Fundación Endesa á Ecoinnovación Educativa na categoría 3: Como mellorarías o teu entorno?
Enviado por Admin o Sáb, 22/06/2019 - 14:38O proxecto dos alumnos de Bioloxía do IES San Rosendo sobre o lobo ibérico gaña un premio a nivel nacional!
Enviado por Admin o Xov, 20/06/2019 - 14:28O proxecto dos alumnos de Bioloxía O da la miúda, para o estudo do lobo ibérico na comarca, gañou un dos seis primeiros premios aos mellores proxectos científicos do XXXI Certamen Jóvenes Investigadores outorgados polo Instituto da Xuventude (Injuve) e o Ministerio de Ciencia, Innovación e Universidades.
Tres alumnas –María Bouso Posada, Xiana Rego Fernández e Ana Rubal Sánchez– foron as encargadas de presentar o proxecto, que estuda a distribución, a etoloxía e a fenoloxía desta especie nas proximidades do centro educativo, baixo a coordinación do profesor Óscar Chao Penabad.
O proxecto dos alumnos de Bioloxía "O da la miuda", sobre o lobo no Xistral, participará no Galiciencia 2019
Enviado por Admin o Mér, 24/04/2019 - 07:24 «O da lá miúda», un proxecto do IES Plurilingüe San Rosendo de Mondoñedo de seguimento do lobo seleccionado para participar na feira científica Galiciencia, que se celebrará no Parque Tecnolóxico de Galicia, en Ourense, do 8 ao 10 de maio.
«Participan nel uns 15 alumnos de varios cursos, desde terceiro da ESO a segundo de Bacharelato», indica o profesor de Bioloxía Óscar Chao Penabad, que coordina a iniciativa.
Para localizar os animais utilizan distintos métodos: desde rastrexo de feces, rascaduras, pegadas ou pelos en sendeiros e camiños, a restos de depredacións. Todos os achádegos se xeolocalizan nun mapa. Ademais, con autorización da Consellería de Medio Ambiente, o grupo ten instaladas oito cámaras con sensor de movemento en Mondoñedo, Alfoz e Abadín. Por agora xa localizaron varias manadas, aínda que dar co lobo non é sinxelo.
https://i.avoz.es/sc/robKNkKZD5ld65WkwERjy-a54No=/600x/2019/04/23/001215... 600w, https://i.avoz.es/sc/ZdxGsHESJDL14AWnImnIo96Aowo=/900x/2019/04/23/001215... 900w" width="414" height="211">
O Proxecto Rebinxe presentou o seu traballo no centro social de Masma
Enviado por Admin o Xov, 04/04/2019 - 15:08
O Proxecto Rebinxe dos alumnos de 1º e 2º de BAC do IES San Rosendo gañador do 1º premio EXPORECERCA Xove e do premio Ciencia en Acción
Enviado por Admin o Xov, 07/03/2019 - 08:43O Proxecto Rebinxe dos alumnos de 1º e 2º de BAC do IES San Rosendo gañou o 1º premio da súa categoría no certame nacional de investigación escolar EXPORECERCA Xove , a maior feira cintífica para mozos de España, e o premio Ciencia en Acción.
O IES San Rosendo de Mondoñedo alzouse este sábado co primeiro premio do certame de investigación escolar Exporecerca’19 Jove, que se celebrou o pasado fin de semana en Hospitalet de Llobregat, Barcelona, grazas ao proxecto denominado Rebinxe (Recuperación da Biodiversidade na Xeografía Rural). O equipo de oito estudantes viaxara á Exporecerca como premio por gañar a Galiciencia 2018 con ese proxecto.
Competían na maior feira científica de España con máis dun centenar de proxectos de toda España, e outros países como Arxentina, Brasil, Bélxica ou Turquía. Grazas ao primeiro premio conseguido, o ano que vén estarán en Abu Dabi, nos Emiratos Árabes, competindo nunha feira internacional de mozos investigadores. Ademais, o proxecto conseguiu outro premio especial, Ciencia en Acción, que consiste na participación noutra feira en Alacante.
Programa Naturézate 2018. Plan Proxecta
Enviado por Admin o Mér, 20/06/2018 - 07:20PLAN PROXECTA: PROGRAMA NATURÉZATE
O departamento de Ciencias Naturais do IES San Rosendo participou este ano tamén dentro do Plan Proxecta no seu Programa Naturézate con varias actividades.
Entre elas estivo "Voando no inverno", na que o alumnado de Bioloxía e Xeoloxía de 4º ESO e 1º de Bacharelato realizou un roteiro ornitolóxico
pola costa de Ribadeo (ZEC As Catedrais) e a Ría de Ribadeo (humidal protexido e zona RAMSAR).
Con binoculares, telescopios terrestres e guías de campo, durante a mañá e parte da tarde do 17 de xaneiro puidéronse observar numerosas especies de aves
acuáticas, moitas delas invernantes: patos rabudos, asubiadores, cercetas, mazaricos reais, águias peixeiras, cullereiros, pilros, corvos mariños...
O alumnado deseñou un folleto informativo antes do roteiro para coñecer as principais especies, e tamén unha páxina web con información sobre algunhas
das aves invernantes que se poden observar na zona. Os estudantes enviaron os datos dos seus avistamentos a través da plataforma internacional eBird.
Proxecto Ríos 2018
Enviado por Admin o Lun, 18/06/2018 - 06:04Como en cursos anteriores o IES San Rosendo participou no Proxecto Ríos, programa para o estudo do estado ecolóxico dos ríos organizado pola asociación ecoloxista ADEGA, e que se atopa dentro do Plan Proxecta.
Nesta ocasión tocoulle ao alumnado de 2º e 3º PMAR e aos de Ciencias aplicadas de 4º da ESO ser os inspectores. Coma sempre o río estudado foi o Valiñadares en 2 puntos próximos a Mondoñedo.
Na campaña de outono visitamos o punto da Pousada e o da ponte do Pasatempo, e en maio decidimos cambiar a ponte do Pasatempo por un punto situado augas arriba, coa intención de estudar un punto con menor impacto, e un mellor bosque de ribeira.
Os resultados están sendo analizados polo alumnado de ciencias aplicadas que en breve teñen que entregar os seus informes onde aportaran datos hidromorfolóxicos, de parámetros físico químicos, así como utilizaran o bosque de ribeira e o estudo de macroinvertebrados para a aplicación de bioíndices que nos mostren a calidade das augas do Valiñadares.
O Proxecto Rebinxe dos alumnos de 1º de Bacharelato do IES San Rosendo gañador absoluto do Galiciencia 2018
Enviado por Admin o Mar, 15/05/2018 - 10:02
Un equipo de oito estudantes do IES San Rosendo de Mondoñedo, cun proxecto de ciencia cidadá para a recuperación da biodiversidade no rural, foi o gañador absoluto da edición de 2018 de Galiciencia, a maior feira científica escolar de Galicia. A iniciativa, bautizada co nome de “Rebinxe“, foi a mellor valorada polos 40 membros do 
xurado entre as 50 propostas finalistas. Como premio, os estudantes de Mondoñedo, representados na feira que tivo lugar na Tecnópole de San Cibrao por Lidia Barreira e María Bouso, recibirán 1.000 euros para financiar a súa participación na Exporecerca 2019 a feira científica de carácter estatal máis prestixiosa.
