Vicedirección

Segunda sesión da Escola de Nais e Pais. "Benestar emocional na adolescencia"

Mér, 26/04/2023 - 09:29

Segunda sesión da Escola de Nais e Pais. "Benestar emocional na adolescencia". Como superar conflictos nesta etapa.

Obradoiro impartido por Andrea Bachlian na Biblioteca do IES Sofía Casanova o martes 9 de Maio de 16:00 a 18:00 horas.

Mais información nos Carteis adxuntos Imprescindible notificar asistencia a este correo: anpa.sofia.casanova@gmail.com

A biodiversidade que nos rodea

Mar, 11/04/2023 - 16:03

O alumnado de primeiro de ESO participou no proxecto Make it Open cun escenario de aprendizaxe sobre A biodiversidade que nos rodea.

Coordinado polo profesorado dos departamentos de Bioloxía e Xeoloxía e de Tecnoloxía,

coa colaboración dos Museos Científicos Coruñeses, o alumnado: analizou a biodiversidade da zona, colleron sementes, xeolocalizáronnas nun Padlet, fixeron pequenos invernadoiros, construiron uns testos, crearon mini xardíns no instituto e realizaron repoboacións nun área deseucaliptizada do val de Doniños.

Para levar a cabo este escenario, a parte das profesoras das materias do proxecto tamén colaborou persoal non docente do instituto e donos da área repoboada.
Foi unha experiencia moi gratificante para todos os participantes.

Galería de imaxes

Mocidade coa lingua

Mar, 11/04/2023 - 15:44

O pasado 30 de marzo, os alumnos de 2º e 3º da ESO acudiron ao Auditorio de Ferrol a disfrutar do concerto A Mocidade coa lingua.
Nel, ademáis de escoitar a grupos doutros institutos, tiveron a sorte de ver en directo a AS FILLAS DE CASANDRA, un dos grupos galegos revelación este ano.

Observa_Acción

Mar, 28/03/2023 - 10:40

Durante este trimestre un grupo de profesores e profesoras do centro estiveron participando na primeira fase do Programa de intercambio de experiencias OBSERVA_ACCIÓN publicado na RESOLUCIÓN do 26 de outubro de 2022, da Dirección Xeral de Centros e Recursos Humanos, pola que se convoca a participación no programa de formación “Observa_Acción: Desenvolvemento competencial desde a observación e o intercambio entre iguais”, durante os cursos escolares 2022/23 e 2023/24, que se levará a cabo a nivel autonómico, nacional e internacional.

O programa Observa_Acción ten como finalidade fomentar o desenvolvemento profesional nas Competencias Profesionais Docentes para a cooperación e colaboración, a construción conxunta de coñecemento e o liderado e xestión de centros a través do intercambio de boas prácticas e a observación entre iguais.

A primeira fase deste programa realizouse entre docentes deste centro educativo e consistiu na observación da práctica docente e xestión da aula, así como no intercambio de información e posterior reflexión conxunta sobre a observación da práctica docente.
Na seguinte ligazón pódese consultar a memoria final.

Blended Learning 4 All!

Mar, 28/03/2023 - 04:58

Profesorado do Sofía Casanova estivo esta semana en Lisboa participando no proxecto Erasmus+ Blended Learning 4 All! (BL4A).

BL4A é un proxecto internacional que trata sobre o aprendizaxe mixto, combina o ensino presencial e o ensino online. Nel participa profesorado da Universidade Lusófona de Lisboa, do Európa 2000 Gimnáziun de Budapest, do Milli Egitim Müdürlügü de Mersin e do CFR de Ferrol.

Nesta primeira formación traballouse o modelo de BL e amosáronnos ferramentas dixitais que podemos incluir no noso día a día.

Obradoiro de instrumentos música

Ven, 24/03/2023 - 08:03

O pasado martes 21 de marzo, tivemos a sorte de contar no instituto, coa presenza de Emilio Romero Fabal, constructor de instrumentos e profesor no Padroado de Cultura de Narón.

Explicou ao alumnado de 2º ESO a importancia dos instrumentos tradicional, a súa evolución e función. Ademáis ensinoulles a elaborar un CARRIZO.

Desexando aprender máis cousas.

Mil grazas, Emilio.

ESCOLA de NAIS/PAIS - OBRADOIRO de Benestar Emocional e prevención de conflictos

Lun, 06/03/2023 - 08:03

O día 28 de Marzo, no IES Sofía Casanova, de 16:00 a 18:00 horas, terá lugar a primeira sesión do obradoiro.

Este obradoiro ten o obxectivo de recuperar a Escola de Nais e Pais do Sofía e tratar un tema tan demandado hoxe en día como é a saúde mental dos nosos fillos/as.
Os Obxectivos veñen descritos no cartel anexo e será Impartido por una psicóloga especialista de gran traxectoria, Andrea Bechlian.

É necesario confirmar previamente a asistencia neste correo anpa.sofia.casanova@gmail.com para facer diferentes preparativos.
Non hai límite de aforo.

Concerto didáctico adicado á música tradicional galega

Mér, 01/03/2023 - 06:36

O 24 de febreiro, os alumnos de 2º ESO acudiron o Auditorio de Galicia, en Santiago de Compostela, a escoitar e disfrutar dun concerto didáctico adicado á música tradicional galega. PABLO CARPINTEIRO ARIAS, PRESENTADOR E MÚSICA. ROSA SÁNCHEZ, CANTADORA E PERCUSIONISTA

"Neste concerto didáctico empréganse 43 instrumentos musicais galegos diferentes usando un fío condutor que consiste en explorar o paralelismo entre a evolución da nosa especie e o desenvolvemento físico e musical dun neno e unha nena galegos.

É un concerto que corresponde a nova disciplina da biomusicoloxía.