blogue deadmin

O pasado 18 de xaneiro participamos na segunda modalidade de Campo a Través en Puzo do Lago de Maside. O día parecía soleado en Beariz, pero ao chegar a Maside a néboa era espesa. Corrimos entre a néboa pero ao final o sol fixo acto de presencia. Aínda que no quedamos entre os primeiros postos, pasamos un bo rato.

No blogue da Agrupación Deportiva Arenteiro tendes acceso ás imaxes do evento e ás clasificacións do noso alumnado en cada categoría. 

Estimadas familias:

Recomendámosvos que mañá e os vindeiros días mandedes ao colexio aos vosos fillos e fillas ben abrigados, xa que a caldeira da calefacción hoxe non funcionaba porque, parece ser, que foi encendida nas vacacións de Nadal por persoal alleo ao equipo docente cando nos encontrabamos de vacacións; razón pola cal descoñecemos por qué falla e non puidemos tomar as medidas oportunas antes. O técnico encargado de revisala e arranxala xa está avisado e pasará mañá sobre as 11:00h.

Un saúdo e desculpade as molestias.

A Responsable de centro

O pasado 19 de decembro fomos á aula CEMIT do Concello de Beariz para ter unha videoconferencia con Papá Noel. Fomos con moita ilusión a pedirlle o que queremos que nos traia por Nadal , porque é mellor decirlle as cousas en persoa que por carta!!! Ao rematar, fomos visitar, como en anos anteriores, a Residencia San Antonio, para ver o Belén que alí poñen e felicitar o Nadal ás persoas maiores alí residentes. 

O pasado luns 20 viñeron a darnos unha charla dende a mancomunidade do Carballiño para aprender máis sobre os xoguetes non sexistas, co fin de respectar as preferencias de nenos e nenas en canto a xoguetes. Tamén vimos o vídeo de Oliver Button é unha nena, para concienciar ao alumnado sobre o respecto aos compañeiros/as. 

Co resultado final fixemos un cartel entre todos. 

O pasado 24 de outubro o alumnado do colexio visitou a biblioteca co gallo do seu día de celebración. Ademais, aproveitaron para coñecer a Barcia, a toupa mascota da biblioteca do CEIP de Beariz. Este novo amigo, invitaráos a realizar moitísimas actividades para fomentar a lectura e para aprezar os libros cos que conta Beariz.