blogue deadmin

O luns 30 de xaneiro, celebramos o Día Escolar da Paz e a Non Violencia.

Todos xuntos lemos un manifesto a favor da Paz e fixemos un mural na biblioteca para conmemorar este día. 

O martes 29 de novembro fomos a Maside para disputar a 1ª proba do campionato de Campo a Través, dentro do programa XOGADE. Noraboa a todos os alumnos/as por rematar as súas carreiras!! Mención especial para Carlos, que conseguiu traer unha medalla para Beariz. 

En Beariz, fóra do colexio, tamén se poden aprender moitas cousas. Para que vexades, esta semana puidemos ver de primeira man como é o proceso de elaboración do mel, explicáronnos o funcionamento dunha estación metereolóxica, visitamos unha plantación de árbores típicas galegas e, para descansar de tanto traballo, aproveitando un dos primeiros días sen choiva do ano, comemos ao aire libre na área recreativa de Barcia, que está ao lado do colexio. Foi un día diferente, interesante e divertido, así que só nos queda agradecerlle a Marta a súa axuda na organización, a Roberto por ensinarnos tantos tipos de árbores, á nosa cociñeira Elsa que tan ben nos coida e, por suposto, ao señor Julio por ensinarnos con tanto detalle a súa granxa.