Durante a pasada semana do 20 ao 24 de febreiro, conmemoramos o día de Rosalía no centro. Este ano, seguindo a recomendación da Asociación de Escritores en Lingua Galega, preparamos unha actividade que consistiu en que tanto alumnado, como profesorado e familias puidesen realizarse fotos caracterizados como Rosalía e portando un verso ou estrofa de algún dos seus poemas.

Esta actividade foi etiquetada co lema “#Rosalíate” e coas fotos realizadas elaboramos unha presentación, que quedou fantástica, ambientado as fotos na Casa de Rosalía.

Agradecendo a participación de todos e todas, alumnado, profesorado e familias, agardamos que vos guste o resultado. Deixamos o enlace ao vídeo clicando na foto.

O pasado 28 de outubro celebramos o Samaín no CEIP de Cedeira. Algúns nenos e nenas de infantil viñeron disfrazados de diversas personaxes de medo. Tamén os nenos e nenas de sexto, que fixeron o tradicional TRUCO OU TRATO, no cal foron polas clases do cole pedindo algún refrán relacionado coa época do ano. Aos nenos que  sabían algún fóronlle dando caramelos.

Tamén, coma vén sendo habitual no cole, e xa por 4º ano, os rapaces e rapazas de 5º e 6º elaboraron uns contos que leeron na biblioteca aos outros cursos do cole, nun recuncho decorado polo equipo da biblioteca con este fin. OS CONTOS Á LUS DO CANDIL foron un éxito e houbo algunhas creacións do máis orixinal e TERRORÍFICO!!!

Nestes dous vídeos poderedes comprobar que ben se pasou no Samaín de Cedeira.

Celebrouse en Vigo o acto de entrega dos premios PONTE NAS ONDAS. Tal e como se informou no mes de xuño, o noso colexio obtivo o de "Mellor programa colaborativo". Na imaxe podemos ver un momento do acto.

Noraboa a todos/as e grazas pola participación da comunidade educativa.

Para ver máis fotos podedes facer clic aquí.

Máis información no facebook de Ponte nas ondas.

Xa chegou o Nadal. E como vén sendo costume, a Biblioteca do colexio edita o seu boletín de lecturas recomendadas.

Este ano, máis ca nunca, VIAXA COS LIBROS "POLO MUNDO ADIANTE".

Podes descargalo facendo clic na imaxe.

Boas festas e feliz 2014.

Dentro das actividades do Día de Rosalía de Castro 2013, organizadas pola Asociación de Escritoras e Escritores en Lingua Galega, o venres 22 de febreiro realizaranse en moitos centros de ensino  actividades escolares, lecturas e gravacións audiovisuais por parte do alumnado dos poemas de Cantares gallegos.

No CEIP de Cedeira participamos na celebración deste día tan importante para os galegos/as e a cultura galega xa que se conmemora o 150 aniversario da publicación de Cantares Gallegos.

O venres 22 presenciaremos un documental sobre a vida e a importancia de Rosalía de Castro e a súa obra. Logo recitaremos poemas e visionaremos o vídeo que gravou o alumnado de 3º ciclo sobre un poema do libro Cantares Gallegos e que podedes ver aquí mesmo.

-Ola amiguiños!

Muá, muá!

Se fas clic aquí ou na imaxe poderás escoitar a mensaxe de Mister Libro.

Ilustramos un poema de Fran Alonso chamado "Eu son o mar", relacionado coa exposición Vai de mar, que estes días nos acompañou no colexio.

Esta fin de semana celebráronse en Santiago as IV Xornadas de Bibliotecas Escolares de Galicia, ás que asistimos un grupo de profesoras do colexio.

Este ano centrouse sobre a necesidade de educar para una lectura comprensiva e crítica dos medios de comunicación, pois, na sociedade actual, a información transmítese por múltiples canles. Nos colexios, e a través das bibliotecas escolares, os usuarios poden adquirir as competencias necesarias para moverse polo mundo da información. Por iso o lema das xornadas foi LER PARA VER.

Houbo tres conferencias e presentación de experiencias por parte dos centros de Infantil, Primaria e Secundaria, do que se está a facer neste ámbito, que é moito e ben.

Entre as conclusións ás que se chegou foi que a Biblioteca debe ser o corazón do centro, e nesa liña estamos a camiñar porque cremos que é posible educar doutro xeito.

O día 24 de outubro celébrase o Día das Bibliotecas, por iso realizamos unha actividade para que os rapaces/zas coñezan a organización e normas de uso da biblioteca. Previamente nas aulas, traballamos estes contidos para, unha vez alí, facer un xogo de pistas e que practicaran estas normas. 

As bibliotecas dos centros de ensino xunto coas bibliotecas públicas de Redondela elaboraron un boletín de suxestións lectoras para o verán axeitadas ás distintas idades que podedes descargar facendo clic na imaxe.