Laboratorio experimental que invita ao alumnado a reflexionar sobre a utilización de dispositivos móbiles e obxectos reciclados para a creación dun discurso estético e narrativo.
Un ano máis chegamos á fin dun novo curso escolar. Celebrámolo primeiro na Biblio con música, vídeos de creación propia e, despois, no patio do cole cun fato de xogos. Non houbo tempo para aburrirse!
Xa temos a reportaxe fotográfica do que lles aconteceu aos participantes na excursión de fin de curso para o alumnado de quinto e sexto cursos. A viaxe tivo como destino unha fantástica estadía de catro días n'O Grove, onde realizaron unha chea de actividades que xa veredes o divertidas que foron:
Esta pasada semana tivemos o grande honor de contar cuns obradoiro de ARTE realizados pola ilustradora mariñá Lucía Vila, que resultou ser unha excelente colaboradora tanto para todo o alumnado, como para o profesorado e demais participantes. Estámoslle moi agradecidos todos a Lucía por unhas xornadas que nunca esquecermos.
E como é moito mellor velo, despois dunhas sesións de creativo e divertido traballo, para mostra un botón, aquí tedes as nosas obras de arte, así como o proceso de elaboración en fotos:
Lucía Vila Rego (1984, Benquerencia, Lugo) é unha artista mariñá que compaxina o seu traballo de debuxante e pintora co da docencia en diferentes institutos de Secundaria e outros centros escolares. Licenciada en Belas Artes e Historia da Arte pola Universidade de Salamanca, dedícase principalmente á ilustración de relatos infantís, entre os que destacan os Cuentos de Mariseca para todos los públicos (escrito por Isabel Bernardo, 2010), e os seus cadernos de viaxe, entre eles os de París, Londres, Santiago de Compostela e Salamanca.
