Skip to Content

Novas

EXTRA, EXTRA!!

Sáb, 2023-10-07 14:13 — monicas

          BENVIDOS A TODOS E TODAS E BO CURSO!!!

Un curso máis, seguimos dinamizando a nosa biblioteca e compartindo as nosas propostas

Uns días antes comunicamos a desexada e extraordinaria nova que esperaban as crianzas: APERTURA DA BIBLIOTECA

              

O máis importante para quenes tratamos de dinamizar a biblioteca do centro é que o alumnado goce e desfrute usando a biblioteca e os recursos que se ofrecen.

Este curso, retomamos como novidade, a colaboración de alumnado de 5ª e 6º de primaria como axudantes para dinamizar a biblioteca nos momentos de ocio: axudar na ordenación dos fondos e ás demais crianzas na busca dalgún fondo, en manter a orde nas zonas de xogo de mesa e na biblioteca, propoñer ideas de actividades a realizar,...

 

 

DOBRE PREMIO NO VI CERTAME DAS IMAXES DO PATRIMONIO PNO

Lun, 2023-09-25 14:10 — oscar

Máis que agradecidos por este dobre recoñecemento para @s Ramalloseir@s!!

É un orgullo formar parte do colectivo “Ponte nas Ondas” e aportar o noso granciño de area a prol da recuperación do noso patrimonio cultural.

Grazas compañeir@s ❤️

Parabéns a todo o alumnado e equipos docentes de Galicia e Portugal participantes no certame.

PREMIOS DO CENTRO:

- 2º PREMIO “VI Certame das Imaxes do Patrimonio Inmaterial Galego Portugués”: Parabéns á nosa alumna “Alexandra Pedreira Fdz” polo seu traballo coa foto “Guerra Civil española” ❤️

- PREMIO ESPECIAL DO JÚRI: É un orgullo recibir tamén unha das dúas mencións especiais ao “mellor traballo de centro” co noso proxecto “Anaquiños de onte vistos cos ollos de hoxe”. Neste seso, é de xustiza resaltar e agradecer o grandísimo traballo levado a cabo polo profe Xabi. Grazas Ramalloseiro!! Eres moi grande!!

Partillamos un vídeo-resumo de todos os traballos presentados ao certame.

Tamén podedes escoitar na nosa canle de radio escolar o programa de radio gravado para o proxecto.

 

CONSULTA AQUÍ TODOS OS PREMIADOS POLO XURADO DE "PONTE NAS ONDAS"

VICERTAME PNO

ESCOLA VERDE (Vídeo final) "Día Mundial do Medio Ambiente"

Xov, 2023-06-29 23:18 — oscar

Con este vídeo pechamos o traballo de centro co "Proxecto Escola Verde", neste curso escolar 2022_23.

Desta volta cunha montaxe conmemorativa sobre o acto que fixemos no "Día Mundial do Medioambiente",

e centrada nun dos obxectivos primordiais do equipo docente. Algo tan importante como facerlle ver aos

discentes e ás familias a importancia dos tres "R"; ReducirReciclarReutilizar.

Facendo especial fincapé no relativo á redución no consumo de plásticos dun só uso!!

Fixemos un traballo integral, icentivando diversas dinámicas entre a comunidade educativa neste senso;

recollida e clasificación de lixo, fomento de "merendas sen plástico, concienciación sobre

o dano que producen ao planeta estes resíduos, a súa afectación aos seres vivos,...

Por suposto, todo este traballo vai ligado a outros moitos eixes deste extenso proxecto;

Horto Escolar, Aromáticas e insectos, Xardín da Esperanza, Brigadas de limpeza, reconto

e clasificación de resíduos, proxecto "Limpa os teus Ríos,... 

LONGA VIDA Á ESCOLA VERDE!!

A HORTA DO RATIÑO

Mér, 2023-06-28 21:20 — laura

O alumnado de Valores de 6ºC escolleu un conto na nosa biblioteca para facer unha adaptación teatral. Fixo o vestiario, decoración, maquillaxe e procuraron a música. Colaborou o alumnado de Relixión nos ensaios, na elaboración das entradas para as crianzas de Infantil e foron @s encargad@s de recoller as entradas e acomodar @s nos@s peques de 3, 4 e 5 anos. A obra estaba relacionada coa Escola Verde e empregaron material de refugallo para faceren a decoración e o vestiario.

Foi todo un éxito! Grazas, artistas!

  

 

 

 

CERTAME "AS IMAXES DO PATRIMONIO INMATERIAL GALEGO-PORTUGUÉS" - "Ponte nas Ondas"

Lun, 2023-06-26 10:18 — oscar

 PROGRAMA DE RADIO

 

 

VÍDEO RESUMO DE TODO O TRABALLO

 

PRESENTACIÓN DO TRABALLO REALIZADO COA FAMILIAS

(Pode ser que por incompatibilidades co navegador, dispositivo móbil,... As presentacións non se vexa de forma optima ou non poidades escoitar a música que acompaña á mesma. De ser así, recomendamos mellor o visionado da montaxe de vídeo))

 

TRABALLO DE CENTRO VINCULADO AO PROXECTO ANTONIO FRAGUAS

“Anaquiños de onte vistos cos ollos de hoxe”

SOMOS FINALISTAS!!

Dom, 2023-06-04 18:59 — oscar
Dende a organización do Certame Internacional de Podcast Xosé Mosquera Pérez "O Vello dos Contos" e trala deliberación do xurado e valoración dos máis de 70 traballos recibidos de coles de todo Galicia, temos o pracer de comunicarvos que somos finalistas co traballo que presentamos; “Del Riego nas Ondas. Radio Escolar e Intelixencia Artificial” (Letras Galegas 2023).
Comparto o enlace á info do traballo e ao programa de radio para que poidades escoitar o podcast e coñecer máis cusiñas da nosa proposta.Temos que sentirnos orgullosos, pois trátase dun recoñecemento moi importante a nivel educativo.
Máis sobre este traballo de radio:
Programa de radio presentado a concurso:
O VELLO DOS CONTOS A organización convidóunos á gala de entrega de premios que vai ter lugar o vindeiro martes, 6 de xuño de 2023, ás 11:30 no IES Rosalía de Castro de Santiago, na nosa condición de finalistas. Alí estaremos para ver se hai sorte e finalmente, somos quen de acadar un novo recoñecemento para tod@s @s ramalloseir@s.
E non subimos ao podium por un peldaño!! 4º posto, pero máis que felices e orgullosos de estarmos no bombo entre os finalistas e acadar este recoñecemento. Deixámosvos unhas imaxes do noso trofeo. Unha escultura Orixinal obra do alumnado da Escola Mestre Mateo de Santiago. Encántanos!!
Grazas a tod@s!! EASD Mestre Mateo, Secretaría Xeral de Política Lingüística, Casa de Rosalía de Castro, a Coordinadora dos Equipos de Dinamización da Lingua Galega e a Arraianos Produccións. Seguiremos a sementar radio poñendo en valor a nosa lingua e cultura a través deste medio.
Xosé Mosquera 1 Xosé Mosquera2

2ª Edic. CÓNTAME UN CONTO (APOI)

Dom, 2023-06-04 18:47 — oscar

Esta semana asistimos á gala final do Proxecto CÓNTAME UN CONTO. Promovido polo APOI (Museo do Pobo Galego e Fundación Antonio Fraguas) co apoio da Secretaría Xeral de Política Lingüística. Asistíu todo o alumnado participante no proxecto (3º e 4º de Ed. primaria) e tamén unha representación do alumnado de 5º e 6º que achegaron tamén algunhas actuacións musicais ao acto. Foi toda unha festa e unha experiencia educativa do máis enriquecedora.

Todas as montaxes dsos contos recollidos e contados polos nenos/as estarán no apartado da web do centro adicado a este proxecto. Non deixedes de velos e darlles os vosos like´s.

Aquí vos deixamos unha pequena montaxe resumo de todo o acto!!

  

Cóntame un conto 2ª Edic(1)

Cóntame un conto (2)

Podedes ver e descargar todas as fotos e vídeos das actuacións no seguinte enlace

 

 

 

ENTRA NA WEB DO APOI (Museo do Pobo Galego), para ver todo o traballo deste fermoso proxecto.

TEATRO DE TÍTERES

Sáb, 2023-05-27 22:19 — monicas

Este venres 23 de maio, o alumnado de infantil e 1º de primaria, repartidos en dúas quendas, tivo a sorte de gozar dunha sesión de contacontos/títeres, que levaba por titulo "SORPRESA", a cargo de Sara Laya, da compañía "a Xanela do Maxín", e como agasallo do Consorcio Editorial polo gasto realizado en libros mercados para a biblioteca do centro. 

Foi unha actuación ben fermosa que engaiolou ás crianzas coa súa posta en escea e co seu xeito de contar e transmitir unha moi importante mensaxe: " a necesidade de coidar o noso planeta", mediante a reciclaxe do lixo, a reutilización dos materiais, o respecto e coidado do noso entorno.

Grazasss enormes á Xanela do Maxín e á editorial Consorcio, por seguir transmitindo teatro, cultura, historias,... que enriquecen o maxín das nosas crianzas.

  

 

FALADOIRO POLÍTICO EN DIRECTO COS CANDIDAT@S Á ALCALDÍA DO NOSO CONCELLO

Sáb, 2023-05-20 14:11 — oscar

ESPECIAL "CÓNTAME UN CONTO"

Xov, 2023-05-18 23:45 — oscar

 

Programa especial adicado a "Cóntame un conto", proxecto educativo impulsado pola Fundación Antonio Fraguas Fraguas que promove a actividade de contar contos de tradición oral galegos entre os escolares. O proxecto busca aproveitar as posibilidades educativas deste recurso, promover o coñecemento da literatura popular galega de transmisión oral e incorporar a tradición oral de contar contos ás actividades públicas dos centros escolares.

- Alumnado participante no programa de radio: 4º de Ed. Primaria (grupo c)

- Profesorado: María Álvarez Garea, Benxa Salgado Otero e Óscar Suárez Carbia

Distribuir contido


by Dr. Radut