Este curso, en relación co proxecto de centro, "ARTE-NATUREZA-MOVEMENTO", decidimos elaborar entre todos un libro onde recollemos información sobre as distintas ÁRBORES DA NOSA CONTORNA.  

Preme na imaxe e interactúa con ela para ver os traballiños feitos polos distintos cursos:

Na seguintes imaxes podedes ver algunhas das actividades que se levaron a cabo dende a Biblioteca no mes de outubro:

Soraya Lema, antiga alumna do centro,  e Adela Dios presentaronos a obra O EXÉRCITO DAS PAXARIÑAS, fábula inspirada no relato "A Fraga das Paxariñas" de Xela Arias, autora homenaxeada este ano no Día das Letras Galegas.

O EXÉRCITO DAS PAXARIÑAS

"Dúas Rapazas aventureiras atópanse co exército das paxariñas: a paxariña traductora, a poeta, a música e a reivindicativa. Todas elas forman a alma de Xela. Falan moitas lingüas, máis unha úneas a todas: a lingua galega. A través de fábulas e contos con acompañamento musical descubrimos a vida e obra da escritora."

Prema para vídeo

Moitas grazas por vir!! Encantounos!!

Na Semana da Prensa traballamos cos xornais nas diferentes aulas do cole. Aquí tedes unha pequena mostra en imaxes do resultado final en cada curso:

O día 20 de Novembro conmemoramos o Día Mundial da Infancia, aquí unha pequena mostra da aportación de cada aula para o noso mural:

Con motivo da conmemoración do Día do Libro e para fomentar a lectura, os alumnos e alumnas de 6º de educación primaria queren continuar contándolles, dende as súas casas, relatos curtos aos nenos/as do centro. Para iso inventaron as súas historias sobre o COVID-19 a partir de títulos de libros da nosa biblioteca. Podedes ver o ben que o fixeron nos seguintes vídeos:

ACTUACIÓN DE IRMA MACÍAS E XAQUÍN RAMA

O Día 4 de Marzo, con motivo da celebración do Día de Rosalía (24 de febreiro) e do Día da Muller (8 de marzo), tivemos o pracer de gozar da actuación de Irma Macías e Xaquín Rama , antiga alumna do colexio e vocalista de Luar na Lubre. Deleitáronnos con cancións populares galegas e letras de Rosalia de Castro. Irma é un gran exemplo de muller que logra os seus soños a base de constancia para perseguilos.

Un orgullo poder contar cos dous artistas neste centro!

HOMENAXE A ROSALÍA DE CASTRO

No CEIP San Vicenzo homenaxeamos a Rosalía de Castro no seu día. O alumnado de 3º organizou un Recital de Poesía para as súas familias e os seus compañeiros/as do centro. A continuación umha pequena mostra do resultado:

No San Vicenzo este ano celebramos o Día da Paz baixo o lema "Deixemos en Paz ao Planeta", co fin de continuar fomentando o respeto e coidado polo noso planeta, proxecto de centro que estamos levando a cabo durante este curso.

Alumnos voluntarios e mestres colaboraron en facer o noso mural para a paz. Ademais os nenos/as de 5º de primaria foron os encargados de facer o manifesto que, no Día da Paz, expuxeron para todo o colexio:

O DÍA DA PAZ E NON VIOLENCIA, HAI QUE TER CONCIENCIA

Hoxe, 30 de xaneiro, celébrase o día da paz e non violencia en todo o mundo. É por iso, que dende o CEIP San Vicenzo, queremos recordar a importancia de respectar as persoas e aceptalas tal e como son, sen discriminar polo seu sexo, raza, relixión, condición sexual, ideoloxía ou nivel económico.
Temos que recordar que a paz, non só é a celebración de un día, senón que debe ser todos os días, xa que é moi importante para ter unha boa convivencia con todas as persoas que nos rodean.
Cabe destacar, que na actualidade, tristemente estamos vendo moitas noticias sobre a violencia doméstica, o cal é un problema bastante grave, e que debemos concienciarnos para erradicar este comportamento que nos leva a un gran malestar social. Para isto, nós, os rapaces e rapazas, que vamos ser a xeración futura, debemos prestar atención e tomar exemplo da educación en valores que nos intentan transmitir toda a comunidade educativa, incluída as nosas familias.
No día da paz, non podemos esquecernos do maltrato animal, xa que a paz debe ser para todos os seres vivos do planeta. Os animais merecen un bo trato, amor e cariño, xa que eles nos aportan todo iso sen pedir nada a cambio. E por suposto, que sexan libres e vivan no seu hábitat natural e que non estean encerrados en gaiolas.
Non podemos rematar sen falar do noso planeta, que está sufrindo cada día máis, pola culpa dos seres humanos irresponsables que a contaminan sen pensar que non temos outro planeta donde  vivir, e se non coidamos o que temos, a nosa vida na Terra será en peores condicións.
Con todo isto, desexamos que este día da Paz e non violencia, sirva para concienciarnos e mellorar o noso comportamento, xa  que coa axuda de todos, podemos vivir nun mundo mellor, sen guerras, pobreza, contaminación,...

Para finalizar, con un pareado querémosvos agasallar:
Para a paz alcanzar, a violencia debe acabar!!

Todo o centro aprendeu a canción " Pequeño planeta" como lema para este ano. Con ela cantamos e gravamos un vídeo representativo que podedes ver a continuación:

Pasámolo xenial!