O 11 de novembro (San Martiño) tivemos unha charla no colexio polo DÍA DO PEÓN. José Manuel, o profesor de 2º, ensinounos cousas interesantes sobre o peón: como se chaman as súas partes, a que xogos se xogaba con el, como se tiraba, como se recollía coa corda cando estaba bailando no chan e seguía bailando na man... Tamén nos ensinou este refrán: "Polo San Martiño trompos ao camiño" Logo no recreo todos xogamos cos nosos peóns que estaban decorados e pintados por nós. |
|
Ese mesmo día, como fixo bo tempo, celebramos o magosto que é unha festa tradicional de Galicia. Mentras se asaban as castañas, nós xogamos a: 1. O baile da castaña: consiste en que dúas persoas bailen cunha castaña na fronte. 2. Serpe da castaña: consiste en que os xogadores leven a súa castaña cos dedos polo camiño de serpe trazado no chan. 3. Carreira de Sacos: consiste en correr metido dentro dun saco e ao chegar ao final pasar o saco ao seguinte xogador do seu grupo. 4. Castañas na culler: consiste en levar unha culler na boca cunha castaña. 4. Encestar a castaña: consiste en encestar castañas nunca caixa de cartón. |
|
Mentres disfrutabamos cos xogos, José Manuel o conserxe, o profe Rafa e algunhas nais da ANPA asaron as castañas.
Cando rematamos os xogos sentámonos a comelas. Estaban boísimas!!!! |
|
Foi un día estupendo e pasámolo xenial!!!! Para ver máis fotos do peón e do magosto.
|
Dinamización Lingüística
DÍA DO PEÓN - MAGOSTO
XOGAMOS COAS VOCES
A través do Servizo de Normalización Lingüística do Concello chegou ao noso cole a actividade lúdico educativa Dobraxe na escola coa finalidade de coñecer o mundo da dobraxe e ao mesmo tempo contribuír a mellorar a nosa competencia oral en lingua galega.
Primeiro, os actores e dobradores, Manuel Pombal e Suso Pando, fixeron un xogo dramático para mostrarnos os pasos da elaboración dunha película, dende a creación do guión ata a súa dobraxe.
Logo como auténticos dobradores puxemos a nosa voz ás personaxes da serie de debuxos animados "Bob Esponxa" Aprendemos a encaixar as propias voces nas bocas dos personaxes e creamos a nosa propia versión da serie.
Foi moi divertido. Que ben o pasamos!!!!!
DÍA DE ROSALÍA
O pasado 24 de febreiro, coincidindo coa celebración do Día de Rosalía de Castro, recibimos no noso cole a visita dos nenos e nenas de 5 anos da EEI Monte da Guía. Pasamos un rato moi agradable coñecendo mellor a nosa autora máis coñecida. |
|||||
|
Nós, preparamos dous poemas e unha pequena historia da súa vida e eles, un conto que falaba da vida e das obras máis importantes. Estes son os vídeos: |
||||
Ademais ao rematar o acto, intercambiamos agasallos. Elaboramos uns marcapáxinas aos que lles engadimos unha flor e eles agasalláronnos cuns broches moooi bonitos. Moitas grazas por visitarnos. Esperámosvos o ano que vén!!! |
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- seguinte ›
- última »