Seguindo as instrucións do 27 de abril de 2020, da Dirección Xeral de Educación, Formación Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia, procedemos a dar publicidade as adaptacións das programacións do noso centro educativo.

Premendo no nome da etapa poden acceder as distintas programacións.

INFANTIL

PRIMARIA

SECUNDARIA

No arquivo adxunto podedos consultar a información sobre o III Certame poemiños polas letras.

No seguinte documento poden consultarse as vacantes ofertadas no noso centro para o vindeiro curso 2020/21.

Vacantes

Novos prazos do proceso:

- Reanudación do prazo de presentación de solicitudes: do 11 ao 18 de maio de 2020.

- Presentación documentación acreditativa dos criterios de baremo: ata o día 26 de maio de 2020.

- Listaxes provisionais do alumnado admitido e non admitido: antes do 9 de xuño de 2020.

- Reclamacións contra as listaxes provisionais: 3 días hábiles contados desde o seguinte ao da súa publicación.

- Publicación das listaxes definitivas do alumnado admitido e non admitido: ata o 26 de xuño de 2020.

- Formalización matrícula educación infantil e primaria: do 1 ao 10 de xullo de 2020.

- Formalización matrícula educación secundaria obrigatoria:

- Prazo ordinario: do 1 ao 10 de xullo de 2020.

- Prazo extraordinario: do 1 ao 10 de setembro de 2020.

A información relativa a todo o procedemento de admisión do alumnado aparece no ficheiro que temos a continuación.

Información

Prezadas familias:

Agardamos e desexamos que vos atopedes ben de saúde e ánimo. Xa queda menos para a volta á normalidade.

No día de onte, venres 17 de abril, publicáronse unhas orientacións por parte da Consellería de Educación, Universidade e Formación Profesional para o desenvolvemento do terceiro trimestre. Nelas indícase que estamos á espera da publicación da normativa estatal. Podedes consultar o texto no enlace: http://www.edu.xunta.gal/portal/node/30850

Salientamos que o curso rematará o vindeiro 19 de xuño como estaba previsto e que sobre as actividades di: ¿¿Durante o terceiro trimestre desenvolveranse actividades de recuperación, repaso, reforzo e, no seu caso, ampliación das aprendizaxes anteriores que resulten necesarias para todo ou parte do seu alumnado¿

O profesorado coordinarase e comezará traballar segundo esas indicacións.

Saúde e saúdos.

O equipo directivo.

Prezadas familias:

Agardamos e desexamos que vos atopedes ben.

O motivo deste aviso é informarvos de que o centro dispón de medios para facilitar o traballo do alumnado na casa e que imos tratar de buscar solucións.

Polo tanto, precisamos coñecer as posibles necesidades que teñades, tanto de equipos informáticos como de conexións á rede.

Os titores que puideron obter a información a través das familias, xa a puxeron en coñecemento do equipo directivo, pero enviamos esta mensaxe pois sabemos que non foi posible chegar a todos.

Polo tanto, se tedes algunha necesidade, enviade unha mensaxe ao enderezo electrónico do centro, cpi.castro.baxoi@edu.xunta.gal 

O alumnado que estea dentro do programa Edixgal e que deixou o computador na aula, tamén pode enviar mensaxe.

Saúde e saúdos.

O equipo directivo

Prezadas familias:

Agardamos e desexamos que vos atopedes ben de saúde e con ganas de comezar este terceiro e último trimestre deste particular curso 2019/20.

No día de hoxe publicáronse unhas novas instrucións no portal da Consellería referentes ao inicio deste terceiro trimestre nas que nos avanzan que o vindeiro mércores haberá unha xuntanza entre os membros do Ministerio e representantes das diferentes Consellerías das comunidades autónomas e que, ata ese momento, continuemos nas mesmas condicións nas que traballamos ata agora. Despois da xuntanza, a Consellería de Educación facilitará unhas novas instrucións e voltaremos a enviar información.

Pola outra banda, temos recibidos os correos de solicitudes de computadores e conexións á rede. Mañá remataremos de preparar os computadores que repartirá Protección Civil e o Concello de Miño xestionará as conexións a internet. Agardamos chegar ao todo o alumnado entre os nosos recursos, os da Consellería e os do Concello de Miño. Poñerémonos en contacto persoalmente coas familias que enviaron as diferentes solicitudes.

Saúde e saúdos.

O equipo directivo

Recomendacións Fronte AO

COVID-19

Dende o equipo de profesores queremos trasladar esta reflexión aos nosos alumnos:

• Non deben tomarse estas semanas como unhas vacacións. O alumnado debe seguir traballando para non perder o ritmo e continuar na medida do posible as tarefas que se lles mandan desde o centro educativo.
• Teñen que ser conscientes (coma todos nós) de que as drásticas medidas que se están a tomar están orientadas a conter os contaxios polo coronavirus. Debemos colaborar coas autoridades sanitarias para axudar a superar esta etapa da mellor forma posible.

Dende o equipo directivo queremos agradecerlles as familias e ao persoal do centro a colaboración na implementación destas medidas, xa que valoramos o esforzo que supón para todos.

A Dirección

Recomendamos que os pais/nais/titores legais instalen nos seus teléfonos móbiles a aplicación Abalar Móbil para recibir as cualificacións e mensaxes do centro. Pode instalarse aquí.

Para contactar co CPI Castro Baxoi poden usar o noso enderezo electrónico cpi.castro.baxoi@edu.xunta.gal. Atención telefónica en días lectivos de 10 a 13.

O Colexio Oficial de Psicoloxía de Galicia envía como recomendación a todos os centros o seguinte documento.

As cualificacións da segunda avaliación publicaranse na aplicación abalarMóbil o vindeiro venres 3 de abril ás 14 horas.

O alumnado de 1º, 2º e 3º de Educación Primaria amósanos neste vídeo como se manteñen en forma dende a casa. Ben feito!

(pinchar na imaxe para ver o vídeo)