Comedor

SOLICITUDE SERVIZOS DE COMEDOR E TRANSPORTE - 2024/25

Todo o alumnado actual do centro debe facer a solicitude dos servizos de comedor e transporte para o vindeiro curso 2024/25.

Nesta semana enviamos o impreso da solicitude polo alumnado e deberá ser cuberto e remitido antes do 24 de maio de 2024. Debe entregarse en secretaría directamente ou a través dos/as titores/as dos grupos.

O impreso tamén está dispoñible no fondo desta nova, como formulario autocompletable e imprimible, por se perderan o remitido polos nenos/as. O impreso debe remitirse asinado en papel ou por correo electrónico con sinatura dixital.

Para calquera dúbida poden poñerse en contacto co centro nos teléfonos habituais ou por correo electrónico.

VER IMPRESO 

Aínda está aberto o prazo para inscribirse como colaboradores de comedor, para poder completar os necesarios para a atención de todo o alumnado.

 Ver anuncio 

Comunicamos que están publicadas nos taboleiros do centro as LISTAXES DE USUARIOS DE COMEDOR ESCOLAR, ADMITIDOS E EN LISTAXE DE ESPERA, para o curso 2023-2024

Na quenda de Infantil e Primaria están todos os usuarios admitidos.

Na quenda de Secundaria hai 5 alumnos/as que quedan en lista de espera, todos eles novo alumnado. Como todos os anos está solicitada a ampliación das prazas necesarias para dar servizo tamén a todos os da listaxe de espera. Esta ampliación non se resolverá ata setembro, pero contamos con ela. Todos os afectados serán avisados telefónicamente.

Para calquera dúbida poden consultar coa Dirección e Secrataría do centro nos teléfonos habituais.

Acaban de ser publicadas as instrucións de comedor escolar para o vindeiro curso, polo que se abre o prazo para a presentación do impreso de AUTODECLARACIÓN para o cálculo dos prezos públicos de pagamento do servizo de comedor escolar para o curso 2023-24.

O impresos atópanse dispoñibles na secretaría do centro ou poden descargarse no enlace que figura ao pe nesta nova.

Deberá ser presentado durante este mes de xullo, na secretaría do centro.

IMPRESO AUTOCOMPLETABLE E PARA DESCARGAR 

INSTRUCIÓN 2/2023 DA SECRETARÍA XERAL.

Todas as persoas usuarias do comedor escolar ás que lle corresponde pagar algún dos prezos públicos segundo a Instrución 2/2020, da Secretaría Xeral Técnica da Consellería de Cultura, Educación e Ordenación Universitaria, do 16 de xuño, sobre funcionamento dos comedores escolares de xestión directa no curso escolar 2020-21, deben facer o pago nos primeiros vinte días do mes seguinte. As formas de pagamento poden ser as seguintes:

Nas entidades bancarias autorizadas pola Consellería de Facenda: o centro entregará aos usuarios/as os impresos de pagamento; os suxeitos pagadores unha vez feito o ingreso nas entidades autorizadas, deberán entregar no centro, os xustificantes para “a administración”, debidamente validados polas entidades bancarias de depósito.

A través do Espazo Abalar: os impresos estarán dispoñibles directamente para os usuarios do Espazo Abalar sen necesidade de obtelos a través do centro. O pagamento por esta vía é comunicado automaticamente á aplicación COMEDORES, polo que non terán que presentar xustificante no centro.

A través da Oficina Virtual Tributaria: as persoas interesadas poderán utilizar a oficina virtual tributaria para realizar os pagamentos de xeito telemático. Os suxeitos que opten por esta vía deberán presentar no centro, nos 20 días primeiros de cada mes, os xustificantes de pagamento correspondente. Dispoñedes do manual de pago a continuación.

Manual Pago Telemático Taxas Comedor.

Enlace á páxina de pagamento (OVT).

Video titorial para pagamento por Espazo Abalar