Skip to Content

Lingua Galega

PROGRAMACIÓN DIDÁCTICA LINGUA GALEGA. 2022-23

Lun, 20/09/2021 - 10:40 — Anónimo

Aquí podedes consultar a Programación didáctica do Departamento de Lingua Galega así como a Información básica, un resumo da mesma coa información esencial para o desenvolvemento do curso (contidos mínimos, método de calificación...).

ALUMNAS DE 2º ESO PARTICIPAN NO CONCURSO NOVOS TALENTOS DE RELATO CURTO

Mar, 06/03/2018 - 20:18 — viano

O CPI de Vedra participará o vindeiro 9 de marzo en Santiago de Compostela no certame literario Concurso Coca-Cola Novos Talentos de Relato Curto! dirixido ao alumnado de 2.º da ESO  no que se busca potenciar a creatividade dos alumnos/as a través da escrita dun microrrelato en lingua galega.

Ver nova completa +

Vedra medra celebra as Letras Galegas da man do Patrimonio Natural local

Mér, 18/05/2022 - 08:53 — viano

Vedra medra celebra as Letras Galegas da man do Patrimonio Natural local

O alumnado de 2.º da ESO tivo a oportunidade de festexar o Día das Letras Galegas 2022 no Pazo de Santa Cruz de Ribadulla. 

A Florencio Delgado Gurriarán honrámolo en Ortigueira (Vedra) cun achegamento á súa poesía paisaxística desde un lugar privilexiado, o xardín histórico do pazo, espazo botánico insuperable e próximo ao centro educativo no que viñeron medrando auténticos monumentos verdes. 

LER MÁIS

VER FOTOS

 

Modificación da avaliación da ESO

Lun, 04/04/2022 - 12:31 — Anónimo

Adxúntase modificación da avaliación da ESO segundo establece a Orde do 25 de xaneiro de 2022.

O CPI de Vedra participa no Concurso Coca-Cola Novos Talentos de Relato Curto!

Mar, 19/03/2019 - 23:12 — viano

O CPI de Vedra participou na 11.ª edición do Concurso Coca-Cola Novos Talentos de Relato Curto! promovido pola compañía Coca Cola e no que colaboran as universidades de Santiago, Vigo e A Coruña e a Secretaría Xeral de Política Lingüística.

Este certame literario dirixido exclusivamente ao alumnado de 2.º da ESO busca potenciar a creatividade dos alumnos/as a través da escrita dun microrrelato en lingua galega.

A sesión desenvolveuse na Facultade de Filoloxía de Santiago de Compostela o pasado 15 de marzo e nela estiveron representándonos Teresa Tato, Antía Vázquez, Elia Torres e André Parra.

Os catro realizaron unha proba escrita na que debían usar catro das seis palabras que lles foron propostas antes do comezo: SAUDADE, SOLPOR, BEIZOS, FERVENZA, MERGULLAR e ACARIÑAR.

O CPI DE VEDRA DISTINGUIDO CO PREMIO PROXECTA DE INNOVACIÓN EDUCATIVA 2018

Ven, 05/10/2018 - 09:07 — viano

O CPI de Vedra acaba de gañar o Premio Proxecta de Innovación Educativa 2018 convocado pola Consellería de Educación entre os centros docentes públicos que foron admitidos no Plan Proxecta durante o curso escolar 2017/18.

"De redes e afectos ou como converter nun activo para a dinamización o patrimonio local contextualizado. Os proxectos do CPI de Vedra: superando límites, integrando partes" é o título do traballo presentado polo Equipo de Dinamización da Lingua Galega galardoado nesta ocasión.

O Equipo de Dinamización da Lingua Galega do CPI de Vedra vén coordinando nestes últimos anos unha serie de actuacións con base no patrimonio local vedrés baixo a marca Vedra medra.

Este é o terceiro recoñecemento que acadamos despois de ter recibido o Premio didáctico Antón Fraguas promovido desde o Museo do Pobo Galego e o Premio a proxectos de innovación en dinamización lingüística que convoca a Secretaría Xeral de Política Lingüística.

Parabéns á toda a familia de Vedra medra e a seguir traballando POR UN PATRIMONIO VIVO!!

Xulia Marqués (Coordinadora do EDLG e do Vedra medra)

CELEBRACIÓN DO DÍA DAS LETRAS GALEGAS

Xov, 18/05/2017 - 22:30 — viano

Este martes 16 de maio, o CPI de Vedra sumouse ao festexo das Letras nunha sesión de festa e xogos.

A rapazada de educación infantil comezou con canto e baile. A peza elixida foi “Pingacho”.

A continuación, xa todo o alumnado de educación primaria e ESO e o profesorado, honrou a Carlos Casares interpretando, en primeiro termo, o himno galego.

Tamén se aproveitou esta xornada de celebración para entregar os premios do certame de declaracións de amor que convoca cada curso o Departamento de Lingua Galega para alumnos/as de ESO. Os gañadores foron, por categorías, Ángel Mouro e Lucía Castro (1.º ESO), Paula Vázquez e Abraham Raviña (3.º ESO) e Cristina Santalla (4.º ESO).

A xornada rematou cunha sesión de xogos tradicionais que todos os rapaces tiveron ocasión de practicar a súa destreza coa estornela, os bólos celtas, a corda, as chapas, o tres en raia…

Esta semana podemos contemplar, así mesmo, nos corredores do centro máis dun cento de fotografías das distintas actividades que se fixeron ao longo deste curso dentro do proxecto de dinamización Vedra Medra.

Ver fotos +  

Actividades Letras Galegas: CORRELINGUA e EXPOSICIÓN "As caras dos libros"

Dom, 14/05/2017 - 22:23 — viano

O luns día 8 de maio o alumnado de 1º e 2º de ESO, coma en anos anteriores, participou no "Correlingua", en defensa da Lingua Galega, que este ano levaba o lema: "O galego, sen cancelas".

Ler máis +

Ver fotos +

Estes mesmos grupos de ESO visitaron a exposición "As caras dos libros. Os deseños das portadas nas obras de Carlos Casares", instalada na biblioteca municipal. Esta exposición, cedida temporalmente pola Asociación Cultural Rocha Forte de Santiago de Compostela, púdose visitiar esta semana no referido espazo.

Ler máis +

Ver fotos +

 

OBRADOIRO DE COCIÑA TERRORÍFICA

Sáb, 05/11/2016 - 21:45 — viano

O alumnado de 1.º de ESO desenvolveu na materia de Lingua Galega con ocasión do Samaín un OBRADOIRO DE COCIÑA TERRORÍFICA.

A partir do libro de lectura desta 1.ª avaliación Escarlatina, a cociñeira defunta de Ledicia Costas os rapaces fixeron...

Ler máis +

PROXECTO DRAGAL

Mér, 24/02/2016 - 01:05 — viano

O centro está a participar co alumnado de 1º ESO no PROXECTO DRAGAL.

É un proxecto de animación á lectura dende a materia de Lingua Galega. Trátase dunha iniciativa promovida pola Secretaría Xeral de Política Lingüística que se está desenvolvendo no 2.º e 3.º trimestre deste curso.

Os/as alumnos/as len “A herdanza do dragón” de Elena Gallego Abad e levan a cabo un traballo paralelo e en colaboración con rapaces doutros centros educativos de toda Galicia. A esta altura, están acabando a lectura, ambientando (“dragalizando”) as aulas e elaborando á par un dicionario dragaliano.

No día de onte recibimos a visita da escritora Elena Gallego no noso centro, a partir das 16 h. Compartiu unha sesión de clase co alumnado de 1º de ESO. 

A seguinte actuación dentro do PROXECTO é a visita e actuación dun contacontos: César Cambeiro co seu espectáculo “Tradición 2.0” que será o día 26 de abril a partir das 15:15.

E a última actividade está prevista para a semana final de maio ou 1ª de xuño (data aínda sen determinar). Será unha saída ao Pico Sacro onde se verán durante unha xornada todos os rapaces e profesores que participan este curso no proxecto. Dende as 10:00 e ata as 16:00 participarán nun xogo de rol percorrendo o monte e superando probas.

Todo están organizado e pautado con monitores de tempo libre. O desprazamento e a comida e todo canto gasto xere a xornada corre a cargo da SXPL. Para o alumnado é de balde, como tamén é gratis a charla da escritora e a actuación do contacontos.

 

Fotos da visita de Elena Gallego.

Distribuir contido


by Dr. Radut