Bioloxía e Xeoloxía

Departamento de Bioloxía e Xeoloxía

OBRADOIROS PARA A ELABORACIÓN DUNHA POMADA

Mar, 26/04/2022 - 08:53 — IES A Sangriña

Boa parte do alumnado de 4º participou este trimestre nun obradoiro para a elaboración de pomadas e durante unhas horas o noso ximnasio converteuse nunha intersante botica, como podedes ver nas fotografías.

Esta actividade foi organizada no ámbito dos CONTRATOS-PROGRAMA (liña INNOVA: ámbito de Educación para a Saúde).

Educación emocional, os perigos das redes ou un roteiro botánico: as actividades complementarias de finais de marzo

Mar, 29/03/2022 - 22:11 — IES A Sangriña

Ao longo da semana pasada, o alumnado de 1º de ESO e o alumnado de 1º de FPB participaron nun obradoiro de educación emocional impartido pola psicóloga Carina Alonso Crespo, organizado dentro dos Contratos-Programa, na liña Inclúe, no ámbito Educación Emocional.

O xoves, a profesora de Dereito Penal da Universidade de Vigo Marta García Mosquera faloulle a boa parte do alumnado de 1º de Bacharelato sobre “Os delitos que se agochan nas redes sociais”.

O venres, o alumnado de 4º de ESO realizou un roteiro de plantas silvestres da contorna da Sangriña, guiado por César Lema, doutor en Bioloxía, organizado polo Departamento de Bioloxía no ámbito dos Contratos-Programa na liña INNOVA: ámbito de Educación para a Saúde.

PRIMEIROS AUXILIOS: TÉCNICAS QUE SALVAN VIDAS

Ven, 04/06/2021 - 10:30 — IES A Sangriña

Conscientes da importancia da formación en primeiros auxilios, os departamentos de Bioloxía e Educación Física organizaron uns obradoiros dirixidos ao alumnado de 4º de ESO durante o mes de maio, impartidos por José Palacios Aguilar, coordinador do Grupo de Investigación en Actividades Acuáticas e Socorrismo (GIAAS) e profesor da Facultade de Ciencias do Deporte e a Educación Física da Universidade da Coruña.

O alumnado participante no programa STEMBach do IES A Sangriña defende os seus traballos de investigación ante un tribunal.

Ven, 05/06/2020 - 00:54 — IES A Sangriña

Os pasados días 7 e o 8 de maio, tivo lugar a defensa pública diante dun tribunal, dos traballos de investigación realizados polos alumnos e alumnas do IES A SANGRIÑA participantes no programa STEMBach, iniciado en 2018 co obxectivo de avaliar a calidade ambiental do entorno costeiro da Guarda. Durante os dous anos de desenvolvemento do programa, o alumnado deseñou e redactou os seus propios proxectos, desenvolveu unha importante fase experimental e redactou as súas memorias compatibilizando este traballo cos estudos de bacharelato.

Os traballos valorados o día 7 de maio, ante o tribunal formado por Edita López e Iria Rodríguez, profesoras do Departamento de Física e Química do IES A Sangriña, e presidido por Emilio Fernández Suárez, Catedrático de Ecoloxía da Universidade de Vigo, foron presentados por: