O vindeiro mércores 15 de setembro dará comezo o novo curso escolar.

- O horario será o ordinario, é decir, de 8:35 a 14:10

- O alumnado que utilice o transporte escolar terá que estar nas paradas ás 8:00

- Cando cheguen ó centro, o alumnado esperará no patio, na zona habilitada, respectando as distancias de seguridade.

- Chamaráselles por grupo, para que suban acompañados do titor ou titora.

- Unha vez na aula, daráselles o seu horario, entregaránselle os libros de préstamo e darase a información necesaria.

LEMBRAMOS que é obrigatorio o uso de máscara en todo o recinto escolar, así como manter a distancia social e a hixiene de mans cando sexa necesario.

Fanse públicas as listaxes DEFINITIVAS de solicitudes admitidas e excluídas do préstamo de libros de texto do Fondo solidario para estudar no IES As Bizocas o curso 2021/2022.

Estes libros serán entregados ao alumnado durante o primeiro día de clase. A listaxe poderá consultarse tanto no propio centro como a través da aplicación FONDOLIBROS, accedendo, de ser o caso, a través do menú "Cidadáns".

En canto á concesión/denegación de VALES PARA MATERIAL ESCOLAR:

Confírmase a Listaxe provisional publicada o 9 de xullo, polo que os alumnos/as para os que se indicaba "asignaranse como mínimo 6 libros" tamén son beneficiarios do vale para mercar material escolar, resultando excluídos os demais. Os vales ENTREGARÁNSELLE ao alumnado beneficiario durante os primeiros días de clase, a canda o lote de libros de préstamo que lle corresponda a cadaquén.

Convocadas axudas para alumnado con necesidade de apoio educativo do Ministerio de Educación. Poden atopar información sobre a convocatoria no documento adxunto e na seguinte ligazón: https://www.educacionyfp.gob.es/servicios-al-ciudadano/catalogo/estudiantes/becas-ayudas/para-estudiar/deportivas/necesidad-especifica-apoyo-educativo.html

O prazo de presentación de solicitudes remata o 30 de setembro.

Hoxe, 9 de xullo, publícase a listaxe provisional de solicitudes admitidas do préstamo de libros de texto do Fondo solidario-Axudas material 2021/2022 convocado pola Consellería de Educación (Prazo de reclamacións: nos dous días hábiles seguintes).

Todas as solicitudes presentadas resultaron admitidas. Lembramos que os libros asígnanse por orde inversa á renda per cápita da unidade familiar.

A concellaría de Educación do concello de O Grove ten previsto realizar uns obradoiros de Recuperación dirixidos a alumnado de ESO. A actividade desenvolverase durante as mañás, de Luns a Venres, nos meses de xullo e agosto de 2021, en horario de 9:00 a 13:00h no Centro da Terceira Idade e co alumnado organizado en grupos segundo os criterios que mellor funcionen considerando as características particulares de cada un.

Faise pública a listaxe cos libros de texto para estudar no IES As Bizocas durante o curso 2021/2022.

Estimadas familias:

1-O martes 22 levarase a cabo a devolución de TODOS OS LIBROS de préstamo, o alumnado terá que traelos e entregalos a primeira hora.Logo, o venres o alumnado que teña materias pendentes para setembro poderá recoller aqueles libros que precisen.

Achégase un cartaz cos prazos de matrícula para o curso 2021/2022.

As familias do novo alumnado que se incorpore ao IES As Bizocas para estudar 1º ESO deberán recoller previamente o sobre coa documentación necesaria para formalizar a matrícula a partir do venres 25 de xuño (incluído) en horario de 09:30 h a 13:30h.

Lémbrase que posteriormente para a entrega da documentación xa cuberta (entre o 25 de xuño e o 10 de xullo) deberán concertar cita previa (chamando ao 886 151 420 ou por correo electrónico a ies.asbizocas@edu.xunta.gal).

*Adxúntase a solicitude máis un cartaz informativo.