Ábrese o prazo para que o alumnado doutros centros educativos que desexe incorporarse ao IES As Bizocas presente a solicitude de ADMISIÓN: do 1 ao 20 de marzo, preferentemente por vía

electrónica.

A OFERTA DE POSTOS ESCOLARES para 2024/2025 é a seguinte:

- 1º ESO: 31 (6 para NEEAE)

- 2º ESO: 9

- 3º ESO: 16

- 4º ESO: 22

Consulte a información no arquivo adxunto.

Comunicamos a existencia de prazas suficientes para atender todas as solicitudes de reserva rexistradas en prazo para o alumnado do CEIP As Bizocas e mais do CEIP Valle-Inclán, para cursar 1º ESO neste instituto durante o ano académico 2024/2025.

Segundo as recomendacións vixentes en materia de protección de datos persoais esta listaxe definitiva de alumnado faise pública no taboleiro de anuncios situado no interior do instituto, onde se poderá consultar presencialmente. De xeito telemático, a través da aplicación AdmnisionAlumnado (https://www.edu.xunta.gal/admisionalumnado/) tamén se poderá consultar a listaxe do alumnado con posto reservado utilizando calquera dos mecanismos de identificación admitidos pola sede electrónica da Xunta de Galicia, incluído o certificado dixital e mais a Chave365.

Publícase no taboleiro do instituto a listaxe definitiva de solicitudes admitidas e excluídas do fondo solidario de libros de texto/axudas material, especificando os libros concretos que se prestan. Os libros, así coma o vale para adquirir material escolar, repartiranse ao alumnado beneficiario en setembro, o primeiro día de clase.

As persoas solicitantes tamén poden acceder por vía electrónica ao seu expediente, a través da aplicación fondolibros, identificándose empregando a Chave365 ou un certificado dixital.

Hoxe, 11 de xullo, publícase no taboleiro do instituto a listaxe provisional de solicitudes admitidas e excluidas do fondo solidario de libros de texto. Prazo de reclamacións: 2 días.

As persoas solicitantes tamén poden acceder por vía electrónica ao seu expediente, a través da aplicación fondolibros, identificándose empregando a Chave365 ou un certificado dixital.

A listaxe definitiva de solicitudes admitidas, especificando os libros concretos que se lle prestan ao alumnado beneficiario, está previsto que se publique o 14 de xullo.

Publícase, no taboleiro interior do instituto, a relación de solicitudes con deficiencias detectadas para que as persoas interesadas poidan emendalas e/ou presentar a documentación preceptiva para a tramitación do Fondo Libros/Axudas material para o curso 2023/2024.

Esta listaxe poderá consultarse presencialmente no instituto entre as 09:00h e as 14:00 horas. Así mesmo, as persoas solicitantes poderán acceder por vía electrónica ao seu expediente, a través da aplicación FondoLibros, empregando a Chave365 ou o certificado dixital.

No DOG do 19/05/2023 publicouse a ORDE do 10 de maio da Consellería de Cultura, Educación, Formación Profesional e Universidades que regula, para o curso 2023/24:

- A participación no fondo solidario de libros de texto para todo o alumnado da ESO (en 1º e 3º ESO manteranse os libros de texto do curso 2022/23, para 2º e 4º ESO o centro adquirirá novos libros para repartir en préstamo entre o alumnado beneficiario).

- A convocatoria de axudas para adquirir material escolar destinadas a todo o alumnado da ESO.

O prazo de solicitudes vai do 20 de maio ata o 21 de xuño, incluído.

Teñen toda a información nos dous arquivos que se achegan e mais en https://www.edu.xunta.gal/fondolibros/

Publícanse as listaxes definitivas de alumnado admitido/excluído para estudar no IES As Bizocas no curso académico 2023/2024.

Poden consultarse presencialmente no taboleiro de anuncios situado no interior do instituto ou telematicamente a través da aplicación “AdmisionAlumnado" (https://www.edu.xunta.gal/admisionalumnado/) utilizando calquera dos mecanismos de identificación admitidos pola sede electrónica da Xunta de Galicia.

Infórmase de que todas as solicitudes de admisión presentadas en prazo resultaron admitidas.

Publícanse as listaxes provisionais de alumnado admitido/excluído para estudar no IES As Bizocas no curso académico 2023/2024.

Poden consultarse presencialmente no taboleiro de anuncios situado no interior do instituto ou telematicamente a través da aplicación “AdmisionAlumnado" (https://www.edu.xunta.gal/admisionalumnado/) utilizando calquera dos mecanismos de identificación admitidos pola sede electrónica da Xunta de Galicia.

Infórmase de que todas as solicitudes de admisión presentadas en prazo resultaron admitidas.

Poderán formularse reclamacións no prazo de 5 días hábiles, contados dende o seguinte ao da publicación destas listaxes, ante o Consello Escolar. A estimación ou desestimación das reclamacións formuladas entenderase realizada a través da publicación das listaxes definitivas de persoas admitidas e non admitidas.

Despois do proceso de RESERVA para o alumnado dos colexios adscritos, ábrese o prazo para que o alumnado doutros centros educativos que desexe incorporarse ao IES As Bizocas presente a solicitude de ADMISIÓN, do 1 ao 20 de marzo e preferentemente por vía electrónica.

A OFERTA DE POSTOS ESCOLARES para 2023/2024 é a seguinte:

- 1º ESO: 8 (+ 6 NEEAE)
- 2º ESO: 10
- 3º ESO: 18
- 4º ESO: 19

Teñen toda a INFORMACIÓN do proceso de admisión, incluído un manual de axuda para as familias, na seguinte ligazón: https://www.edu.xunta.gal/admisionalumnado

Acceden así nesa páxina web á APLICACIÓN "AdmisionAlumnado" na que poden cubrir a SOLICITUDE DE ADMISIÓN, marcar os criterios do baremo que, chegado o caso, queiran que se valoren e presentala xa por vía electrónica a través da sede electrónica da Xunta de Galicia (utilizando Chave365, certificado dixital ou dni electrónico). Tamén poden cubrila na aplicación, imprimila e asinala para presentala presencialmente no instituto no que solicite praza en primeiro lugar (ou presentala nos lugares e rexistros conforme a normativa do procedemento administrativo común).

Lémbrase que co documento de solicitude (Anexo II) deberán achegar o Anexo II-bis para a comprobación de datos dos membros computables da unidade familiar e do consentimento da outra persoa proxenitora, titora ou acolledora. En todo caso, terase en conta a composición da unidade familiar na data 01/03/2023, agás os datos económicos (renda e IPREM) que serán os relativos ao exercicio fiscal 2021.

Ademais do formulario de solicitude de admisión deberá achegar tamén a seguinte documentación (así como aquela outra que requira o instituto e sexa necesaria para tramitar o procedemento):

- Copia do libro de familia onde figure o/a alumno/a e os demais membros computables da unidade familiar (de non ter libro poderá aportar un certificado de convivencia dos membros computables da unidade familiar onde conste a data de alta).

- Se é o caso, sentenza xudicial de separación ou divorcio e/ou convenio regulador onde conste a custodia do/da menor.

No caso de opoñerse á consulta automática para a comprobación de datos deberán indicalo no recadro correspondente da solicitude e, polo tanto, achegar a documentación que corresponda.

As familias deberán presentar tamén calquera outra documentación complementaria necesaria para tramitar este procedemento cando lla requira o instituto.

NOTA INFORMATIVA:

1. O alumnado poderá pedir ata seis centros por orde de preferencia (e alegar os criterios de admisión que pretenda que se lle valoren), presentándoa no centro solicitado en primeiro lugar. Despois de presentar unha solicitude de admisión, para RENUNCIAR a ela deberá facerse expresamente, indicándoo no recadro correspondente da nova solicitude que deberá presentarse.

2. O alumnado que teña prioridade para continuar estudos nun centro de adscrición pode exercer o seu dereito á reserva de praza presentando solicitude de reserva no centro adscrito, isto é, no que está matriculado nese momento, e identificará o centro de adscrición que solicita.

3. En todo caso, a solicitude de reserva ou de admisión é única para cada alumno/a e ten carácter VINCULANTE. A súa presentación implica que son certos os datos indicados nela. A existencia dunha solicitude de admisión presentada en prazo sen renunciar expresamente á anterior e, así mesmo, a existencia dunha solicitude de admisión sen ter renunciado á praza RESERVADA a 28 de febreiro (este incluído) poderán ser causa de PERDA DO DEREITO a participar no procedemento nos termos previstos no artigo 8.

INFORMACIÓN ACTUALIZADA DO PROCESO DE ADMISIÓN:

Na aplicación "AdmisionAlumnado" (https://www.edu.xunta.gal/admisionalumnado/) as familias poderán consultar:

a) O cronograma coas datas dos trámites principais.

b) A previsión de postos escolares dispoñibles.

c) A relación do alumnado de cada curso, co número da solicitude de admisión asignado pola aplicación.

d) O estado de tramitación da súa solicitude (utilizando o número de solicitude e o número de DNI da persoa solicitante).

e) A listaxe do alumnado con posto reservado e a listaxe provisional e definitiva do alumnado admitido coa puntuación total e do alumnado non admitido (utilizando calquera dos mecanismos de identificación admitidos pola sede electrónica da Xunta de Galicia, incluíndo o certificado dixital e a Chave365).

PRAZOS DO PROCEDEMENTO DE RESERVA E ADMISIÓN:

• Presentación de solicitudes de reserva nos colexios adscritos (CEIP As Bizocas e CEIP Valle-Inclán): do 16/01/23 ao 06/02/23.

• Publicación da listaxe de alumnado con posto reservado: o 22 de febreiro.

• Presentación de solicitudes de admisión: do 1 ao 20 de marzo.

• Presentación da documentación acreditativa para baremar: nos 10 días hábiles seguintes, do 21/03/23 ao 03/04/23.

• Publicación da listaxe provisional de alumnado admitido: o 25 de abril. (Prazo de reclamacións: 5 días hábiles seguintes, ante o Consello Escolar).

• Publicación da listaxe definitiva de alumnado admitido: o 15 de maio. (Impugnación: presentación do recurso de alzada no prazo dun mes, ante a Xefatura Territorial).

• Prazo de matrícula na ESO: do 23 de xuño ao 7 de xullo.

OUTRA INFORMACIÓN:

• Centros adscritos: CEIP As Bizocas e CEIP Valle-Inclán.

• Servizos complementarios: transporte escolar.

• O alumnado que solicite e obteña praza nun centro escolar que non estesa na área de influencia que lle corresponda (domicilio familiar ou lugar de traballo das persoas proxenitoras, titoras ou acolledoras) non terá dereito aos servizos complementarios de transporte escolar.

LEXISLACIÓN APLICABLE:

• Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

• Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).