Listaxe de libros de texto, curso 2015/2016 e recollida de vales (1º e 3º).

Achégase a listaxe dos libros de texto para o próximo curso 2015/2016 en documento adxunto.

As persoas solicitantes do cheque para mercar os libros para o alumnado de 1º e 3º da ESO poderán recollelo na conserxería do centro a partir do luns 20 de xullo, en horario de 10 a 12.

FONDO SOLIDARIO LIBROS DE TEXTO: LISTAXES PROVISIONAIS

Publícanse as listaxes provisionais de existencias de libros, solicitudes admitidas e excluídas. O prazo de reclamacións é de dous días (8 e 9 de xullo).

CALENDARIO EXAMES SETEMBRO

No documento adxunto poden consultar o calendario de exames de setembro. A entrega de notas será o venres día 4, ás 10.00.

Lémbrase ao alumnado que levou os libros de texto mercados co vale para as materias de setembro que deben devolvelos o día do exame.

 

CONCURSO CAFETERÍA

No documento adxunto poden descargar as condicións para a cpntratación so servizo de xestión e explotación da cafetería do IES As Bizocas, para o curso escolar 2015-2016.

O prazo de presentación das solicitudes será do 1 AO 15 DE XULLO (ámbolos dous incluídos).

ENTREGA DE NOTAS E PRAZO DE MATRÍCULA

A entrega de notas será o mércores 24 de xuño ás 11. Non haberá transporte escolar.

Xunto co boletín entregaráse o sobre de matrícula do alumnado que ten que matricularse no prazo ordinario (aqueles que non teñen que examinarse de ningunha materia en setembro) do 25 ao 10 de xullo.

INVITACIÓN ÁS FAMILIAS

A AMPA Seixeliño convida a todas as familias do alumnado do IES As Bizocas á celebración que con actuacións musicais e teatrais organizará como peche das clases, o día 19 de xuño dende ás 11:00h ata a finalización das mesmas.

AVISO SOBRE RECOLLIDA DE LIBROS DE TEXTO DÍA 19

O vindeiro 19 de xuño realizarase durante o horario escolar a recollida de todos os libros de texto que o alumnado mercou co cheque.

Cada alumno/a deberá traer os seus libros dentro dunha bolsa, os libros por tomos deben estar completos (considerarase non entregado cando falte algún dos tomos). Lembrade que os que non entreguen os libros mercados co cheque quedarán automaticamente excluídos tanto do cheque coma do banco de libros.

Así mesmo, agradécese ao alumnado de 2º ESO que voluntariamente entregue todos os libros, aínda que non fosen mercados co cheque, coa finalidade de que o “banco de libros” poida repartir a maior cantidade de libros entre o alumnado que fará 2ºESO o vindeiro curso.

A data límite para solicitar a inclusión no banco de libros: 30 de xuño (TODO o alumnado que actualmente está cursando 1º e 3º ESO) e o alumnado que pense que pode repetir 2º e 4º.

Solicitude do cheque axuda para a adquisición de libros de texto: no momento da matrícula (xuño ou setembro segundo corresponda a cada alumno/a) o alumnado que para o vindeiro curso 2015/16 se matricule en 1º ou 3º ESO (o alumnado repetidor SI terá dereito a esta axuda).

Anuncio número premiado rifas do alumnado de 4º

O número premiado no sorteo do lote de productos para recadar fondos para a viaxe de fin de curso da 4º da ESO, celebrado o día 1 de xuño é o 112.

LIBROS DE TEXTO PARA O CURSO 2015/2016: prazo aberto

A gratuidade solidaria de libros de texto para o próximo curso escolar 2015-2016 levarase a cabo mediante dous procedementos:

Distribuir contido