Medios de Comunicación

(Foto:Concello de A Coruña)

Nun contexto espléndido, nunha estancia cun cadro de Laxeiro, a Directora e mais a Vicedirectora do Instituto foron recibidas este pasado mércores 26 polo señor alcalde da Coruña, D. Xulio Ferreiro, quen estivo acompañado polo xefe de gabinete, o señor Iago Martínez. A visita era para comunicarlles os actos de celebración do 125 aniversario do funcionamento do Instituto ‘Eusebio da Guarda’, así como para sumar esforzos na potenciación do noso Salón de Actos, auténtico paraninfo cultural para a vida coruñesa. Igualmente, solicitamos da nova corporación municipal a súa presenza, seguindo na mesma liña cás corporacións anteriores, á hora de celebrarmos entre todos o certame literario ‘Rita Suárez Amado’. O recibimento foi cordial, como debe ser entre Institucións que desexen traballar a prol do futuro da nosa cidade.

Coma noutras ocasións, varios alumnos do Eusebio acudiron á chamada da Universidade de Santiago de Compostela a recoller os premios á excelencia.

E celebrárono comendo unha mazá, símbolo do programa A Ponte da USC.

Actualización: Podes ver os videos do acto facendo clic aquí.

Dirixido e realizado pola nosa alumna Ana Sanmiguel Castro, xa podes ver o video que despide os alumnos de 2º de Bacharelato do Eusebio, curso 2014/15.

E tamén temos o video do discurso de Ignacio Roura:

Actualización: Engadimos algunhas fotos de familia e tamén o publicado hoxe en La Voz de Galicia:

Gracias os nosos colaboradores!

Hoxe no Salón de Actos do noso instituto presentouse a unidade didáctica “María Wonenburger. Unha científica adiantada ao seu tempo” realizada polas matemáticas Mª José Souto e Ana Dorotea Tarrío.

A famosa matemática, Doutora Honoris Causa pola UDC, foi alumna deste centro, cando aínda era feminino.

(fotos: Pedro R. Porca, fai clic para ver máis)

Ao acto asistiron o Sr. Vicepresidente da Xunta de Galicia, don Alfonso Rueda,  o Sr. Alcalde, don Carlos Negreira; a Sra. Secretaria Xeral de Igualdade, dona Susana López Abella, familiares de María Josefa Wonenburger, a Sra. Delegada da Xunta da Coruña, dona Belén Docampo, o Sr. Concelleiro de Educación do Concello da Coruña, don Miguel Mourelo, a Sra. Decana da Facultade de matemáticas, dona Victoria Otero, a Sra. Subdirectora Xeral de Promoción da Igualdade, dona Mª Pilar García-Rodeja, a Sra. inspectora de Educación, dona Berta Estrada, profesores e alumnos de 1º, 2º, 3º e 4º de ESO. 

Proxectouse un vídeo sobre a vida da homenaxeada e mais as liñas mestras da unidade.

No seu discurso o Sr. Rueda destacou que as estatísticas de mulleres e homes que optan por unha carreira técnica (15%/VS/40%) aínda son desfavorables á muller. E fixo votos por que as cousa cambien xa que, engadiu, a sociedade está perdendo oportunidades.

Actualización: Enlaces á noticia nos medios de comunicación:

• Consellería de Presidencia da Xunta de Galicia.
• TVG.
• La Voz de Galicia.
• La Opinión de A Coruña.

Dos días 1 ao 3 de maio celebráronse en Mahón as IX Xornadas de Institutos Históricos Españois. O "Eusebio" participou a través da directora, Mª Isabel Ruso de Lago, e a secretaria, Maribel Quiroga Fernández. Presentaron a comunicación "Espacios de formación de Pablo Ruiz Picasso: El Instituto da Guarda 1891-1895", cuxa lectura sorprendeu gratamente aos asistentes, pois poucos coñecían a etapa coruñesa do pintor.

(Poden verse as ponencias facendo clic sobre a fotografía.)

Invitados pola Agrupación Astronómica Io, os alumnos de 2º ESO Roque Placer e Alfredo Chavert acudiron á XX edición do Día da Ciencia na Rúa co seu Telurio, feito para un proxecto de mecanismos en Tecnoloxía. 

O artello foi admirado especialmente polos cativos, aínda que os adultos amosaban sorpresa ao velo feito con materiais de refugallo na práctica totalidade.

O proxecto empregaba dúas pilas para mover o conxunto Sol-Terra-Lúa a través de varias rodas con correa coma mecanismo de transmisión e reducción da velocidade dun motor eléctrico. Clicando na imaxe poderás ver máis fotos e tamén un video do funcionamento (autores das fotos: Pedro R. Porca e Mario S. García).

O vindeiro 15 de maio, o noso alumno David Vaamonde López ofrecerá un recital de piano no Conservatorio Superior de Música. A entrada é libre. 

David participara co pianista Lang Lang nun magnífico recital que fora emitido pola televisión nacional.

Será unha grande oportunidade para escoitalo de novo.

O pasado venres recibimos a visita de Christine Pinault, asistente personalde Claude Picasso en Picasso Administration.

Na foto aparece Christine no centro, acompañada pola directora do IES, Dña. Isabel Ruso de Lago.

 (Fai clic para ver todas as imaxes)

Os equipos do IES P. Eusebio da Guarda acadaron a segunda posición na categoría de Fútbol 11 (ESO masculino), a cuarta posición na categoría de Fútbol 7 (ESO e Bacharelato feminino) e o Premio á Deportividade na categoría de Fútbol 11 (Bacharelato masculino).

Noraboa ós participantes!