Axudas para a realización de actividades de formación en linguas estranxeiras no ano 2024
Enviado por admin o Mér, 14/02/2024 - 12:26Publicada a convocatoria de axudas para a realización de actividades de formación en linguas estranxeiras no ano 2024, destinadas ao alumnado de 1º e 2º de bacharelato que cursa en centros docentes sostidos con fondos públicos. (DOG do 12/02/2024).
A solicitude destas axudas iniciarase a través da aplicación en liña dispoñible na páxina web do programa: https://www.edu.xunta.gal/axudasle/
Máis información no enlace: https://www.edu.xunta.gal/portal/node/42358
Proceso Admisión curso 2024-2025
Enviado por admin o Xov, 18/01/2024 - 12:33TODAS AS SOLICITUDES PRESENTADAS FORON ADMITIDAS
Presentación da solicitude de admisión: 1-20 de marzo.
Para renunciar a unha solicitude de admisión ordinaria anterior (do 1 ao 20 de marzo) terá que presentar unha nova solicitude ED550B en prazo na que terá que cubrir os datos que aparecen no recadro “Supostos específicos”
Presentación da documentación acreditativa dos criterios de baremo: 10 días hábiles contados a partir dos 2 días seguintes ao remate do prazo para presentar as solicitudes de admisión.
Publicación das listaxes provisionais de persoas admitidas e non admitidas: antes do 25 de abril.
Publicación das listaxes definitivas de persoas admitidas e non admitidas: antes do 15 de maio.
Reserva de praza para o curso 2024-2025
Enviado por admin o Mér, 17/01/2024 - 09:36Todas as solicitudes de reserva presentadas foron admitidas
Ábrese o o prazo de reserva para o curso 24-25 ao alumnado dos centros adscritos de primaria e secundaria. O prazo vai desde o 15 de xaneiro ao 5 de febrero ata as 23:59h
Enlace para cubrir a solicitude on-line
Esta solicitude deberase presentar no centro educativo de orixe ou en calquera dos lugares que establece a Lei 39/2015, do 1 de outubro, do Procedemento Administrativo Común, incluída a SEDE ELECTRÓNICA, para o que se precisará de Chave365 ou certificado dixital, sendo esta a canle preferible de presentación.
Pódese consultar a documentación para a presentación no seguinte enlace
Instrucións xerais admisión para o curso 24-25
Protocolo que regula o uso dos móbiles nos centros de ensino
Enviado por admin o Xov, 04/01/2024 - 19:58Santiago de Compostela, 4 de xaneiro de 2024
A Xunta de Galicia vén de publicar o protocolo para regular o uso dos móbiles nos centros educativos durante o tempo de lecer, a través do que se amplía á totalidade da xornada escolar a limitación do uso de teléfonos e dispositivos electrónicos que xa estaba vixente no interior das aulas desde 2015 en todos os centros sostidos con fondos públicos de Galicia.
Bo Nadal 2023
Enviado por admin o Sáb, 23/12/2023 - 21:40Navegando polo Universo
Enviado por admin o Xov, 21/12/2023 - 09:43O alumnado de 2° de ESO participou onte 20 de decembro na actividade 'Navegando polo Universo' da man de Íñigo de la Quadra-Salcedo.
No interior do seu planetario móbil, unha cúpula semiesférica de cinco metros de diámetro que consta dun proxector de última xeración, realizamos unha viaxe a través do cosmos. Ademáis de contemplar a nosa galaxia, a Vía Láctea, puidemos observar a estrela polar, a Osa Maior, os movementos dos corpos do Sistema Solar, achegarnos á superficie do Sol e mesmo á cara oculta da Lúa.
Grandes figuras do mundo da ciencia e da astronomía, como Eratóstenes, Ptolomeo, Copérnico Galileo ou Newton, tiveron tamén o seu protagonismo nesta fantástica sesión coa que rematamos as actividades de 2023 do proxecto 'Un camiño de Santiago cheo de vida' .
Velaquí unha breve reportaxe fotográfica da xornada:
Encontros literarios
Enviado por admin o Lun, 11/12/2023 - 10:09Encontros literarios do primeiro trimestre
Aula Newton
Enviado por admin o Lun, 04/12/2023 - 16:16O alumnado de física e química de 4º de ESO, acompañado dos profesores Rafael Nóvoa e Ana Reboiro, acudiu o pasado 30 de novembro á Aula Newton situada no Parque Tecnolóxico de Galicia para realizar a actividade Volando con números: unha aventura aérea.
Nesta actividade os estudantes recibiron una misión do Centro Integrado de Atención a Emerxencias da Axencia Galega de Emerxencias (AXEGA), que consistiu en colaborar na observación de diversas ubicacións de Ourense e Pontevedra para axudar a establecer as prioridades das misións de rescate.
O alumnado tivo que facer uso da física e das matemáticas para elaborar un plan de voo co que manexar correctamente un simulador aéreo.
Medir distancias entre localidades, interpretar a escala dun mapa, estimar os tempos de voo e indicar o rumbo a seguir foron algunhas das tarefas que a tripulación tivo que realizar para completar de forma exitosa a misión.
Deixamos aquí unhas imaxes da xornada.
25 de novembro
Enviado por admin o Dom, 03/12/2023 - 12:15A programación do Día internacional para a eliminación da violencia contra as mulleres ten como lema Encarar TODAS as formas de violencia de xénero.
Con este lema, a Concellería de Igualdade do Concello de Ourense desenvolverá diferentes propostas, como Escape Room e contacontos para alumnado de Primaria e Secundaria, unha exposición fotográfica e un curso de autodefensa.
Días 20, 21 e 22 de novembro.
· Escape Room contra a Violencia de Xénero: Rexeita o maltrato, nos IES Ferro Couselo, O Couto e Prieto Nespereira. Dinamiza: Territorio Comanche.
Coa axuda do videoclip da canción "PICANME OS OLLOS" da artista galega Guadi Galego & Depedro, o noso alumnado reflexionou sobre a necesidade de actuar ante as situacións de violencia ou inxustizas para construir o futuro que queremos.
Tomando como referencia a letra da canción , uniron todos os espazos do centro educativo, mostrando o seu compromiso en contra da Violencia de Xénero. #25N#aFERRateanOnviolencia
Exposición AstrónomAs
Enviado por admin o Ven, 01/12/2023 - 13:17Esta historia comezou hai miles de anos, cando as nosAs antepasadAs miraron cara o ceo e observaron o Sol, a Lúa e as estrelas. Durante anos, outras mulleres seguiron observando o universo facendo interesantes e importantes descubrimentos.
Vas iniciar unha viaxe da man destas mulleres que te levará a descubrir moitos dos misterios da Astronomía que elas desvelaron con bravurA, Alegría e Afán.
Con este texto comeza a exposición virtual AstrónomAs, centrada en máis de trescentas mulleres dedicadas ao estudo da Astronomía e da Astrofísica e que traballan nalgún dos catorce temas arredor dos que se estrutura a mostra, entre eles, os cúmulos estelares, a física de astropartículas e a cosmoloxía.
Estes días podemos visitar nos corredores do instituto o formato físico imprimible desta exposición, que xorde como unha continuación de Con A de AstrónomAs nacida no Ano Internacional da Astronomía 2009 e que percorreu durante doce anos museos e centros educativos de todo o país.
A renovación daquela existosa mostra foi realizada por un equipo interdisciplinar de profesionais de diferentes ámbitos, coa colaboración da Fundación Española para a Ciencia e a Tecnoloxía (FECYT) e a Sociedade Española de Astronomía (SEA).
Con esta exposición continuamos as actividades do proxecto Camiño de Santiago cheo de vida, no que participan as profesoras Ana López, Salud Gago, Ana Reboiro e María José González, xunto con profesorado de centros de Almería, Tenerife e Murcia.
Este curso, no noso instituto, ademais de traballar co alumnado aspectos do patrimonio histórico, cultural e natural das vilas polas que transcorre o Camiño de Santiago ao seu paso pola provincia de Ourense, realizaremos varias actividades arredor da astronomía e do Camiño das estrelas.
Nesta ocasión, o alumnado de 2º e de 3º de ESO resolveu un tríptico-cuestionario sobre a exposición AstrónomAs. Tivo que ler polo miúdo e seleccionar a información dos paneis, redactar correctamente as respostas e tamén indagar no formato virtual da exposición.
Velaquí unha mostra da actividade:
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »