O pasado venres 21 de abril, un grupo de alumnos e alumnas de 2º de ESO participaron de xeito voluntario nun curso de formación en radio escolar. Aprenderon a facer un guión, gravar, empregar o Audacity e manexar a mesa de misturas e o control técnico. Xa están preparados para traballar sós! De feito, o luns no recreo xa foron á radio a poñer en práctica o aprendido.

Aquí tedes varias fotos da xornada de formación. 

Graciñas á rapazada por participar!!

Álbum: Curso 22-23 -> Formación na radio escolar

ATENCIÓN!

Dado o éxito da Radio Escolar, infórmase que (ademais dos recreos do luns, xa establecidos) gravaranse podcast nos seguintes recreos:

- Primeiro recreo dos martes.
- Segundo recreo dos mércores.
- Os dous recreos dos xoves.
- Os dous recreos dos venres.

Vémonos na Radio!

Xa queda moi pouco para o 23 de abril, o día do libro. Aínda que este ano cadra en domingo, dende a Biblioteca ímolo celebrar como se merece, con varios Obradoiros durante o resto do mes de abril e parte de maio. Anotade as datas e achegádevos á Biblio nos recreos para participar nestes Obradoiros e celebrar o día do que sin duda é un "gran amigo" o libro. Unha boa lectura, pausada e con tranquilidade, é unha grandísima experiencia, animádevos a ler!  Espérovos na Biblio!

OBRADOIRO DE RADIO: 
1º-3ºESO: segundo recreo dos luns.
4ºESO e BAC: recreo dos venres.

OBRADOIRO DE CHAPAS:
1º-3º ESO: 1º recreo dos martes.
4ºESO e BAC: recreo dos martes.

OBRADOIRO DE IOGA:
1º-3º ESO: segundo recreo dos mércores
4ºESO e BAC: recreo dos mércores

OBRADOIRO DE CREACIÓN DE LIBROS POP-UP:
1º-3ºESO: recreos dos xoves.
4ºESO e BAC: recreo dos xoves.

OBRADOIRO DE ORIGAMI: 
1º-3ºESO: 1º recreo dos luns
4ºESO-BAC: recreo dos luns

OBRADOIRO DE LETTERING:
1º-3ºESO: primer recreo dos venres.
4ºESO- BAC: recreo dos venres.

O alumnado de 1º de ESO estivo a realizar un traballo colectivo sobre fraseoloxía do galego. Cada alumna/o explicou unha frase feita do noso idioma ,  buscou unha fotografía adecuada para ilustrar o seu significado figurado e inventou oracións para exemplificar o seu uso.

Na foto pódese ver o mural elaborada pola responsábel da biblioteca escolar, a profesora Alba A., para celebrar o día 8 de Marzo.

O mural está á entrada da biblioteca e nel hai información sobre o sentido quen para o movemento feminista a cor morada, a orixe da efeméride do 8 de marzo... e tamén algúns libros sobre feminismo que temos na biblioteca.

O alumnado pode participar no mural, deixando as súas achegas ás preguntas propostas. 

Hoxe foi instalado no segundo andar do edificio princiapl unha exposicion itinerante dedicada ao Premio María Josefa Wonenburguer. Con este premio, a Xunta de Galicia Goberno galego quere recoñecer ás mulleres científicas de Galicia, mulleres que souberon adiantarse ao seu tempo e que abriron camiños a moitas outras. Pretende  visibilizar e facer chegar á sociedade as contribucións feitas polas mulleres galegas á ciencia e á tecnoloxía. C

O Premio leva o nome da investigadora e matemática galega María Josefa Wonenburger, unha autentica pioneira e referente feminino internacional no ámbito das ciencias e que foi unha científica adiantada ao seu tempo.

Dende a creación do Premio foron merecedoras deste recoñecemento mulleres que dedican a súa vida profesional a algún campo específico da ciencia ou da tecnoloxía. 

O día 2 de febreiro os grupos de 4º de ESO irán coñecer a María Victoria Lareu Huidobro (Santiago de Compostela, 1960) é licenciada en Medicina e Ciruxía pola USC (1984), continuando a súa formación en diferentes centros de investigación de especial relevancia en medicina forense como o Instituto Medicina Legal de Coímbra ou London Hospital College.

Realiza a súa tese doutoral sobre marcadores xenéticos na cirrose hepática alcohólica (1990) na USC, integrándose no Departamento de Patoloxía e Ciencias Forenses como profesora asistente e realizando a súa actividade investigadora e docente centrada no campo da xenética forense, participando na introdución no campo dos loci STR.

En 1996 obtivo o cargo de profesora da USC no Departamento de Patoloxía e Ciencias Forenses, onde desenvolve a aplicación pioneira no campo dos SNP (polimorfismos de nucleótido único) e InDels (polimorfismos de inserción e deleción) para a predición de ascendencia biogeográfica e características físicas, novos marcadores en xenética forense que actualmente se utilizan amplamente no campo forense. Na actualidade centra a súas investigacións na aplicación de tecnoloxías de secuenciación masivamente paralelas no campo forense e o estudo e aplicación das marcas epixenéticas do xenoma humano, campos pioneiros na investigación forense.

En 2007 obtivo o cargo de catedrática de Medicina Legal da USC, e é nomeada directora do Instituto de Ciencias Forenses da USC.

O seu traballo foi recoñecido con catro premios consecutivos de investigación de excelencia (sexenios de investigación) (entregados cada seis anos) (1990-1996; 1997-2002; 2003-2008; 2009-2014 (próxima aplicación 2020), e cunha Transferencia de ciencia. Premios (sexenio de transferencia).

Na última semana do trimestre, o Departamento de Educación organizou un torneo de voleibol feminino. Aquí tedes un pequeno vídeo.

Por outro lado, o Departamento de Educación Física organizou tamén un campionato de fútbol sala masculino, do que tamén temos un vídeo.

Deixamos aquí a foto do equipo gañador, 1º C de Bacharelato.

Co gallo do día 8 de Marzo, Día Internacional da Muller Traballadora, o alumnado de 1º de ESO realizou un traballo sobre mulleres para destacar o importante papel que xogan as mulleres na ciencia e nas artes.

O pasado 21 de decembro celebrouse no Salón de Actos un festival de Nadal para 1º e 2º de ESO. Ao longo da mañá houbo diferentes actuacións e unha delas foi a interpretación de panxoliñas.

Na galería fotográfica podes atopar un vídeo dunha das actuacións do profesorado co, recentemente xubilado e incombustible, Julián Ferrer á guitarra. Grazas por tanto, maestro!