No curso 2023-2024 o alumnado de 4*ESO de Historia e Lingua Galega desenvolveu un proxecto en volta da emigración galega a Portugal desde mediados do S. XVIII até finais do S. XIX para acabar contextualizando a figura de Caetano Dionísio de Lens, veciño da parroquia de Cando e antepasado do autor portugués Fernando Pessoa.
O traballo foi desenvolvido de xaneiro a maio e deu para estudar aspectos socioeconómicos da Galiza do Antigo Réxime, características do fenómeno migratorio, a instalación dos emigrantes no país e coñecer a utilidade da nosa lingua no ámbito lusófono.
Para tal fin, o alumnado participou nun obradoiro _OPS! O Português Simples_ para familiarizarse coas claves da ortografía portuguesa, realizou unha viaxe a Lisboa para recoñecer escenarios vinculados á comunidade galega na capital e investigou para editar unha serie de videos sobre diferentes aspectos deste tema que poden ser visitados no GoogleSite do proxecto.
Como obxectivo último, o alumnado traballou argumentos e redactou a carta formal na aula de Lingua Galega para levar ao pleno do Concello a proposta de lle dedicar un espazo público a Fernando Pessoa dada a sua relación familiar con Outes. O seguinte vídeo dá conta da intervención do alumnado e do compromiso dos representantes políticos locais ao respeto.
|
Alumnado no obradoiro lingüístico en febreiro |
Viaxe a Lisboa en marzo |
|
Alumnado a ensaiar e preparar o seu traballo en abril |
O alumnado presentou a proposta no pleno do Concello de Outes entre abril e maio |
O traballo do alumnado foi difundido en medios de comunicación como o xornal dixital O Barbanza, Nós Diario e El Correo Gallego. Tamén foi acompañado en redes sociais como Facebook e Twitter.
