O 20 DE MARZO O ALUMNADO DE 2º E 3º DE ESO ORGANIZOU UNHA MOSTRA DE PRATOS FRANCÓFONOS PARA CELEBRAR O DÍA INTERNACIONAL DA FRANCOFONÍA.

FOI TODO UN ÉXITO.

MÁIS FOTOS NO ENLACE

MERCI À TOUS POUR VOTRE COLLABORATION!

A Cruz Vermella convida a todas as familias a participar no webinar "Prevención de drogodependencias e condutas afíns desde a resolución de conflitos” impartido polo psicólogo especialista Juan Manuel Romero.

Esta actividade é aberta e gratuíta para calquera familia. Só se precisa un dispositivo con micrófono, cámara e conexión a Internet (o móbil mesmo).

LUNS 17 de febreiro ás 18,30 horas.

Nesta segunda xornada trataremos o tema das Redes sociais e a relación co acoso escolar. Será impartida por membros da Garda Civil dentro do Plan Director para a convivencia e mellora da seguridade nos centro educativos no que o IES participa desde hai varios anos.

Poñemos en marcha a Escola de Familias para o curso 2019-20. Como en anos anteriores faremos unha reunión por trimestre nas que trataremos de mellorar o noso coñecemento sobre temáticas que nos preocupan a todos.

A primeira reunión terá lugar no IES Poeta Añón o vindeiro xoves 21 de novembro ás 18,30 horas.

O lema de traballo escollido polo centro para este curso é "Outes por un futuro sostible". Neste contexto, na sesión do primeiro trimestre trataremos o tema "Emerxencia climática: redución de uso de plásticos. Que podemos facer dende casa?".

A ANPA Río Tines do CEIP de Outes organiza actividades para maiores de 12 anos durante o curso 2019-20.

Nos seguintes enlaces podedes acceder a lista de actividades e descargar a folla de inscrición nas mesmas.

A presentación do curso 2019-20 para as familias do noso alumnado será os días indicados.

Na reunión do luns para o alumnado de 1º e 2º explicaremos o funcionamento de proxecto de libros dixitais (E-Dixgal) e resolveremos as dúbidas que teñades sobre o mesmo.

Como remate das reunións programadas para este curso presentamos a seguinte actividade a realizar nas instalacións do IES:

Sexualidade e diversidade sexual na adolescencia. Martes 11 de xuño de 18 a 20 horas.

Será impartida por Paula Fernández Rico, traballadora social, sexóloga e técnico de Quérote +. Lecturas coeducativas recomendadas.

Un ano máis realizamos as xornadas de acollida para facilitar o acceso do alumnado de 6º de EP do colexio adscrito ao IES.

Teremos unha reunión coas familias para explicar as características dos novos estudos e o funcionamento do centro e tamén recibiremos dentro do horario lectivo ao alumnado de 6º para que coñezan as instalacións e as actividades que realizamos durante o curso.

REUNIÓN COAS FAMILIAS DO ALUMNADO DE 6º DE EP: LUNS 3 DE XUÑO ÁS 7 DA TARDE.

Visita do alumnado de 6º de EP: MÉRCORES 5 DE XUÑO ÁS 10,30.

Como en cursos anteriores realizaremos unhas xornadas informativas coas familias do alumnado de 3º e 4º de ESO nas que explicaremos as opcións que terán para continuar os seus estudos e así formalicen unha matrícula acorde aos seus intereses.

FAMILIAS DO ALUMNADO DE 3º ESO: LUNS 13 DE MAIO ÁS 7 DA TARDE.

FAMILIAS DO ALUMNADO DE 4º ESO: LUNS 27 DE MAIO ÁS 7 DA TARDE.