Extraescolares

Por razóns de climatoloxía, agárdase un empeoramento do tempo a partir do vindeiro venres, queda suspendida, lamentablemente, a saída cultural a Asturias (Picos de Europa, covas de Tito Bustillo e Fuente De) que estaba prevista desenvolver entre o xoves 25 e o domingo 28 deste mes de outubro.

Dende o xoves 25 de outubro e ata o domingo 28, un gupo de alumn@s de 2º de Bacharelato de Xeoloxía, Bioloxía, Ciencias da Terra e Xeografía farán unha excursión cultural acompañad@s por dúas profesoras.

O vindeiro mércores, día 24 de outubro, terá lugar a 1ª saída enmarcada dentro do Plan Proxecta da Xunta de Galicia, Proxecto Ríos. Os alumnos/as da materia de Bioloxía de 3º ESO A e de 3º PDC acudirán ao río Liñares, nas proximidades de Lagartóns, onde realizarán un estudo de distintos parámetros para coñecer o estado das augas e do bosque de ribeira. A actividade está organizada e dirixida pola profesora Loli Castro.

O sábado 9 de xuño celebráronse en Santiago as V Xornadas de Clubs de Lectura organizadas pola Asesoría de Bibliotecas Escolares. Por vez primeira convocouse aos membros dos clubes (alumnos e pais) e non só os coordinadores. E alí fumos os veteranos de club...

Os membros do club NA Estrada-525 escolleron a unha compañeira, Fanny, para que participase na mesa redonda na que dous alumnos, dúas nais e dous profesores coordinadores comentaron a súa experiencia nun club diante de máis de 400 persoas. Todo o público disfrutou e aprendeu coas súas intervencións. En canto sexa posible, colgaremos o enlace para que poidades ver esta mesa redonda.

O vindeiro martes día 5 de xuño os alumn@s de 1º de ESO realizarán unha visita ao Parque Arqueolóxico da Arte Rupestre de Campo Lameiro.

Xa están subidos ao noso canal en YouTube, todos os vídeos do acto de Despedida 2012. Deixamos aquí como mostra as Alocucións dos alumnos e alumnas de 2º de BAC (Sandra, África, Ricardo e David).

Primeira parte do vídeo de Despedida 2012, onde Diego Gómez e Gonzalo Louzao falan do seu paso polo MGB.

Están subidos xa ao noso canal de YouTube as outras partes do vídeo, repartidas por clases: 2ºA, 2ºB, 2ºC.

Hoxe mércores, ás 19:00 horas, terá lugar no Teatro Principal da Estrada o acto de despedida dos alumn@s de 2º de bacharelato curso 2011-2012 presentado por Vicente Mato e Andrea Fernández (1º BAC). O programa será o seguinte:

• "Brigde Over Trouble Waters", interpretada polos alumnos e alumnas de 3º de ESO B, con Elisa Barcala ao piano.
• Discurso de dona Gisèle Maïssa, directora do MGB
• Vals Inglés con Tango, interpretado por Alba Martínez de 2º de ESO e Luis Manuel García, de 1º de BAC.
• Alocución dos alumnos e alumnas de 2º de BAC (Sandra, África, Ricardo e David)
• "Chachachá", novo balile de Alba e Luis Manuel
• Entrega de diplomas aos alumn@s de 2º de Bacharelato
• "Nubes del cielo", música e baile a cargo d@s alumn@s de 2º de Bacharelato e alumnos e alumnas de 3º ESO A, dirixidos e acompañados polo profesor Suso Iglesias.
• Segunda Entrega de diplomas aos alumn@s de 2º de Bacharelato.
• "Somewhere over the Rainbow", interpretada pol@s alumn@s de 2º de ESO e 2º de Bacharelato, e dirixid@s pola profesora María Varela.
• Proxección do trailer de "Pedigree".
• Proxección do vídeo de despedida 2012

O vindeiro xoves día 24 alumn@s da materia de Plástica de 3º , 4º ESO e 1º ,2º de bacharelato asistirán a unha Xornada Anual de ESCULTURAS DE AREA que se celebrará na praia da Lanzada, O Grove. Os nosos alumnos estarán acompañados polos alumnos franceses que están de intercambio esta semana. A actividade está organizada polo IES Monte da Vila do Grove. O obxectivo  é realizar unha actividade creativa só utilizando materiais ecolóxicos respectando a natureza e fomentar o trabalo en equipo.

A vindeira semana dende o día 21 ata o venres 24  contamos coa presenza dun grupo de vinte e seis alumnos franceses e catro profesores que nos devolven a visita que un grupo de alumnos do centro fixeron as súas casas no pasdo mes de marzo, compartiremos algunhas actividades con eles como a Xornade Anual De Esculturas de Area no Grove  e visitarán Santiago, Coruña....Benvidos

O alumnado de 2º ESO realizará mañá, día 16, unha visita ao Parque Eólico Experimental Sotavento (Xermeade, Lugo) e pola tarde visitarán a Fundación Barrié (con sede na Coruña) onde asistirán á charla "Supercomputación, ¿ top secret" impartida por don Guillermo López Taboada, profesor e investigador do Grupo de Arquitectura de Computadores (GAC) da Facultade  de Informática da Universidade da Coruña.

O vindeiro luns 14 de maio o alumnado de 1º ESO acudirán ao CORRELINGUA en Silleda, actividade organizada polo Equipo de Dinamización e Normalización Lingüística.

Os próximos días 11 e 12, venres e sábado, o alumnado de 3º e 4º ESO da materia de Tecnoloxía realizarán unha visita a Allariz dentro do Proxecto Terra ( organizado polo  Colexio Oficial de Arquitectos de Galicia). Actividade organizada polo departamento de Tecnoloxía.

O vindeiro xoves, día 10, os alumn@s de 3º ESO B realizarán unha saída ao Río Liñares enmarcada dentro do Proxecto Ríos.Actividade organizada polo departamento de Ciencias.

A Asociación Galega de Cooperativas Agrarias (AGACA) impartirá unha charla o vindeiro martes, día 8, a alumnos de 1º de Bacharelato da materia de Economía e ao alumnado de 3º de ESO da optativa Obradoiro de Iniciativas Emprendedoras. Seguidamente realizarán unha visita ás instalacións da Cooperativa Feiraco (Negreira), visita programada pola propia AGACA.