Para seguir coñecendo mellor ó poeta que dá nome ó noso centro, a biblioteca e o Equipo de Normalización Lingüística invítanvos a participar no concurso:

QUE SABES DE FRANCISCO AÑÓN?

Estas son as bases:

• Pode participar todo o alumnado de ESO diurno de xeito individual ou por parellas.
  
• Cada día ás 10.10, aparecerá na porta da biblioteca unha pregunta relacionada coa vida, obra ou a época do Poeta Añón. Disporedes de 24 horas para atopar a resposta (consultando os paneis expostos no patio do IES, os trípticos sobre o autor ou as distintas fontes de información dispoñibles na biblioteca) e depositala na furna que hai ó carón da porta da biblio. Ó día seguinte publicarase a solución e tamén unha nova pregunta.
  
• Serán un total de 5 preguntas. Con cada acerto acádase 1 punto.
• De existir un empate entre varios participantes, estes seguirían concursando con máis preguntas ata ter un gañador.
• O premio consistirá nun LIBRO ou nun CD musical a escoller polo equipo finalista.
• 
  

ANIMÁDEVOS A PARTICIPAR!!

Xa que andamos metidos de cheo no programa de actividades conmemorativas do BICENTENARIO do nacemento de Francisco Añón, non vén nada mal achegarse ós seus versos. Xa sabemos que a poesia non é "santo da vosa devoción" pero tedes que intentalo e veredes como levades unha grata sorpresa.

Para que o teñades máis doado, ofrecémosvos unha pequena escolma dos seus poemas nas tres linguas en que escribiu .

QUE A GOCEDES!

A Real Academia Galega acordou adicarlle o Día das Letras Galegas 2013 á figura de Roberto Vidal Bolaño. Coñecido pola súa actividade teatral, tamén o podes lembrar por participar en diversas series televisivas, como Mareas vivas. Aquí tes información sobre este dramaturgo.

O día 29 de xuño foron entregados os premios da VIII edición dos Proxectos didácticos Antonio Fraguas. Na sala Baltar do Museo do Pobo Galego os responsables dos centros gañadores recolleron o premio, dotado con 7000 € para desenvolver o proxecto presentado. Os gañadores:

Modalidade de primaria: "Fortes da Guerra de Restauración en Vila Nova de Cerveira e Tomiño, patrimonio inmaterial", do CEIP Pintor Antonio Fernández de Tomiño (Pontevedra)

Modalidade de secundaria: "Outear", do IES Poeta Añón de Outes (A Coruña).

Este foi o título da orixinal presentación que SERAFÍN MARCOS fixo da vida e obra do autor homenaxeado este ano nas Letras Galegas:

VALENTÍN PAZ ANDRADE.

Nesta semana das Letras Galegas, o alumnado de 2º de ESO tivo ocasión de visitar o Centro de Recursos para persoas Discapacitadas (CRD)

de Valadares - Outes-.

Os actos do Día das Letras Galegas do 2012 honrarán o labor de Valentín Paz Andrade. Home polifacético, traballou de avogado, foi experto en temas pesqueiros, xornalista, político, ensaísta e poeta. Tes máis información del no arquivo adxunto. Tamén podes aprender xogando nesta ligazón.

Aquí podedes ler unha entrevista feita á escritora chilena Isabel Allende. Que ten de especial? Que a podedes ler en lingua galega e que foi realizada por Olalla Tuñas, ex-alumna do IES Poeta Añón. A nosa noraboa a Olalla por este traballo.

A serie galega Matalobos consegue o premio á Mellor Ficción de Televisión en Europa, un galardón internacional no que competían preto de 200 producións procedentes de 23 países. Podes saber máis se visitas esta ligazón.

O ano 2012 vaise celebrar o Bicentenario do nacemento de Francisco Añón, ocasión que debemos aproveitar para afondar no coñecemento da súa vida e da súa obra. Para comezar, este curso os calendarios que se distribuirán a todo o alumnado dos centros escolares do concello van levar este lema: Bicentenario de Añón (1812-2012)