Tepo e Tepa xa teñen todo preparado. E vós... estades list@s?

Luns 24 de outubro, Día das Bibliotecas Escolares, unha xornada cheíña de sorpresas!

Xa está aquí o primeiro programa de radio do curso!

As nosas alumnas e alumnos de sexto foron os encargados de inauguralo. E fixéronno estupedamente!

Premede na imaxe para escoitalos.

 Ola familias!

 Enmarcado no programa Lectura e Familias, o martes 8 de marzo ás 16:30 horas temos o pracer de recibir na nosa biblioteca a Charo Pita.

 Charo Pita é escritora, actriz e contacontos galega. Ten unha gran experiencia en obradoiros de lectura expresiva e narración oral. Nesta ocasión vainos ofrecer o obradoiro “Abrazar coas palabras”.

 Non podedes faltar!

 Nós xa estamos a desexar que chegue o día!

 Aquí deixámosvos un pequeno avance para ir abrindo boca…

Misión cumplida!

Seguindo as instrucións de Tepo e Tepa, creamos nubes de palabras sobre que é a arte da escultura para nós. Entregámolas na biblio e... de aí foron dereitiñas a nosa exposición!

Aí van os novos vídeos...

Xavi Rocha de 5º de infantil vainos propoñer Feliz Navidad, Lobo Feroz e por outra banda a súa irmá Iria Rocha de 3º de primaria, a colección El Diario de Greg e Cerdito de Navidad.

Seguimos con irmás, Lucía Barbosa de 6º de primaria e Diana Barbosa, exalumna do cole, tamén aportan as súas lecturas.

Esta semana empezamos os obradoiros de xadrez. Brais Otero Nogueira, profesor xadrecista do club de Mos, será o encargado de iniciarnos. Estará connosco os luns, mércores e venres.

Esta semana empezamos cunhas nocións básicas e cos movementos dos peóns e o rei.

Esperamos con impaciencia a seguinte clase!

 Os nenos e nenas de primeiro tíñannos preparada unha súper sorpresa na emisión do seu programa de radio.Ían a entrevistar a Papá Noel!

Non podían estar máis emocionados. Escoitade con atención.

Bruxas, meigas, pantasmas, esqueletos, cabazas… inundan o noso cole.

 Non perdades detalle, Tepo e Tepa organizaron un Samaín para poder pasalo de medo!

 Pero… que se está a argallar neste Samaín?

Ola a todas e todos!

Tepa e máis eu xa estamos de volta!

Chegamos á biblio de Rebordáns coas pilas moi cargadas e cunha chea de ideas, de historias, de proxectos...

Neste curso o lema elexido para as bibliotecas escolares é “A biblioteca escolar ten a palabra” e non pode gustarnos máis!

 Estades preparados e preparadas? Seguro que si. Pois entón a nosa biblio abrirá a súas portas.

Lembrade tamén que o protocolo covid aínda ten que seguir vixente. Respectaremos a recomendacións sanitarias.

Vémonos na biblio!

Tepo e Tepa.