O alumnado de 3 e 4 anos visita a pizzería Fresh Pizza. Convertímonos en expertos pizzeros e cociñamos as nosas propias pizzas con ingredientes moi naturais.

   O martes 10 de outubro o alumnado de Educación Infantil, puxo rumbo ao estadio de Balaídos para coñecer as súas instalacións. Toda unha aventura que gozamos moitísimo e que sen dúbida quedará na nosa memoria. 

Guardar

Guardar

Guardar

Guardar

O pasado luns 8 de maio os nenos e nenas de educación infantil do CEIP Frian-Teis realizamos unha visita a través do programa municipal VigoExplora O Vixiador, onde cativos e profesores descubrimos a riqueza das especies que viven nos montes da cidade.

Completamos unha xornada chea de emocións e aventuras, pasando por diversas estacións en pequenos grupos e con monitores especializados que nos convidaron a buscar pistas de pegadas de animais, sons de aves, charcas con anfibios, etc

Foi una xornada intensa de actividades onde as nosas mochilas voltaron cheas de coñecementos.

VISITA AO ZOO A última saída deste curso foi ao zoo. Este terceiro trimestre traballamos no proxecto dos animais. Qué mellor final de proxecto que ir a ver a moitos dos animais que traballáramos en vivo i en directo! Ao chegar, aproveitamos para tomar a nosa media mañá no merendeiro próximo ao recinto do zoo, para logo xogar un ratiño antes de comezar a visita. Para que ésta fora operativa , dividíronnos en grupos reducidos para seguir a un monitor ou monitora que nos ía contando todo o que mirábamos. A pesares de que algúns animais estaban un pouco preguiceiros e non se deixaron ver, puidemos disfrutar da visión de xabaríns, lobos, leóns, xinetas, quincallús, morcegos, osos, burros, cebras, tartarugas, lémures...

EXCURSIÓN FIN DE ETAPA DE INFANTIL: ECOGRANXA ATALAIA Todos os anos, o alumnado de 5 anos goza dunha excursión como despedida desta etapa de educación infantil. Nos anos anteriores os destinos foron A Granxa Kiriko ou a Illa de San Simón. Pero este ano decidiuse cambiar de lugar, polo que se escolleu A ECOGRANXA ATALAIA en Cotobade. O mércores 1 de xuño, foi a data elixida. Saímos sobre as 9:45 do cole, chegando á granxa ás 10:30. Alí nos esperaba alguén especial, “Iker”, o amistoso mastín, que nos deu unha benvida superagarimosa... Unha vez chegamos, tomamos a media mañá e despois nos dividiron en dous grupos. Un grupo comezou coa visita aos animais autóctonos da granxa ( vacas, cabalos, porcos celtas, ovellas, carneiros, galiñas, coellos, patos...) mentres o outro grupo, unha vez debullado millo e cargado ao burro fariñeiro, acompañaron a este para baixar ao muíño e moer o gran que previamente debullaran, descubrindo o funcionamento e as partes deste elemento tan noso. Logo os dous grupos intercambiaron estas actividades O tempo voaba, e xa era o tempo de comer. Todos xuntos, nunhas mesas de madeira cunhas excelentes vistas, gozamos das comidas que nos prepararan as nosas familias con agarimo. Logo de comer e dun pequeno descanso, comezamos coas actividades da tarde. Os dous grupos, de xeito alternativo, pasárono xenial con xogos de búsqueda, intriga e aventura; e sentiron a especial sensación de montar á cabalo en tres magníficos exemplares de cabalos galegos. Sen darnos conta chegou a merenda e a continuación o regreso ao cole e polo tanto, a despedida da Granxa e, como non, de “Iker”. No autobús, sentiámonos cansos, pero sobre todo, moi felices por ter gozado dun día especial coas/cos nosas/os compañeiras/os e as nosas/os mestres...