O noso alumnado de 6º de primaria, como ven sendo habitual, despídense do  Frian, facendo unha viaxe.

Este ano Andalucía foi a Comunidade escollida para pasar unha estupenda semana, chea de visitas e actividades. Isla Máxica, Sevilla, Fuengirola, Granada...foron algúns dos lugares visitados.

A continuación deixámosvos unha reportaxe fotográfica:

O 9 de maio, o alumnado de 3 fomos ao Carrefour con "Bocata sano". Primeiro ensináronnos a clasificación dos alimentos e as súas propiedades. Despois baixamos e fixemos as compras necesarias para un día.

Aprendemos moito.

O venres 8 de xuño, o alumnado de 3º e 5º de Primaria, realizamos a derradeira actividade do Plan Comunitario de Teis sobre O Monte da Madroa.

Despois de todo o traballado durante o curso, fomos poñer en práctica todo o aprendido durante o curso.

Alí nos esperaban, persoal do Plan Comunitario de Teis e da Comunidade de Montes.

Fixemos dúas actividades: un roteiro pegadiño a beira dun regato e os xogos do xabarín.

Mentres realizabamos estas dúas actividades lembramos moitas das cousas aprendidas durante o curso: nomes de árbores, de animais, de topónimos... Por certo tamén subimos a un tractor...

Queremos dar as grazas, a Comunidade de Montes e o Plan Comunitario, por realizar actividades tan interesantes.

Os alumnos e alumnas do primeiro ciclo realizamos unha visita ao Gadis, participando na campaña Dálle forte ao almorzo! que ten como obxectivo achegar aos nenos e nenas á realidade do consumo responsable (ler a información das etiquetas, fixarse nas datas de caducidade...), ofrecéndolles unha visita para coñecer os diversos aspectos do supermercado, prestando especial atención os departamentos de produtos frescos como pescadería, carnicería, charcutería e froitería.

Aquí vos deixamos dous vídeos co ben que o pasamos. Para ver as fotos só tendes que ir á GALERÍA da páxina web.