Proxecto VEDRA MEDRA

O pasado mércores 17 de novembro, o alumnado de 4.º da ESO visitou

a estación do tren de Santa Cruz de Ribadulla onde a asociación cultural Raiceiros de San Miguel de Sarandón ten exposta ao público unha mostra da súa produción das dúas últimas décadas.

Vedra medravén colaborando desde o seu inicio con esta asociación cultural local empregando as súas publicacións e materiais didácticos nas aulas e obradoiros, deseñando actividades conxuntas e acollendo os seus membros en calidade de protagonistas en moitas das súas actuacións.

Dende o CPI de Vedra reiteramos os nosos parabéns ao grupo polo intenso e continuado labor de valorización do patrimonio local (musical, literario, natural, fotográfico) que vén levando a cabo.

Galería de fotos

Xulia Marqués

Coordinadora de Vedra medra

Esta exposición que poderemos contemplar no centro educativo ata mediados de outubro foinos cedida temporalmente polo Concello de Boqueixón e forma parte do ciclo de actividades “Un mes e Pico” programadas desde a Administración local.

Trátase dunha mostra coa que se quere dar a coñecer e valorizar a parte lendaria do Pico Sacro a partir do libro III do Códice Calixtino. Nos nove paneis que a compoñen encontramos varias figuras esenciais no relato xacobeo como a raÍña Lupa, señora destas terras, os discípulos de Santiago que buscan enterrar o corpo do apóstolo e tamén os máxicos feitos que rodean o acontecido no monte sagrado (o estourido do dragón, os bois que tornan mansos e a conversión da raíña ao cristianismo).

Podedes ver as fotos aquí.

Xulia Marqués

Coordinadora do Vedra medra

Os días 26 e 28 de maio, o alumnado de 1.º da ESO participou nunha saída didáctica seguindo o río Pereiro dentro do proxecto Vedra medra.

A actividade deseñouse con base no programa "ARQUITECTURA DA AUGA" (Ulla Elemental) e desenvolveuse coa axuda dos monitores facilitados polo Concello de Vedra. 

Ao longo de 7 Km. a rapazada foi coñecendo a contorna ata chegar á fervenza do Pereiro. Polo camiño entrou nun muíño descubrindo as súas partes e funcionamento e á súa beira fixo a través dun gran xogo, o achado da cultura tradicional galega asociada a este elemento arquitectónico.

Xulia Marqués

Coordinadora de Vedra medra

VER TODAS AS FOTOS

A  Asociación Cultural San Campio da parroquia vedresa de San Miguel de Sarandón vén promovendo desde hai anos o concurso de creación "Serán das Letras" con ocasión da celebración do Día das Letras Galegas. 

Este 2021 xa vai pola 6.ª edición e, con base nas "Lembranzas dos nosos avós", fixo posible que rapaces e rapazas da contorna se puxesen a escribir poesía e relatos cursos e tamén a facer debuxos sobre os recordos de familia.

Varios alumnos/as do CPI de Vedra realizaron unha meritoria achega e resultaron gañadores. Aquí está a relación xeral de galardoados/as:

CATEGORÍA  A 

1.º premio. Sofía Piñeiro Chaves

2.º premio.  Sabrina Dantas Iglesias

3.º premio.  Darío Viña Pérez

CATEGORÍA  B

1.º premio. David Fariña Silvoso "Os contos do avó"

2.º premio. Andrea Pintado Mata "A miña avoa" (CRA Boqueixón-Vedra)

3.º premio. Nicolás Chas Curros "Invisible" (CRA Boqueixón-Vedra)

CATEGORÍA  C

1.º premio.  Lucía Chas Curros "Os avós non menten"

2.º premio. Paula García Villar "Rafael"

3.º premio. Iria Doce Mareque "O meu avó non é un covarde"

Accésit. Brais Otero Pereira "A miña avoa"

CATEGORÍA  D

1.º premio. Alba Graña Rodríguez "Da man da miña avoa"

2.º premio.  Irea Sanín Segade "As chamas de lume"

3.º premio.  Paula Vázquez Gómez "A corrente de recordos"

CATEGORÍA  E

1.º premio. Elvira Gestoso Muíños "Historia real de Generoso e Manuela".

PARABÉNS PARA TODOS/AS!

Todas as fotos aquí: https://photos.app.goo.gl/QziurrWrXWijHYBX8

O mércores día 5 de maio, o alumnado de  3º ESO A realizou o treito da Vía da Prata entre A Ponte Ulla e a capela do Santiaguiño en San Pedro de Vilanova.  Á parte de percorrer este treito dun dos camiños de Santiago ao seu paso por terras de Vedra realizaron un gran xogo ao longo de toda a ruta. A actividade baseábase en percorrer uns 6 km da Vía da Prata mirando a paisaxe, escoitando a natureza, tocando distintas realidades, respirando e ulindo os elementos naturais que ían atopando e, sobre todo, sentindo o significado do Camiño. Ao final, todos os participantes recibiron un documento que acreditaba a participación e superación das diferentes trabas e obstáculos cos que bateron ao longo da andaina.

Xulia Marqués (Coordinadora)

Ver imaxes