Celebracións

O xoves 16 de maio vimo s de celebrar no CPI Plurilingüe de Vedra o Día das Letras Galegas. Por mor do mal tempo tivemos que cancelar a comida no exterior, pero mantivemos o resto de actividades: xogos populares, música tradicional, actuacións do alumnado para festexar a nosa lingua...

Velaquí tedes unha crónica gráfica:

https://photos.app.goo.gl/mqbDDjqbhzRoRD2r6

O venres 1 de marzo vimos de celebrar o entroido no noso CPI. O alumnado de infantil e primaria disfrazuose seguindo o proxecto do centro "O bosque", mentres que o alumnado de Secundaria reproducíu o entroido tradicional da Ulla. Aquí algunhas fotos:

Entroido CPI Vedra 2019.

Achegamos enlace ás primeiras fotos da celebración do Antroido que tivo lugar o venres día 9 no noso centro. Pola condicións meteorolóxicas non se puido celebrar o tradicional desfile polas rúas próximas. O acto tivo lugar no pavillón municipal que estivo abarrotado de público.

As comparsas estiveron centradas na temática común de Músicas de sempre e traxes alusivos.

Ver fotos +

Video montaxe con todas as actuacións 

O CPI Plurilingüe de Vedra celebrou o pasado luns, 30 de xaneiro, o día da Paz e a Non Violencia. O acto artellouse en torno a "Sadako e as mil grúas", lenda xaponesa que di que se fas mil grúas de origami podes pedir un desexo. Entre todo o alumnado do centro elaboráronse mil grúas que se colgaron no patio cun cartel alusivo. Ademais cantouse unha canción de temática relativa as actitudes conciliadoras e pacifistas, complementando a posta en práctica do programa "Apadriñamento lector" dos alumnos maiores aos máis cativos.

Ver fotos +

Entrega de premios do concurso de microrrelatos de medo Arrepíos e outros medos

O xoves pasado, aproveitando que estabamos a celebrar o Magosto, todos xuntos e de festa, entregamos os galardóns aos mellores escritores de relatos breves que participaron no concurso.

Estes foron os gañadores:

1.º ESO.CLAUDIA GUIANCE -"Silencio"

2.º ESO.MARIÑA CORTÉS- “Cando cae a noite”

3.º ESO. DAVID FREIRE- "Rutinas"

4.º ESO. LAURA CERNADAS "O xogo"

O EDLG, que promove o certame, quere felicitar aos alumnos premiados e animalos a seguir escribindo na nosa lingua. Unha maneira de honrala e de honrarnos.