C.P.I. Plurilingüe Eusebio Lorenzo Baleirón

Desde o xoves 10 ao sábado 12 de marzo tivemos o privilexio de poder asistir ao Encontro Internacional AGEND-ARTE 2030 organizado pola Fundación Yehudi Menuhin. A profe Jose asistiu en representación do CPIP Lorenzo Baleirón a este encontro celebrado na residencia La Cristalera en Miraflores de la Sierra-Madrid. Ao longo destes días de participación en intercambios e obradoiros con alumnado,compañeir@s docentes, artistas de diferentes Comunidades Autónomas, e representantes de Alemania, Bélxica, Hungría, Italia e Portugal traballamos a relación entre a arte, a creatividade e a expresión co crecemento e o desenvolvemento persoal, grupal e comunitario, coa integración e a creación de vínculos sociais.

Velaquí algúns momentos de creación e participación en dinámicas activas que invitan á reflexión.

Danzas, medios audiovisuais, microproxectos solidarios, obradoiros de plástica e titoriais de boas prácticas aos que puidemos acceder grazas á nosa reciente incorporación ao programa MUS-E no que nos iniciamos con ilusión e con moitas gañas de poder mellorar a nosa acción e educación.

Podedes ver máis info no seguinte enlace .

Hoxe conmemoramos o 8M realizando varias actividades.

A exposición no corredor de secundaria correu a cargo do alumnado de Tecnoloxía de 4º de ESO. A elaboración e a presentación no propio corredor:

Unha vez colocada dita exposición, o resto dos compañeir@s de secundaria fixeron unha lectura de textos de autoras famosas seleccionados polos alumnos e alumnas de 4º e abriuse a posibilidade de colocar novos textos ao longo desta semana.

GALERÍA DE FOTOS

O alumnado de primaria e de 1º de ESO tamén realizou unha moi interesante actividade para conmemorar este Día da Muller. Os alumnos e alumnas escribiron cartas a aquelas mulleres importantes nas súas vidas que foron enviadas por correo ordinario e que serán recibidas polas súas destinatarias nos vindeiros días.

 O concello de Dodro tamén fixo a súa aportación a esta comunidade educativa para apoiar a conmemoración deste importante día. Regalou a todo o alumnado de primaria un exemplar de "Os Bolechas" editado expresamente para esta data.

Grazas pola vosa colaboración!!!

Este curso, seguindo o criterio doutros anos, celebramos o Entroido coa temática do proxecto de centro que, como xa sabedes, ten como tema central o corpo humano, as consignas do Meco foron as seguintes: o mércores “Para que a festa sexa rachada, trae posta na cabeza algunha pallasada” e o xoves “E para que a festa sexa bestial, saca no resto do corpo o teu animal”....o venres non faremos o pasarrúas nen degustación de produtos típicos destas datas pero para paliar un pouco a agonía desta pandemia vimos disfrazados de  “O que che pida o corpo”....e a desfrutar!!.

ANIMALADA EN 5º

O venres celebramos o festival do Entroido. Cada un veu co que o corpo lle pediu. Houbo de todo.....

O concurso de disfrces deixou varios gañadores....

Pablo e Catuxa

Pepa

Álex e Samuel

Lois e Dani

FOTOS DO FESTIVAL

VÍDEOS

O alumnado de 6º confeccionou unhas máscaras típicas do entroido da zona de Verín:

O Meco deste ano correu a cargo do alumnado de 3º de ESO B e este foi o resultado:

Momento da creación..

FOTOS DA ELABORACIÓN DO MECO

Despois do festival e do concurso, queimamos , como vén sendo tradición, ao noso Meco...os encargados de poñerlle lume forn os de 4º de ESO:

O 25 de xaneiro de 2022 o noso poeta dodrense cumpliría 60 anos. A páxina de O Noso Eusebio recolle o traballo do equipo de Dianmización Lingüística sobre esta sinalada data...

O NOSO EUSEBIO

Desexamos ás familias e  a toda a comunidade educativa un moi Bo Nadal e que estas festas aporten felicidade e saúde.

Lembren que as clases reanudaranse o luns día 10 de xaneiro.

O noso centro súmase aos actos contra a violencia contra as mulleres coa elaboración dunha figura e a utilización de fragmentos dun poema de Eusebio Lorenzo Baleirón que expresa o sentir da nosa comunidade educativa fronte aos aínda non erradicados comportamentos de maltrato contra as mulleres.

Eu serei nesta hora

esa Ariadna que voa.

[...]

O meu ser ten a forma do meu

pensamento

e desexo envellecer aquí

e non dar co final do novelo.

Esta é a condena que pesa sobre min.

Non quero ser salvada.

O alumnado de 4º de ESO foi o encargado de construir a figura da nosa "Ariadna" e de presentar o acto coa lectura do poema de Eusebio, unha explicación sobre o mito de Ariadna e unha explicación de sobre a necesidade de sensibilizar ao respecto destas situacións de violencia machista. A actividade conmemorativa consistiu no traballo por aula, tras unha seria reflexión, dunha palabra que poidese ser un "lastre" para o bo da nosa figura de tal xeito que, unha vez cortados os fíos que retiñan a Ariadna, esta poidera voar libre, sen ataduras....

O alumnado de segundo de primaria leu un fermoso manifesto  a favor da muller..

Finalmente, o alumnado de 1º de primaria cortou o último fío ...........e Ariadna voou libre!

 Ademais, o alumnado e profesorado de nova incorporación ao centro, cruzou, coma cada curso, a nosa porta violeta

Ao lado da porta violeta tamén onde tamén repousará Ariadna  unha tempada para lembrarnos que esta non é unha loita dun so día

FOTOS DA ELABORACIÓN DA FIGURA

GALERÍA DE FOTOS DO ACTO

VÍDEOS DO ACTO

GALERÍA DE FOTOS DO ALUMNADO E PROFESORADO NOVO CRUZANDO A PORTA VIOLETA

FOTOS DE ARIADNA XUNTO Á PORTA VIOLETA

ENLACE AO FACEBOOK O NOSO EUSEBIO

Este curso, igual que o pasado, a pandemia impídenos desfrutar completamente do Samagosto. Non haberá castañas nen chourizos pero sí celebraremos o Samaín coa tradicional exposición de preciosas cabazas decoradas polo alumnado de primaria e tamén cun desfile-concurso organizado para todo o alumnado do centro no que un tribunal composto por profesorado do cole valorará  a creatividade literaria do alumnado á hora de elaborar un poema de Rosalía de Castro que reflectirá os nosos medos na forma dunha " negra sombra"......

Haberá varias categorías de premios en función dos diferentes niveis, aínda que o agasallo máis importante será poder desfrutar dunha actividade diferente e divertida.

Unha pequena mostra do que xa se está a facer.

GALERÍA FOTOS

HABERÁ MÁIS, MOITO MÁIS........

Pois nada, xa celebramos , e agora toca compartir a nova con toda a nosa comunidade.

Houbo desfile de sombras e moitos disfraces fabulosos. Tamén concurso e gañadores. Aquí tedes unha mostra:

Alumnado e profesorado portaron as súas "negras sombras" sobre as que reflectiron os seus propios medos.

O concurso agasallou os textos máis orixinais. Incluso os houbo escritos na linguaxe de signos...

...e con pictos. Inclusivos que somos.

 O xurado deliberou moito...

......e, finalmente, os gañadores do concurso de poemas "negar sombra" foron:

PRIMARIA

O grupo de 1º

O grupo de 4º

O grupo de 5º

SECUNDARIA:

O primeiro premio foi para Manuel Boullón de 2º de ESO e o segundo premio para Naiara Vidal de 3º B.

NORABOA A TOD@S OS PARTICIPANTES E GAÑADORES!!!

UNha vez rematado o concurso, o alumnado de secundaria desfrutou das historias contadas polo noso sempre ben recibido Quico Cadaval. Grazas Quico pola túa presencia e por amenizar esta última etapa do noso Samaín.

Tamén houbo outras actividades realcionadas co Samaín. O alumnado de 1.° e 2.° de primaria realizou un terrorífico obradoiro de cociña. Elaborou receitas que metían medo; pero estaban ben saborosas. Fixeron vasoiras con queixo, arañas e mouchos con galletas.

GALERÍA DE FOTOS DA ACTIVIDADE DE 1º E 2º

ENLACE A "O NOSO EUSEBIO"

GALERÍA DE FOTOS

Aproveitamos a sesión de EF para recibir a Finso, adestrador do clube Río Ulla de Pontecesures, que nos presentou este deporte e nos anima a practicalo no noso tempo de lecer.

Velaquí unhas imaxes de 5º de Primaria e 2º de ESO:

O venres volverán para presentar a actividade aos grupos de 1º ESO e 6º Primaria.

 Deixamos o contacto e animámosvos a que probedes. TODOS A PRACTICAR BALONCESTO!

O CPI de Dodro deu a benvida aos Novos alumnos chegados do CRA que xa deixaron a súa pegada no centro. Os máis pequechos mostraron moita disposición e ánimo para decorar a porta da aula coas formas das súas mans....coidamos que sí han deixar pegada no seu novo centro.

BENVIDOS!!!

O VINDEIRO LUNS DÍA 13 DE SETEMBRO O CENTRO PERMACERÁ PECHADO POR SER FESTIVO LOCAL.

Desculpen as molestias.