C.P.I. Plurilingüe Eusebio Lorenzo Baleirón

No día de hoxe realizamos unha actividade colaborativa co alumnado de primaria e de secundaria.

Onte, o alumnado de 3º de ESO cavou uns ocos no patio para que os pequenos de 3º de primaria poideran prantar unhas Physalis que, esperemos, crezan fortes e fermosas.

O alumnado  de primaria esmerouse ben á hora de facer a prantación

Unha vez rematada a prantación, un alumno de 2º de ESO colocou unhas estacas para marcar o lugar onde as prantas medrarán. Estas prantiñas foron tratadas con abono e terra mercados para esta ocasión. Os encargados de abonar foron os alumnos/as de 6º

Tamén, o alumnado de 3º e 2º de ESO realizou o transplante de árbores que foran sementadas hai tres anos e que, de seguiren medrando, será prantadas no monte coa colaboración dasComunidades de Montes do concello e a participación do alumnado da etapa de primaria....

...e a reparación da rede de sombreado que evitará que as árbores se deterioren co sol

No medio da faena tivemos unha inesperada visita...

GALERÍA FOTOS EP

GALERÍA PREPARACIÓN OCOS

GALERÍA TRASPLANTE ÁRBORES

GALERÍA COLOCACIÓN ESTACAS

Xa somos oficialmente CIENTÍFICOS e CIENTÍFICAS. 

Hoxe fixemos un experimento sobre as mesturas homoxéneas e as cores, mesturando contidos de plástica, CCNN e Matemáticas! Ademais, cada grupo ten o seu caderno de experimentos onde vai apuntando o tema, materiais, hipótese, pasos, conclusións... 

Sen máis espera, aquí fotos!

Onte o alumnado de 5º e hoxe o de 3º fixemos unha andaina polas Brañas co obxectivo de coñecer o entorno que rodea o noso cole, aprender a diferenciar diferentes especies vexetais e animais ao mesmo tempo que practicamos deporte.

Ao longo do percorrido puidemos observar plantas e árbores autóctonos e tamén especies invasoras e aprendemos algunhas curiosidades que non sabiamos. Tamén fomos conscientes do impacto ambiental que ocasionamos coa construción das estradas, as liñas eléctricas, os residuos vertidos,... e colaboramos na súa recollida, co cal deixamos as brañas un pouco máis limpas. Houbo tempo para merendar e xogar un ratiño no parque do Bosque, para ver, escoitar, ulir e conectar emocionalmente coa terra e os seres vivos.

E o máis importante: vimos o valor que ten coñecer, coidar e respectar a natureza que nos rodea e transmitir a tod@s ese coidado e respecto.

GALERÍA FOTOS

Hoxe, o noso gatiño do cole, apareceu ferido. Tiña unha pata rota e unha ferida nun ollo. Chamamos ao veterinario que veu por el e comentounos que recibira varios balinazos. Nas imaxes pódense ver os perdigóns aloxados no corpo do animaliño, de feito, un deles, xa é antigo e non se lle vai extirpar. Serán os veterinarios de Padrón os encargados de atendelo.

Xente desalmada e sen escrúpulos que cre ser superior e adícase a maltratar aos animais. A súa actuación será denunciada e esperamos que reciba unha seria sanción.

Aquí podedes ver as fotos:

O profesorado fixo unha colecta para poder asumir o custo da operación na que se procederá, de paso, a esterilizalo e, unha vez recuperado, procuraráselle unha casa de adopción para que poida pasar os anos que lle queden nun lugar seguro onde reciba cariño e os coidados que todo animal merece.

NOVAS SOBRE O TEMA:

Hoxe, día 25 de marzo, tres días despois do ataque ao noso Mon, o SEPRONA púxose en contacto co centro para abrir unha insvestigación ao respecto do acontecido. Tamén chamaron un par de persoas interesándose pola adopción do gatiño e unha máis para aportar un donativo. A esta última se lel comentpu que nós, como centro, non admitimos este tipo de doazóns pero que sí pode doar nalgún refuxio de animais que están moi necesitados.

O noso gatiño evoluciona ben. Estará hospitalizado uns días máis para ver como responde á operación e seguiremos en contacto coa clínica á espera de máis novas.

MIL GRAZAS a todas estas boas persoas que demostran unha sensibilidade e amor polos animais e tentar axudar do xeito que poden. Agradecidos todos, profesorado e alumnado.

MÁIS NOVAS:

O noso Mon Chéri vai evolucionando moi ben. Este venres, día 9 de abril, faranlle unha placa para saber se o óso soldou e, no caso de que así sexa, podería estar listo para marchar coa súa familia de adopción

No enlace podedes ver un vídeo da súa recuperación:

VÍDEO

ACTUALIZACIÓN DA NOVA:

A evolución do noso michiño continúa aínda que algo máis lenta do esperado. Estamos á espera de que recupere por completo e poida ser entregado á familia adoptante. Iremos informando.

NOVA ACTUALIZACIÓN :

O venres pasado visitamos ao noso Mon Chéri na clínica veterinaria. Estaba alí para facer unha revisión con radiografías da pata.  Atópase ben aínda que a fractura da patiña segue  a dar algo a lata.  Quedou, finalmente, sen vista no ollo afectado pero non chegou a perdelo.

Na foto podedes velo con cariña de sono xa que tiveron que aplicarlle unha lixeira sedación para poder manipulalo sen que sinta dor.

Este curso, coma en cursos anteriores, o Departamento de Matemáticas organiza co alumnado de secundaria o concurso de Poesía Matemática.  Xa imos pola VIII edición  e segue  a ser un éxito entre o alumnado.

Tamén coma sempre, os concurso ten como temática a escollida para o proxecto de centro que, como xa sabemos, este ano versa sobre as  emocións e forma parte do noso proxecto de centro " PERSENSAMOS DODRO".

Os gañadores deste ano son:

1º PREMIO     “Tristeza”   XIÁN RIAL 2º ESO B       (foto nº 2)

2º PREMIO      “A soidade ,tempos de pandemia”    ANTÍA OTERO 3º ESO A      (foto nº 19)

3º PREMIO      “Coordenadas perdidas no Mediterráneo”     ALBA ROMERO 4º ESO       ( foto nº 27)

NORABOA A TOD@s !!!...e noraboa tamén pola calidade das fotografías, realmente houbo varias que nos entusiasmaron, pero só podía ser tres as premiadas.

Antes das vacacións teredes os vosos agasallos!

Nos enlaces podedes ver as bases do concuros, a listaxe de participantes,e as fotos presentadas:

LISTAXE DE PARTICIPANTES

FOTOS CONCURSANTES

E a foto dos gañadores unha vez recibiron o agasallo...aínda que non se aprecie por levaren máscara, están sorrindo

Un día de sol estupendo anima a saír a coidar a natureza.

Hoxe pola mañá @s nen@s de 3º puxemos a punto a nosa hortiña. Sachamos, arrancamos as malas herbas, coidamos as cenorias que tiñamos sementadas e plantamos remolacha, allo porro e máis plantas de amorodos porque somos moi lambonciños.

GALERÍA DE FOTOS

Conmemoramos o 8M coa realización dun pequeno mural no corredor das aulas de secundaria.

Foi obra do alumnado de 3º de ESO voluntario de biblioteca.O resto do alumnado colaborará escribindo consignas nas pancartas en branco.

Con este traballo tentamos reivindicar o rol da muller na sociedade, á espera de que esta sexa , cada vez , máis igualitaria.

GALERÍA FOTOS

GALERÍA FOTOS II

O alumnado de 6º fixo ademais un traballo sobre a muller na historia que mostra unha liña de tempo con diferentes figuras femininas de renome:

GALERÍA DE FOTOS

 O alumnado de 5º elaborou unha exposición  na que se recolle a historia das profesións das mulleres do seu entorno familiar e veciñal:

GALERÍA FOTOS

Tamén se organizou un concurso de microrrelatos co alumnado de ESO relacionado con esta conmemoración. A información sobre o concurso son as seguintes e poden ser tamén consultadas no Faceboook de " O Noso Eusebio" ( https://www.facebook.com/100016566017465/posts/868128847082641/ )

Empezamos a ver resultados! Mirade que ravos tan estupendos e que brocoli máis fermoso!

Para a semana faremos a degustación da nosa colleita. Xa vos contaremos. Non vos mete cobiza?

Para conmemorar o Día de Rosalía organizamos varias actividades.

Unha delas foi a elaboración de pequenos libros con poemas escritos polo alumnado do centro e baseados nos da nosa autora galega á que se lle adica o día 24 de febreiro. Estas marabillas foron expostas no patio de primaria baixo as tellas de Rosalía.

Cos poemas elaborouse un vídeo no que podemos ver ao noso alumnado recitando os poemas.

VÍDEO RECITADO POEMAS

Tamén tivemos o pracer de escoitar unha muiñeira e unha laborada interpretada por un grupo de alumnos e alumnas de primaria e de secundaria. Sumámonos con isto á iniciativa de "Alboradas a Rosalía" organizada pola Fundación Rosalía de Castro ( máis información sobre a actividdae da Fundación no enlace https://rosalia.gal/que-facemos/proxectos/alboradas-a-rosalia/ ).

VÍDEOS

FOTOS

Tamén podedes acceder ao Facebook de "O Noso Eusebio" no enlace:

FACEBOOK O NOSO EUSEBIO

Hoxe, o alumnado de 1º de primaria visitou a biblioteca. Previamente recibiron unha invitación personalizada....

Os seus compañeiros de 3º de ESO foron os encargados de elaborar o mural onde, unha vez realizada a visita, os pequenos expresarían as súas emocións ao respecto da mesma.

A experiencia foi moi positiva xa que aprenderon a realizar procuras de libros e as normas da nosa biblio.

Esperamos que, a partires de agora, utilicen moito o servizo da biblioteca e desfruten da grande variedade de títulos que nela temos!!

GALERÍA DE FOTOS