Benvida

Benvidos ao

IES CASTRO ALOBRE

R/ San Roque 25 -   Código postal: 36600 - Vilagarcía de Arousa (Pontevedra)

 Tf: 986501000  -  Fax: 986501285  -  email: ies.castroalobre.vilagarcia@edu.xunta.es

 

 

 


III ENCONTRO DE CENTROS PARA UNHA CONVIVENCIA POSITIVA NO IES CASTRO ALOBRE

 

EXITOSO III ENCONTRO DE CENTROS PARA UNHA CONVIVENCIA POSITIVA NO IES CASTRO ALOBRE

A pasada fin de semana, venres 17 e sábado 18 de abril, tivo lugar no noso centro o III Encontro de Centros para unha Convivencia Positiva, que este ano se centrou na COEDUCACIÓN. Nel participaron máis de 20 centros de ensino de toda Galicia. Entre alumnado, profesorado e familias, foron 160 persoas as que pasaron polo noso centro para asistir a obradoiros, charlas ou dinámicas como un Open Space ou un World Café.

Gustarianos agradecer ao alumnado mediador, ao profesorado do grupo de convivencia, ao persoal non docente e ao equipo directivo todo o traballo desenvolvido para a realización deste III Encontro. Sen o seu apoio e colaboración, non se tería acadado o éxito recoñecido polos centros asistentes.

Pincha sobre a foto para acceder á galería de imaxes


 

 


 

Lugo: entre os contos de terror e a Galicia imperial

 

 

Os departamentos de Lingua Galega e Ciencias Sociais organizaron unha saída a Lugo para todos os alumnos de 1º de ESO. Como somos tantos, tivemos que repartirnos: os de B, C e D irán o martes 21 de abril, pero os de A, E e F xa nos adiantamos unha semana!

Pola mañá estivemos na cidade e dividímonos en dous grupos: mentres un ía ao Museo, o outro visitaba a cidade. Vimos a catedral e o máis importante da parte vella, pero o máis interesante foi o paseo pola Muralla Romana... aínda que non todos foron capaces de percorrela completa! No Museo, organizáronnos unha competición de preguntas sobre o libro de medo que lemos no segundo trimestre, así que tivemos que percorrer unha chea de salas nós sós. E ata houbo premio para o grupo gañador! Alí había de todo: cadros, restos castrexos, un descomunal mosaico romano, moedas, unha cociña tradicional... Menos mal que non nos saíu ningún dos espectros nin asasinos do libro, a pesar de que algúns puidemos entrar en zonas prohibidas.

Á tarde, despois de comer e descansar as pernas da camiñada pola Muralla, o autobús levounos ao castro de Viladonga, onde nos puxeron un vídeo breve e despois nos levaron a unha visita guiada polos restos arqueolóxicos escavados. Subimos ao alto dos muros defensivos e andamos entre as vivendas do recinto fortificado. Ah, e tamén tivemos que facer outro caderniño no centro de interpretación para levarlle á profe de Sociais.

 

III Encontro para unha Convivencia Positiva

III Encontro para unha Convivencia Positiva

III Encontro para unha Convivencia Positiva

Charlas ciclos formativos