Inicio » Eventos

Eventos

Select event terms to filter by
Select event type to filter by
Luns Novembro 20, 2023
(story)
CHEGOU AOS NOSOS OÍDOS...: Xesús Fraga, comisario da exposición «As xeracións do Monserrat. Memoria emocional da emigración galega ao Reino Unido».
Start: 20/11/2023 20:01
   Mañá martes 21 de novembro será inaugurada no Kiosco Alfonso da Coruña a mostra As xeracións do Monserrat. Memoria emocional da emigración galega ao Reino Unido. 
   A exposición, organizada polo Consello da Cultura Galega (CCG), coa colaboración do Concello da Coruña e da Xunta de Galicia, conta co escritor e xornalista Xesús Fraga como comisario deste proxecto, que relata, a través de obxectos e outros documentos, as historias dos seus protagonistas.
   O Montserrat e o seu xemelgo Begoña foron dous barcos da compañía transatlántica que fixeron as travesías entre Galicia e o Reino Unido. Entre 1960 e 1974 viaxaron, seguindo este traxecto, uns 240.000 galegos e galegas. 
 
   O primeiro dos barcos dálle nome á exposición, que traza, desde outro punto de vista, un dos fluxos migratorios menos visibilizados da emigración galega. 
   Fotografías, filmacións, documentos e obxectos náuticos e cotiáns, e outros materiais, permiten  contar as peripecias vitais dos viaxeiros que arribaron, as veces en travesías de ida e volta, en portos galegos e británicos.
   É a memoria emocional de varias xeracións que cambiaron o rumbo das súas vidas e, con elas, tamén o do seu país. 
 
   A mostra estará aberta ata o día 14 de xaneiro.
Martes Novembro 21, 2023
(event)
Iniciación segura á pegada dixital e ás redes sociais

Alumnado de Educación Dixital de 3º da ESO participa nun obradoiro organizado pola Dirección Xeral de Ordenación e Innovación Educativa, co obxectivo de capacitalos no uso seguro, responsable e proveitoso das Tecnoloxías da Información e a Comunicación (TIC).

(event)
2ª Reunión Viaxe a Andorra
Start: 21/11/2023 17:15

 

Unha vez recibidas todas as solicitudes de participación na viaxe á neve (Andorra) de alumnado de 3º da ESO, convócase aos proxenitores a unha segunda reunión para revisar a información e aclarar dúbidas.

 

 

(event)
Colaboración co CEIP Vales Villamarín: CURTAS MUSICADAS

Hoxe será a primeira de 5 sesións nas que o alumnado de Música de 4º da ESO de Alba Alonso acollerá a diferentes clases de infantil do CEIP Vales Villamarín e lles amosará o seu traballo: o musicado dunha curta!

Ao final de cada sesión, serán os pequenos e pequenas os que farán iso mesmo, con instrumentos sinxelos de percusión.

O lugar elixido, a biblioteca!

@bescolaresgal

Mércores Novembro 22, 2023
(event)
Plan Director: Violencia sobre a Muller

Plan Director para a convivencia e a mellora da seguridade nos centros educativos

Dentro deste plan, impulsado desde a Delegación do Goberno en Galicia e a Alta Inspección de Educación, alumnado de 3º da ESO asiste a charlas sobre a Violencia sobre a Muller.

Venres Novembro 24, 2023
(event)
XOGADE

O IES Francisco Aguiar presentou equipo feminino e masculino en categoría cadete (2009-2010) para participar no Cross. Ambos os dous equipos clasificáronse para a fase provincial, que se disputará en Noia no mes de marzo. Os vencedores da proba foron Xiana Seijo e Ángel López. Parabéns!

(event)
Gran Recollida de Alimentos

Voluntarios e voluntarias do IES Francisco Aguiar participan na Gran Recollida solidaria organizada polo Banco de Alimentos Rías Altas no Mercadona de Betanzos.

 

Sábado Novembro 25, 2023
(event)
25N - Aguiar en negro 2023

O venres, alumnado e profesorado do noso centro vestiu de negro para amosar a súa repulsa ante a violencia contra a muller.

Traballemos xuntas por un entorno onde todas poidamos vivir libres de violencias machistas!

 

 Máis fotos pinchando na imaxe

  
Domingo Novembro 26, 2023
(story)
ENCONTRO CON BRAIS LAMELA
Start: 26/11/2023 09:48
 
 
Cando o lector de Ninguén queda remata o preámbulo da obra, xa queda advertido da singularidade da peza. Esta é a ladaína: Barcela, A Barqueira, Colomba, Lorizo, Pena de Nogueira. Os nomes das aldeas asolagadas: os abelorios dun rosario que alguén deixou durmido, sobre as sabas revoltas da cama sen fazer dun estudante estranxeiro.
 
Traspasado en silencio o limiar, o barullo das moitas voces da cidade de Nova York, o estrondo do tráfico, e mesmo o estremecemento dos edificios sostidos por andamios voluntariosos, envisgan a melodía do Allegro deconstruído dunha Raphsodia in blue, pulsada, na boca do metro, polo clarinetista que espera xuntar as moedas necesarias para pillar algo no Deli.
 
Arthur Tannenbaum existe. As cidades bombardeadas, lamentablemente, tamén existen. A memoria esnaquizada dos desposuídos, dos exiliados, merece ser preservada, reconstruída, na procura da xusticia, ou cando menos, para alivio do loito, porque «as cousas teñen o seu sitio e cando as cambias de lugar, poden aguantar pero o máis seguro é que non dean aguantado».
 
E a continuación, o estudante retornado se deixa acompañar na súa viaxe a Ernes polo Lamento de Marcial del Adalid. A serenidade que ofrece o Largo non deixa de suliñar unha evidencia: a muller fotografada por Ulric Benman non é outra que Leonita Portela. No faiado da casa comunitaria pelexa coa couza o museo etnográfico de Ernes.
 
Esa e a melodía que atravesa Os que marchan e Os que volven. 
 
E así quedamos nós, os netos dos famentos comedores de patacas, os fillos da clase media, esperando a que o rider chegue axiña á casa co noso pedido: dous ou tres cartóns de pringles cos que contentar a nosa bulímica cegueira.
 
Ou non...
 
Porque cando no fío musical de calquera ascensor da cidade de Nova York asome A house is not a home, Brais Lamela deberá recordar as sabias palabras de Blas Lamela: «...ti sempre dis non queda ninguén ou non queda nada pero algunha cousa paréceme a min que queda».
 
Francisco Rodríguez Coloma [Texto]
&
 Ana Tomé [Fotografías]
(story)
HORA DE LER
Start: 26/11/2023 12:17

Chaves que abren portas. 

Atravesar o limiar lendo a Yolanda Castaño ou a María Dueñas para acubillarmos ao abrigo das súas palabras.

Luns Novembro 27, 2023
(event)
Saída polo Betanzos Medieval

O alumnado de música bilngüe de 3º da ESO percorreu o Betanzos medieval acompañado da súa profesora, María Pazos.

Martes Novembro 28, 2023
(event)
Visita guiada polo Porto da Coruña

O alumnado de 2º do Ciclo Superior e o de Empresa e Deseño de Negocio de 2º de Bacharelato fixeron unha visita guiada polo Porto da Coruña.

Mércores Novembro 29, 2023
(event)
Repensando a sexualidade

Obradoiro sobre igualdade ofertado polo Concello de Betanzos, co gallo do 25N.

Domingo Decembro 03, 2023
(story)
HORA DE LER
Start: 03/12/2023 14:16

Ao compás dos ventos de decembro, caen as follas das árbores... 

A mirada que repara na ringleira de letras leva ao lector a pasar páxina cando chega ao punto final.

Mais nós sabemos que a lectura non ten fin..

Martes Decembro 05, 2023
(event)
Visita ao Mercadona

O alumnado de 2º do Ciclo Superior fixo unha visita ao Mercadona, para aprender como funciona unha grande superficie.

Sábado Decembro 09, 2023
(story)
HORA DE LER
Start: 09/12/2023 22:00

 

Que á calor da lareira recobren vida as travesas da tarima. 

O soño da madeira: volver a ser árbore. 

Aprenderemos iso, e tantas cousas máis, lendo os relatos de Lina Meruane e Carlos Casares. 

O poder da palabra. 

Martes Decembro 12, 2023
(event)
Visita polo Betanzos Medieval

O alumnado de 3º ESOE realiza unha visita polo Betanzos Medieval, acompañados pola súa profesora de música, María Pazos.

Mércores Decembro 13, 2023
(event)
Obradoiro de Danza

O alumnado de Linguaxe e Práctica Musical de 1º de Bacharelato gozou dun obradoiro de danza impartido pola compañía Exire, dentro dun programa ofertado polo concello de Betanzos.

(event)
Visita a Sta. María do Azougue

O alumnado de Historia da Arte de 2º BAC D visita Sta. María do Azougue, guiados por Julián Ferrer, exprofesor do noso instituto e voluntario na igrexa.

Xoves Decembro 14, 2023
(event)
Visita a Sta. María do Azougue

O alumnado de Historia da Arte de 2º BAC C visita Sta. María do Azougue, guiados por Julián Ferrer, exprofesor do noso instituto e voluntario na igrexa.

 

 

 

 

(event)
Cinema in English

O alumnado de 1º da ESO foi ao Teatro Alfonsetti a ver unha película en inglés subtitulada en español. A actividade, organizada polo departamento de inglés, tenta poñer en valor este tipo de visionado, xa que é unha maneira sinxela de afacer o oído aos sons estranxeiros e aprender vocabulario.

(event)
Visita a Maruxas de Nata

O departamento do Ciclo Superior organizou unha nova visita empresarial. Desta volta, á empresa Maruxas de Nata, en San Sadurniño.

Domingo Decembro 17, 2023
(story)
HORA DE LER
Start: 17/12/2023 09:32

 



 
Chegamos, ben abrigadiños, ao solsticio de inverno.
E, «por no hacer mudanza en su costumbre», cumprimos a tradición de rememorar as tradicións lendo a Paul Auster, Hans Christian Andersen, Rafael Dieste ou unha antoloxía de microrrelatos, pregando, iso si, que non suceda o augurio de Giselle Aronson.
 **********

SUPUESTO  

   
   —Soy Papá Noel. ¡Créanme! ¡Soy Papá Noel!— gritaba el hombre vestido acorde a sus declaraciones desgañitadas. En vano intentaba zafar de los inclementes enfermeros de la Clínica Psiquiátrica Municipal, quienes estaban acostumbrados a maniatar y escuchar alaridos. A ellos ya no les sorprendían los supuestos Napoleones, los Bill Gates ficticios, las pretendidas Marilyn Monroe, tampoco los autoproclamados asesinos de Gandhi. Era de esperar que esa Nochebuena apareciera quien se crea Santa Claus.
   Lo que sí asombró al personal del neuropsiquiátrico fue escuchar en los noticieros, en la mañana del 25, que esa noche ningún niño del planeta había recibido su regalo.
 
Giselle Aronson

 

Luns Decembro 18, 2023
(event)
Rocódromo- 2º ESO

O alumnado de 2º ESO B e C foi ao rocódromo de Lugo, nunha actividade organizada polo Departamento de Educación Física, dentro do Proxecto de Vida Activa e Deportiva no que participa.

(event)
Obra de teatro: Antígona

Alumnado de Cultura Clásica de 3º e 4º e de Latín e Grego de 4º, 1º Bac e 2º Bac, BAC1-Latín e grego, BAC2-Latín e grego, acudrion a ver a obra de teatro Antígona na sala Xulio Cuns. A obra de Sófocles foi adaptada por J. R. Martin e representada pola Casa de Castilla la Mancha.

 


Martes Decembro 19, 2023
(event)
Xogade - Fútbol Feminino

Varias alumnas de 1º, 2º e 3º da ESO participan no Xogade de Fútbol Feminino, dentro do Plan de Vida Activa e Deportiva (Plan Proxecta) no que traballa o departamento de Educación Física.

(event)
Campionato mixto de voleibol

O alumnado de 1º de Bacharelato participou nun campionato de voleibol que se enmarca dentro do Plan de Vida Activa e Deportiva (Plan Proxecta) no que participa o departamento de Educación Física.

Mércores Decembro 20, 2023
(event)
Obradoiro Mediación - Concello de Betanzos

Alumnado que forma parte do grupo de Mediación do noso instituto participa, xunto con mediadores do IES As Mariñas, nun obradoiro no Espazo Xove de Betanzos organizado por Aventeira.

Add to iCalendar
Distribuir contido