Acabamos de recibir as fotos e os vídeos da xornada do proxecto Enxeño realizada en Vigo á que asistíu alumnado de 2º de E.S.O. A xornada consistía en montar, programar e probar robots co paquete Lego Mindstorms.

Se pinchas en Ler máis podes ver un vídeo da actividade.

O venres 6 de febreiro ás 12,30 a Biblioteca do IES Laxeiro organiza unha seión de contacontos con José Luis Gutiérrez "Guti" que nos traerá unha selección de romances populares das terras de Sanabria. 

Un equipo do IES Laxeiro participou do 29 de xaneiro ao 1 de febreiro na II Liga Galega de Debate.

O equipo estaba formado polos alumnos de 1º BAC: Fátima Mosteiro, José
Manuel Poza, Sonia Reboredo e Marcos Vilas, coordinados polo profesor
Manuel Igrexas. 

Como xa ven sendo tradicional, o pasado xoves 22 de xaneiro de 2009 o alumnado de 1º de Bacharelato da modalidade  de Ciencias e Tecnoloxía visitou o parque eólico de Sotavento, situado na Serra da Loba. Nesta visita puideron afianzar os seus coñecementos de física e tecnoloxía acerca das enerxías renovables. 

A visita tivo unha duración de catro horas aproximadamente, onde se expuxo un importante contido tanto práctico coma teórico, pois os guías adaptáronse moi ben ao nivel dos escolares.

Esta actividade estivo organizada polos departamentos de Física e Química e de Tecnoloxía. 

O xoves 18 de decembro celebrouse no salón de actos do instituto o Festival de Nadal. Nel participaron alumnado da ESO e de Bacharelato. Ó longo da mañá, foron pasando polo escenario alumnos e alumnas da área de Música para interpretar diferentes cancións e coreografías. Tamén contamos cun espectáculo de maxia a cargo do Mago David. Este mesturou humor e maxia sen deixar de cautivar en ningún momento ó público.

Semana da Sostenibilidade de Lalín

Os pasados días 5, 6 e 7 de novembro o alumnado do Comité Ambiental participou na II Semana da Sostenibilidade organizada pola Concellería  de  Medioambiente.
O noso stand estivo no Auditorio acompañado de outros como:  Hifas da terra, enerxías renovables, clube ciclista Alambique e turismo sostible.
Durante a nosa estancia regalamos xabón artesán feito con aceite usado aos visitantes á feira a cambio do cal aceptamos unha colaboración económica para a nosa excursión de fin de curso de 4º de ESO.
Aos nosos veciños mostrámoslle a posibilidade de cubrir un cuestionario medioambiental que tiña como obxectivo facerlles reflexionar sobre as súas prácticas cotiáns.
Na mañá do xoves elaboramos o noso xabón para que os escolares de outros centros educativos poidesen ver o fácil que pode ser reciclar o noso aceite usado na casa.
Compañeiros e profes do noso centro visitaron así mesmo o noso stand para apoiar o noso traballo. 

O vindeiro luns día 1 de decembro terá lugar no Filmax Pontiñas a proxección da película estadounidense "Los seis signos de la luz", do director David L. Cunningham. A esta proxección asistirán os alumnos e alumnas de 2º de ESO. É a primeira actividade deste curso dentro do Programa de prevención de drogodependencias "CINENSINO". no que, a partir da visualización deste filme, o alumnado traballará co seu titor unha unidade didáctica na que se abordan contidos relacionados co filme.

O alumnado de 1º de ESO traballará ó longo de dúas sesións no obradoiro "Cidadanía no Mundo". Estes obradoiros faranse nas xornadas do 28 de novembro e 1 de decembro con 2 monitoras do Concello de Lalín.

A actividade central deste taller é a realización do nosa propia árbora xenealóxica para despois reflexionar sobre as orixes e os movementos de poboación das nosas familias. Os participantes pensan, comparten e opinan sobre os motivos que levan a unha persoa a cambiar de lugar de residencia e reflexionan sobre o contraste social e o intercambio cultural xurdido destes desprazamentos.

O pasado martes día 25 de novembro, os alumnos e alumnas dos Ciclos Formativos e 2º de Bacharelato acercáronse ó Filmax Pontiñas para ver a película "A Descoñecida" do director italiano Giuseppe Tornatore. Esta actividade estaba enmarcada dentro das actividades organizadas pola Oficina de Igualdade do Concello de Lalín con motivo do Día Internacional Contra a Violencia de Xénero.

O pasado martes día 18 de novembro o alumnado de 4º de E.S.O. viaxou a Ourense para asistir e desfrutar coas actividades programadas no proxecto Galiciencia e outras preparadas grazas ao patrocinio do parque Tecnópole e a organización de Altega. A viaxe foi preparada polos departamentos de Física e Química e Tecnoloxía.