Novas MeGaBiblio

O luns atoparedes nos vosos pupitres un exemplar de El emigrado, realizada pola Asociación Vagalumes para conmemorar o centenario deste xornal que publicaba a Sociedade de Fillos da Estrada en Cuba. Nel atoparedes unha interesante revisión dos persoeiros estradenses que participaron nos movementos renovadores da época como Acción republicana.

Se queredes levar un libro este verán podedes acceder ao servizo de préstamo da MeGaBiblio neste horario:

Luns 22: de 10:30 a 12:00 horas.

Martes 23: de 10:30 a 14:00 horas.

Xoves 25: de 11:00 a 12:00 horas.

Luns 29: de 11:00 a 12:00 horas.

Martes 30: de 10:00 a 11:45 horas.

Para devolver libros podedes entregalos en conserxería, no horario de atención ao público.

O pasado venres 14 de febreiro comenzou o concurso "Que sabes da historia do colectivo LGTB+?", que remata o 24 de febreiro. Se queres participar terás que responder a un cuestionario dispoñible na MeGabiblioteca. Haberá premios!

Neste mes de novembro, o mes da ciencia en galego, temos na MeGaBiblioteca, entre outras actividades, unha exposición de maquetas de células realizadas polos alumnos de 1º de ESO na materia de Bioloxía e Xeoloxía, baixo a dirección da profesora Loli Castro.

Mañá xoves 24 de outubro, na MeGaBiblio celebraremos o Día da Biblioteca escolar. No 1º recreo terá lugar a entrega de Diplomas aos axudantes de cursos pasados e no 2º teremos propostas de todos os sabores.

Hoxe martes 1 de outubro comeza o percorrido do club de lectura NA Estrada-525 cos grupos de Corredoiras (1º ciclo de ESO) e Autoestradas (de 3º de ESO en diante). Hoxe xantaremos xuntos na biblioteca e comentaremos as propostas de lecturas para o curso.

Dende onte, luns 30 de setembro, as portas da biblioteca están abertas: xa podes levar materiais en préstamo (lembra que antes deberás ter o carné inmaculado). En breve repartiremos os carnés aos novos membros da comunidade educativa. Pronto empezaremos as actividades...

Tés ata o xoves 3 de outubro para apuntarte como axudante da MeGaBiblioteca e/ou no club de lectura. Lembra que para cada unha destas actividades precisas unha autorización do teu titor/a legal.

O mércores 19 no 2º recreo, gran pase dos traballos audiovisuais realizados polos alumnos de Literatura Universal. Ven a disfrutalos na biblioteca.

E recorda que a partir do martes 18, préstamo especial de verán, pero antes debes ter devoltos todos os teus préstamos. Estes libros, películas, etc., devolveránse na primeira semana de setembro.

Como todos os anos, precisamos que todos os libros estean devoltos entre o 27 de maio e o 3 de xuño. Nestas semanas revisaremos todos os fondos para que os libros (tamén películas, cedés, cómics...) poidan marchar de vacacións con todos vós, polo que non se poderán facer préstamos ata 15 de xuño.

Este venres 31, no 2º recreo, disfrutaremos das recomendacións de lectura dos alumnos de Sonia Iglesias.

O vindeiro mércores 5 de xuño, no 2º recreo, proxectaranse os traballos de Literatura Universal baixo a coordinación de Soraya Suárez. 

• Mañá, xoves 23 de maio no 1º recreo, final do campionato de Fraguas. Aínda estás a tempo de gañar. Ao final do recreo entregaránse os tres premios.
• Tamén o xoves 23, no 2º recreo proxectaremos os traballos realizados polos alumnos dirixidos por Sonia Iglesias.
• O venres 24 veremos os vídeos feitos polo alumnado de Literatura Universal baixo a coordinación de Soraya Suárez.

A próxima semana teremos outro pase tamén xoves e venres. Aínda que haxa sol, podes entrar a disfrutar das propostas dos compañeiros.

Seguimos coas actividades do Día das Letras Galegas!!! Apúntate no primeiro recreo do luns ou proba a ver se es un dos 6 primeiros en achegarte a xogar. Temos un taboleiro, 6 fichas, unhas preguntiñas e uns premios do teu gusto.

Haberá tres premios (1º, 2º e 3º ). Anímate!!!

O equipo de Dinamización e Normalización Lingüística e a Biblioteca organizan conxuntamente dúas actividades para celebrar o Día das Letras galegas, adicado este ano a Antón Fraguas Fraguas, mestre no instituto de A Estrada de 1933 a 1936 e fundador da biblioteca do centro.

O xoves 16 de maio teremos dúas actividades: Xosé Carlos Garrido dará unha charla co título de "Fraguas na Estrada republicana", de 12.45 a 14.25 en Usos Múltiples, para o alumnado de 1º de Bacharelato e teremos un xogo de preguntas na biblioteca no 2º recreo.

Hoxe venres 10, no segundo recreo, haberá unha proxección na MeGaBiBlio de traballos realizados nas aulas de Lingua Castelá baixo a dirección de Sonia Iglesias.

O vindeiro venres no 2º recreo, visualizaremos os Catalibros realizados polos alumnos da materia de Lingua Castelá coa profesora Sonia Iglesias, que conseguirán a chapa da Biblio.

Tamén faremos pública a presentación sobre a historia do libro realizada polos nove centros educativos de A Estrada.

Mañá mércores no 2º recreo, visualizaremos os Catalibros realizados polos alumnos de 1º de Bacharelato na materia de Lingua Castelá coa profesora Sonia Iglesias.

Logo faremos pública a presentación sobre a historia do libro realizada polos nove centros educativos de A Estrada.

Durante estes días veredes unha estantería na que colocamos libros que podedes levar para as vosas casas se son do voso interese. Estes materiais foron doados por profesorado e alumnado do centro, e agradecémosllelo ofertándolles aos libros unha nova andaina.