Novas MeGaBiblio
Charla martes 2 de abril de 12.45 a 14.25. "Invisibles: mulleres represaliadas na Guerra Civil", por Montse Fajardo
Enviado por BiblioMGB o 1 Abril, 2019 - 09:05Mañá martes martes 2 de abril, nas dúas últimas horas (de 12.45 a 14.25), terá lugar na sala de usos múltiples unha charla impartida por Montse Fajardo que leva por título "Invisibles: mulleres represaliadas na Guerra Civil".
Asistirán 4º ESO A, 4º ESO C e 3º PMAR.
Todo o profesorado que desexe acudir esá invitado.
Exposición sobre a "Guerra Civil" na MeGaBiblioteca
Enviado por BiblioMGB o 1 Abril, 2019 - 08:54O día 1 de abril cúmprense os 80 anos do final da Guerra Civil, na biblioteca temos unha exposición de materiais sobre a temática para axudar ao profesorado que desexe traballar sobre ese tema esta semana.
Reto Lector, venres 15 de marzo
Enviado por BiblioMGB o 14 Marzo, 2019 - 08:41Como cada día 15, ven mañá venres a cuñar o teu carné do reto lector e leva a seguinte proposta!
Agardámoste o venres 15 no 2º recreo.
Programa especial de nutrición literaria (xoves 2º recreo)
Enviado por BiblioMGB o 13 Marzo, 2019 - 11:36Os xoves no 2º recreo ven disfrutar do programa especial de nutrición literaria. Le, recita, declama en voz alta un poema propio ou alleo e comprobarás como alimenta o espíritu.
Comeza este xoves 14 de marzo. Estamos a celebrar o Día da poesía, o 21 de marzo .
Día da muller. Charla e documental.
Enviado por BiblioMGB o 12 Marzo, 2019 - 08:57Hoxe, 12 de marzo, para conmemorar o Día da Muller, as bibliotecas escolares dos tres IES da Estrada organizamos, no auditorio da AGASP, dúas actividades:
- Charla de Aurora Marco para 4º de ESO e 1º de Bacharelato de 10.30 a 12.00 horas e
- Proxección do documental Tecido resistente e, posterior coloquio coa directora do mesmo, Marina Chiavegatto; para 3º de ESO de 12.30 a 14.00.
** Hoxe, ademais, xantamos xuntos os membros do club de lectura (os corredoiras e as autoestradas). Agardámoste!
Reunión "Reto lector"
Enviado por BiblioMGB o 11 Febreiro, 2019 - 09:58O vindeiro venres no 2º recreo celebrarase na MeGaBiblio unha reunión con todos os participantes do "Reto Lector". Neste doc en *.pdf podedes atopar a listaxedos libros de matemáticas nun fermosos díptico.
Actividades da MeGaBiblio
Enviado por BiblioMGB o 25 Xaneiro, 2019 - 12:00No primeiro andar temos a exposición "As pontes do río Ulla, natureza e cultura", elaborada pola asociación Raiceiros. Estará dende o 23 de xaneiro ata o 5 de febreiro. Os profesores poden acompañar aos alumnos e recoller unha pequena guía didáctica.
Comeza o reto lector, "Lemos pola CDU". A primeira proposta ata o día 15 de febreiro é "Contos con Contas" (libros vencellados coas matemáticas). Apúntate na Biblio!
MeGaBiblio: unha minisemana chea de actividades
Enviado por BiblioMGB o 3 Decembro, 2018 - 09:54Martes 4 de decembro:
- Hora de ler á 3ª hora. Disfruta dos 20 minutos de lectura silenciosa.
- Reunión do club de lectura. O grupo de "Corredoiras" comentará O misterio das badaladas de Xavier Docampo , o grupo de "Autoestradas" dialogará sobre Farenheit 451, de Ray Bradbury. Comeremos xuntos na biblio e compartiremos a charla cuns dóces. Ás 16,30 marchamos correndo para as aulas.
Mércores 5:
- no 1º recreo, empeza a nova proposta da biblioteca: un obradoiro. Nesta ocasión "Construímos un bosque de libros". Os que desexen participar vinde á biblioteca cunhas tixeiras (se non tendes, xa buscaremos solucións).Os voluntarios que queiran, guiados por María Armada, construirán as árbores dun bosque especial. Non andes polas ramas e vén a deixar a túa pegada.
pd: a prensa fíxose eco do noso Bingo contra a violencia machista para conmemorar o 25-N. Podes lelo nesta ligazón.
Actividades para o "Día contra a violencia de xénero"
Enviado por BiblioMGB o 22 Novembro, 2018 - 19:29Mañá venres 23 empezaremos unha serie de actividades para conmemorar o 25 de novembro, Día Contra a Violencia de Xénero.
- Venres 23: No segundo recreo haberá un photocall na biblioteca ou no vestíbulo.
- O luns 26 alumnos de 2ESO e 3ESO irán ás 12:30 ao teatro principal a ver "A princesa que non quería comer perdices". Os alumnos de 1ESO acudirán á charla de Sara Vierna sobre "Bo trato", na Academia de policía. Ambas actividades están organizadas polo CIM do Concello dd A Estrada e acudirán alumnos dos tres institutos.
- O martes 27 nos dous recreos xogaremos ao bingo do machismo. Participa. Haberá premios!
A violencia de xénero na rede
Enviado por BiblioMGB o 19 Novembro, 2018 - 19:07Son moitos os recursos que podemos atopar na rede sobre a violencia de xénero. Dende a MeGaBiblioteca seleccionamos os seguintes:
- Material para traballar nas titorías de 1º e 2º de ESO (Blog de Carmen Diéguez)
- Materiais para utilizar nas aulas de 3º e 4º da ESO e Bacharelato. (Blog de Carmen Diéguez)
- Web da MeGaBiblioteca (todos os niveis)
- Vídeo realizado en Vedra pola asociación Berenguela
Entrega de diplomas aos axudantes de Biblioteca
Enviado por BiblioMGB o 24 Outubro, 2018 - 10:18Hoxe mércores 24 de outubro, tivo lugar na MeGaBiblioteca a entrega de diplomas aos axudantes de cursos anteriores e do curso actual. A entrega foi realizada por Pilar Sampedro.
Mércores 24 de outubro, día da biblioteca escolar
Enviado por BiblioMGB o 22 Outubro, 2018 - 08:56Este mércores, 24 de outubro, é o Día da Biblioteca Escolar. Haberá 2 eventos nos recreos: no primeiro recreo, a entrega de diplomas (a cargo de Pilar Sampedro) aos ex axudantes da biblioteca, e a entrega das identificacións, horario e libreta, para os novos.
No 2º recreo, coa axuda de Pepe, intentaremos cumprir ao pé da letra o lema "Enróscate na lectura". Estades todos invitados!
Apertura da Biblioteca, venres 5 de outubro
Enviado por BiblioMGB o 1 Outubro, 2018 - 09:08O vindeiro venres 5 de outubro a MeGaBiblioteca abrirá o seu servizo de préstamo para o curso 2018/19.
En breve informaremos das novidades editorias e outras de interese para este novo curso.
Hora de ler, xoves a 5ª hora
Enviado por BiblioMGB o 2 Maio, 2018 - 12:16Recordámovos que o xoves 3 de maio a 5ª hora teremos a nosa HORA DE LER! Vinte minutos para ler o que ti queiras!
Im-perdibles
Enviado por BiblioMGB o 23 Abril, 2018 - 10:17Cal é o teu "Im-perdible"? Pásate pola MeGaBiblio durante esta semana e recomenda ese libro que levarías a unha illa deserta!
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »