O noso compañeiro Alexandre Rivera, do departamento de Inglés, participou no programa PIALE 2022 e viaxou a Ottawa integrándose nun centro educativo canadense, o Cedarview Middle School.
O seu cometido era observar o sistema educativo canadense para achegar as súas experiencias ao seu alumnado de Burela.
Estivo traballando co alumnado de 3º ESO PDC, 4º ESO B e 1º de Bacharelato para ensinarlles como funciona un instituto en Canadá e os aspectos máis destacables da súa cultura: o bilingüismo francés-inglés, a multiculturalidade etc.
Un dato relevante e que chamou a atención do alumnado é que alí comezan as clases co himno nacional e logo agradecen aos aborixes (que eles chaman as primeiras nacións) o territorio no que aprenden, xogan e medran intentando redimirse do pasado colonialista.
A continuación tedes a presentación que Alexandre empregou co alumnado na que tamén aparecen as actividades que se desenvolveron na aula á súa chegada e nas que traballaron por estacións: un concurso de cultura canadense, a planificación dun día por Ottawa, a xeolocalización das cidades e provincias de Canadá e elaboración de souvenirs.
Canada difusion by Alexandre Rivera