O próximo martes 20 de xullo publicarase a listaxe da primeira adxudicación de prazas de ciclos formativos para o curso 2021-22 (alumnado que accede ao 1º curso do ciclo ou repite 1º curso).
Se che é adxudicada unha praza, debes matricularte ou renunciar á mesma (prazo do 20 ata o 26 de xullo ás 13 horas)
Se non che foi adxudicada unha praza, tamén podes matricularte directamente nas prazas vacantes liberadas (nº limitado). Neste caso a matrícula realizarase por orde de chegada, só con acreditar os requisitos de acceso. As listaxes de prazas liberadas publicaranse a partir do día 20 de xullo.